Löggulíf - extended version Sigríður Víðis Jónsdóttir skrifar 16. júní 2011 09:00 Í sumar eigum við eftir að heyra í fréttum af heysprettu víða um land, fjölmennum fótboltamótum, umferð úr og í bæinn og týndu ferðafólki. Eitt vinsælasta efnið verður hins vegar íslenskar löggufréttir. Lögreglan vinnur afar erfitt og mikilvægt starf en fyrr má rota en dauðrota með nákvæmum fréttum af einum og tveimur sem stöðvaðir voru fyrir grun um ölvun eða hraðakstur. Lögguáherslan verður sjaldan ýktari en þegar kemur að bæjarhátíðum. Fyrirsjáanleg dagskrá, blöðrur og hoppkastalar einkenna hátíðarnar vissulega en þær eru líka fallegar og skemmtilegar og oft langstærsti viðburður ársins í viðkomandi bæjarfélagi. Það er ódýr afgreiðsla að hringja í lögguna á staðnum og einblína á það hvað hún gerði – eða gerði ekki. „Þrír voru teknir fyrir ölvunarakstur á hátíðinni Á góðri stundu í Grundarfirði þar sem yfir tvö þúsund manns voru saman komnir." Klassískt stef. Dæmi úr útvarpsfrétt í fyrra. Í annarri hádegisfrétt, í öðrum miðli, var ekki vikið orði að stórkostlegu götugrilli sem fram fór í hverri einustu götu á Akranesi. Stuttri frétt af bæjarhátíðinni var þess í stað eytt í að segja: „Fjórir gistu fangageymslur síðastliðna nótt, tveir sökum ölvunar og einn var tekinn fyrir ölvunarakstur. Þá var einn tekinn með fíkniefni og bíður nú skýrslutöku." Er þetta í alvörunni lýsandi fyrir 6.500 manna bæ sem er skreyttur í bak og fyrir og troðfullur af gestum? Er þetta yfirhöfuð fréttnæmt? Kvöldið eftir fjölmenntu ungir sem aldnir í brekkusöng. Eftir sönginn streymdi fólk úr brekkunni á bryggjuna þar sem langstærsta ball ársins á Skaga var haldið: Lopapeysan. Þangað mætir meirihluti fólks í heimaprjónuðum peysum. Og í hádegisfréttum daginn eftir? „Talsverður erill var hjá lögreglu á Akranesi í nótt (…) Nokkrir þurftu að gista í fangageymslu sökum ölvunar. Einn ökumaður var handtekinn grunaður um ölvunarakstur og annar ökumaður var stöðvaður undir morgun, en sá var talinn hafa ekið undir áhrifum fíkniefna." Eftiraðra helgi með fimm bæjarhátíðum var þetta í útvarpsfréttum þar sem litið var yfir helgina: „Nóttin var að mestu róleg hjá lögreglunni á Selfossi, en tveir voru teknir vegna gruns um ölvun við akstur." Á frídegi verslunarmanna heyrðum við hins vegar þetta: „Tíðindalítið er af útihátíðum um allt land. Lögreglan hefur ekki þurft að hafa afskipti af leiðindauppákomum og brotlegu hátterni manna í nótt." Uuu –það að tíðindalítið sé af lögreglunni þýðir ekki endilega að tíðindalaust sé af hátíðunum sjálfum! Viltu birta grein á Vísi? Sendu okkur póst. Senda grein Sigríður Víðis Jónsdóttir Mest lesið Sleppum brúnni og förum betri leið framhjá Selfossi Elliði Vignisson Skoðun Spilling á Íslandi: Erum við að missa tökin? Ágústa Árnadóttir Skoðun Halldór 5.10.2024 Jón Þór Stefánsson Halldór Telur rektor Háskóla Íslands úrskurði alþjóðadómstóla og ályktanir Sameinuðu þjóðanna vera pólitískt álitamál? Elí Hörpu- og Önundarbur Skoðun Af ofurhetjum og störfum þeirra Kristín Björnsdóttir Skoðun Eignafólk græðir mikið á vaxtastefnu Seðlabankans Stefán Ólafsson Skoðun Þriðjungur barna af erlendum uppruna tilheyrir ekki skólanum sínum Sara Björg Sigurðardóttir Skoðun Er vitlaust gefið í stjórnmálum? Reynir Böðvarsson Skoðun Foreldrar eru sérfræðingar í sínum börnum Valdimar Víðisson Skoðun Uppeldi frá gamla einmenningar eins-skin-litar viðhorfum Matthildur Björnsdóttir Skoðun
