Ein stór helvítis fjölskylda Atli Fannar Bjarkason skrifar 25. febrúar 2011 22:00 Þrátt fyrir að hafa aðeins starfað í tæp tvö ár hefur hljómsveitin Skálmöld náð frábærum árangri. Hljómsveitin sendi frá sér fyrstu plötuna fyrir síðustu jól og hefur hún slegið í gegn hjá þungarokksáhugamönnum landsins. Þá er hljómsveitin á leiðinni til Þýskalands í sumar þar sem hún kemur fram á Wacken, stærstu þungarokkshátíð heims. Atli Fannar Bjarkason tók viðtal við sveitina fyrir Popp, fylgirit Fréttablaðsins. Fyrst þegar ég heyrði um Skálmöld voruð þið tilbúnir með metnaðarfulla plötu. Í annað skipti sem ég heyrði um ykkur voruð þið bókaðir á Wacken. Var alltaf ætlunin að fara með hljómsveitina alla leið? Baldur: „Já. Hugmyndin var að stofna þungarokksband og taka enga gísla. Taka þetta alla leið. Það er í rauninni Snæbjörn bróðir minn Ragnarsson sem fær þessa hugmynd. Hann langar að gera plötu sem er ein saga, semur lagatitlana og sendir póst á þá sem hann langar að fá í bandið og allir eru til og þá hittumst við í fyrsta skipti." Og þá er hugmyndin að plötunni tilbúin og aðeins eftir að skálda í eyðurnar? Baldur: „Já, og við áttum eftir að finna hljóm. Við héldum að þetta yrði meira þjóðlaga, en svo varð þetta meira þungarokk. Svo urðu íslensku þjóðlagaáhrifin meiri – við bjuggumst við að fara meira í keltnesku áttina en svo sáum við að þetta væri alveg rammíslenskt." Og meikar sens að tengja saman áhrif úr Íslendingasögum og þungarokk? Er þetta samofið? Björgvin: „Já, mér finnst það." Baldur: „Þungarokk hefur löngum verið hetjutónlist og Íslendingasögurnar eru hetjusögur. En sagan á plötunni gerist í eins konar ævintýraheimi, sem er blanda af goðafræði og Dungeons and Dragons. Þetta er blanda sem varð til í höfðinu á Snæbirni. Þetta er heimur sem er hvergi til, en stíllinn er mjög íslenskur." Björgvin: „Já, þetta er svona Gísli Súrsson, Dungeons and Dragons, Lord of the Rings…" Og tvöföld bassatromma? Baldur: „Og nóg af tvöfaldri bassatrommu."Skálmöld hélt tvenna útgáfutónleika í Tjarnarbíói í gærkvöldi.Og var strax stefnt út í heim með tónlistina? Björgvin: „Nei. Hugmyndin var að uppfylla draum okkar um að vera í alvöru þungarokkshljómsveit og gera alvöru þungarokksplötu." Baldur: „Við erum nefnilega ekki allir 26 ára … Bara ég." Björgvin: „Að sjálfsögðu ætluðum við að leggja allt okkar í að gera góða plötu, en það var ekki fyrr en við spiluðum á Eistnaflugi að við fundum fyrir þessum svakalega meðbyr. Þá fundum við að þetta gæti orðið eitthvað meira en hljómsveitaræfing einu sinni í viku." Baldur: „Við ákváðum reyndar snemma í ferlinu að detta ekki í þennan rammíslenska gír að vera þjakaðir af minnimáttarkennd: Af því að við erum að spila þessa tónlist á hún ekki erindi hingað og þangað. Við ákváðum að hundsa öll svona takmörk, fylgja plötunni eftir eins vel og við gætum og sá sem vill heyra, hann skal fá að heyra." Og nú er það Þjóðverjinn sem vill fá að heyra meira? Baldur: „Já, þetta hentar Þjóðverjum ágætlega." Já, Þjóðverjar eru miklir metalhausar. Baldur: „Já, þeir eru alveg rótgrónir." Björgvin: „Við erum allir búnir að hlusta á þungarokk svo lengi og áhrifin eru svo mikil frá eldra þungarokki. Ég held að það fari vel í Þjóðverjann." Eru þið búnir að skipuleggja meira í kringum ferðina til Þýskalands? Baldur: „Við erum ekki búnir að ákveða það, en það hafa komið upp hugmyndir. Það