Anna Mjöll ætlar að syngja fyrir pabba

Söngkonan Anna Mjöll, sem býr og starfar í Los Angeles, er væntanleg til landsins og hyggst syngja fyrir Íslendinga í júní. Hún stendur fyrir minningartónleikum hér á landi um föður sinn, tónlistarmanninn Ólaf Gauk Þórhallsson, sem lést í fyrra.

Tónleikarnir verða á Rosenberg þann fyrsta júní næstkomandi og er miðasalan hafin. Tónleikarnir munu heita Jazz fyrir pabba og með Önnu Mjöll leika Jón Páll Bjarnason, Ólafur Jónsson, Gunnar Hrafnsson og Jóhann Hjörleifsson.