Í sumar eigum við eftir að heyra í fréttum af heysprettu víða um land, fjölmennum fótboltamótum, umferð úr og í bæinn og týndu ferðafólki. Eitt vinsælasta efnið verður hins vegar íslenskar löggufréttir. Lögreglan vinnur afar erfitt og mikilvægt starf en fyrr má rota en dauðrota með nákvæmum fréttum af einum og tveimur sem stöðvaðir voru fyrir grun um ölvun eða hraðakstur. Lögguáherslan verður sjaldan ýktari en þegar kemur að bæjarhátíðum. Fyrirsjáanleg dagskrá, blöðrur og hoppkastalar einkenna hátíðarnar vissulega en þær eru líka fallegar og skemmtilegar og oft langstærsti viðburður ársins í viðkomandi bæjarfélagi. Það er ódýr afgreiðsla að hringja í lögguna á staðnum og einblína á það hvað hún gerði – eða gerði ekki. „Þrír voru teknir fyrir ölvunarakstur á hátíðinni Á góðri stundu í Grundarfirði þar sem yfir tvö þúsund manns voru saman komnir." Klassískt stef. Dæmi úr útvarpsfrétt í fyrra. Í annarri hádegisfrétt, í öðrum miðli, var ekki vikið orði að stórkostlegu götugrilli sem fram fór í hverri einustu götu á Akranesi. Stuttri frétt af bæjarhátíðinni var þess í stað eytt í að segja: „Fjórir gistu fangageymslur síðastliðna nótt, tveir sökum ölvunar og einn var tekinn fyrir ölvunarakstur. Þá var einn tekinn með fíkniefni og bíður nú skýrslutöku." Er þetta í alvörunni lýsandi fyrir 6.500 manna bæ sem er skreyttur í bak og fyrir og troðfullur af gestum? Er þetta yfirhöfuð fréttnæmt? Kvöldið eftir fjölmenntu ungir sem aldnir í brekkusöng. Eftir sönginn streymdi fólk úr brekkunni á bryggjuna þar sem langstærsta ball ársins á Skaga var haldið: Lopapeysan. Þangað mætir meirihluti fólks í heimaprjónuðum peysum. Og í hádegisfréttum daginn eftir? „Talsverður erill var hjá lögreglu á Akranesi í nótt (…) Nokkrir þurftu að gista í fangageymslu sökum ölvunar. Einn ökumaður var handtekinn grunaður um ölvunarakstur og annar ökumaður var stöðvaður undir morgun, en sá var talinn hafa ekið undir áhrifum fíkniefna." Eftiraðra helgi með fimm bæjarhátíðum var þetta í útvarpsfréttum þar sem litið var yfir helgina: „Nóttin var að mestu róleg hjá lögreglunni á Selfossi, en tveir voru teknir vegna gruns um ölvun við akstur." Á frídegi verslunarmanna heyrðum við hins vegar þetta: „Tíðindalítið er af útihátíðum um allt land. Lögreglan hefur ekki þurft að hafa afskipti af leiðindauppákomum og brotlegu hátterni manna í nótt." Uuu –það að tíðindalítið sé af lögreglunni þýðir ekki endilega að tíðindalaust sé af hátíðunum sjálfum!
Telur rektor Háskóla Íslands úrskurði alþjóðadómstóla og ályktanir Sameinuðu þjóðanna vera pólitískt álitamál? Elí Hörpu- og Önundarbur Skoðun
Þriðjungur barna af erlendum uppruna tilheyrir ekki skólanum sínum Sara Björg Sigurðardóttir Skoðun
Telur rektor Háskóla Íslands úrskurði alþjóðadómstóla og ályktanir Sameinuðu þjóðanna vera pólitískt álitamál? Elí Hörpu- og Önundarbur Skoðun
Þriðjungur barna af erlendum uppruna tilheyrir ekki skólanum sínum Sara Björg Sigurðardóttir Skoðun