er ekki fullmótað." Björgvin: „Sumt af því er leyndarmál." Baldur: „Svo er annað að detta inn. Við erum til dæmis að spila á G-festival í Færeyjum og svo er Eistnaflug griðastaðurinn, árshátíðin. Maður verður að sjálfsögðu að fara þangað." Eru þið byrjaðir að finna fyrir meiri áhuga erlendis í kjölfar bókunar á Wacken? Björgvin: „Alveg klárlega. Fyrirspurnirnar eru alveg ótrúlega margar." Baldur: „Netið er svo dásamlegt. Maður sér hvernig heimurinn bregst við. Að fá að vera með nafnið á hljómsveitinni á heimasíðu einnar stærstu þungarokkshátíðar í heimi í tæpt ár er ótrúleg auglýsing. Þetta er fljótt að smita út frá sér. Það er gríðarlega stór hluti þungarokkara sem fer í gegnum hljómsveitirnar sem spila á Wacken, hvort sem þeir fara á hátíðina eða ekki, þannig að það er risastór auglýsing fyrir okkur sem hefur verið að skila sér." Hefur platan selst meira í útlöndum en á Íslandi? Björgvin: „Nei, miklu meira á Íslandi." Baldur: „Við erum ekki búnir að gefa hana út á Íslandi." Björgvin: „Platan er gefin út í gegnum Tutl í Færeyjum og þeir eru með dreifikerfi á Norðurlöndunum og í Þýskalandi. En þeir hafa ekkert rosalega mikið sinnt því. Flestar plöturnar sem hafa verið framleiddar komu hingað." Baldur: „Bara af því að eftirspurnin er það grimm hérna. Nú eru komin fleiri eintök sem fara að skríða á fleiri staði. Við stefnum á að dreifa henni sem víðast." Björgvin: „Við ætlum að sigra Evrópu í sumar." Baldur: „Einfalt og gott plan."Skálmöld samanstendur af reyndum mönnum úr tónlistarbransanum. Meðlimirnir eru kórstjórar og tónmenntakennarar ásamt tveimur meðlimum Ljótu hálfvitanna og trommara hljómsveitarinnar Ampop. Björgvin: „Við erum allir þungarokkarar frá því að við vorum pínulitlir, en höfðum aldrei gefið út þungarokksplötu. Það var það sem var stefnt á, að geta sest niður á sjötugsaldri og skoðað þungarokksplötuna sína." Baldur: „Þetta er nauðsynlegt á dánarbeðinu." Lifir þungarokk góðu lífi á Íslandi? Björgvin: „Mér finnst þungarokkið vera sprelllifandi á Íslandi. Eistnaflug stækkar og stækkar og er búið að festa sig í sessi. Það er mikið af góðum hljómsveitum." Baldur: „Það eru margar hljómsveitir sem eru á heimsmælikvarða." Björgvin: „Eins og til dæmis Beneath, Severed Crotch, Sólstafir og Gone Postal, til að nefna einhverjar. Ástæðan fyrir því að þær eru ekki eins áberandi og við er að okkar tónlist er kannski aðgengilegri. Þær eru talsvert harðari." Baldur: „Við vorum einmitt að ræða um daginn hvað við erum ótrúlega fegnir að þungarokkið sé að lifa af, en ekki til dæmis diskóið – ef það væru risastórar diskóhátíðir úti um allan heim." Björgvin: „Og Eistnaflug snerist um að fá Boney M til landsins." Baldur: „Það er í rauninni furðulegt að hugsa út í af hverju þungarokk hefur lifað af frekar en eitthvað annað. Þetta er í rauninni alveg jafn mikil tíska." Björgvin: „Það sem skilur að er að tryggustu aðdáendurnir í tónlist eru þungarokkararnir. Einhvers staðar las ég að þegar þessi download-væðing fór í gang, þá var þungarokkið sú tegund tónlistar þar sem plötusala dróst minnst saman. Þar eru tryggustu aðdáendurnir og þeir kaupa plöturnar." Eru allir ráðsettir fjölskyldumenn í hljómsveitinni? Björgvin: „Ekki allir, nei. En bróðurparturinn." Baldur: „Fjórir af sex eiga erfingja, barn eða börn." Hvernig fer þungarokkið saman við fjölskyldulífið? Er hægt að tvinna þetta saman? Björgvin: „Jájá, það er hægt. Stundum þarf góðan vilja." Baldur: „Á meðan allir eru til í þetta. Þá gengur þetta upp. Við erum sex í hljómsveit en hópurinn er miklu stærri." Þannig að Skálmöld er fjölskylda. Baldur: „Þetta er ein stór helvítis fjölskylda!" Eistnaflug Mest lesið Albert mættur í dómsal Innlent Gerði sér mat úr kattaráti andlega veikrar konu Erlent „Lærisveinn“ Pélicot sagður hafa beitt sömu aðferðum á eigin konu Erlent Talinn hafa svipt barn frelsi sem hann grunaði um að stela veipi Innlent „Fólk fer hreinlega grátandi frá mér“ Innlent Sigurður Helgi Guðjónsson látinn Innlent „Það var mikil geðshræring á heimilinu“ Innlent „Þetta er ákall frá ungmennunum sjálfum“ Innlent 171 handtekinn og 402 börnum bjargað í aðgerðum í Malasíu Erlent Svarar fyrir að hafa banað syni sínum í Kópavogi Innlent Fleiri fréttir Róbert Spanó telur ákvörðun Guðrúnar ekki standast Vilja halda áfram sameiningarviðræðum á Suðurnesjum Svarar fyrir að hafa banað syni sínum í Kópavogi Mega nú setja svalir á hús í Norðurmýri og Rauðarárholti Albert mættur í dómsal Talinn hafa svipt barn frelsi sem hann grunaði um að stela veipi Sigurður Helgi Guðjónsson látinn Lögregla kölluð til vegna slagsmála Heildartjón á mannvirkjum áætlað allt að 16 til 17 milljarðar Lítið mál að fjölga löggum „Góði líttu þér nær!“ „Þetta er ákall frá ungmennunum sjálfum“ Tækifæri til að sammælast um breytingar á stjórnarskránni „Fólk fer hreinlega grátandi frá mér“ Hafi ekki verið að gera lítið úr öryrkjum og bölvar gallaðri reiknivél Bein útsending: Stefnuræða forsætisráðherra Tárast yfir verði á aðgerð og þúsundir barna á biðlista „Það var mikil geðshræring á heimilinu“ Hilmar B. Jónsson matreiðslumeistari látinn Tæplega áttatíu börn með stöðu sakbornings í ofbeldismálum Árásarmaður Ingunnar í sjö og hálfs árs fangelsi hið minnsta Börnin bíða, bíða og bíða Framkvæmdaleyfi að hluta í höfn fyrir lundinn umdeilda Ráðstöfun séreignarsparnaðar úr sögunni: „Ég skora á stjórnvöld að framlengja þetta ákvæði“ Þær 25 aðgerðir sem fjármagna á vegna ofbeldis barna Sjö ár frá síðustu stefnuræðu Bjarna sem forsætisráðherra Andlát eftir höfuðhögg á LÚX komið á borð saksóknara „Umferð einkaflugvéla hefur aldrei verið jafn mikil“ Metfjöldi veðurviðvarana að sumri til eftir rólegasta veturinn Telja nafnið geta orðið nafnbera til ama og segja nei Sjá meira
Þrátt fyrir að hafa aðeins starfað í tæp tvö ár hefur hljómsveitin Skálmöld náð frábærum árangri. Hljómsveitin sendi frá sér fyrstu plötuna fyrir síðustu jól og hefur hún slegið í gegn hjá þungarokksáhugamönnum landsins. Þá er hljómsveitin á leiðinni til Þýskalands í sumar þar sem hún kemur fram á Wacken, stærstu þungarokkshátíð heims. Atli Fannar Bjarkason tók viðtal við sveitina fyrir Popp, fylgirit Fréttablaðsins. Fyrst þegar ég heyrði um Skálmöld voruð þið tilbúnir með metnaðarfulla plötu. Í annað skipti sem ég heyrði um ykkur voruð þið bókaðir á Wacken. Var alltaf ætlunin að fara með hljómsveitina alla leið? Baldur: „Já. Hugmyndin var að stofna þungarokksband og taka enga gísla. Taka þetta alla leið. Það er í rauninni Snæbjörn bróðir minn Ragnarsson sem fær þessa hugmynd. Hann langar að gera plötu sem er ein saga, semur lagatitlana og sendir póst á þá sem hann langar að fá í bandið og allir eru til og þá hittumst við í fyrsta skipti." Og þá er hugmyndin að plötunni tilbúin og aðeins eftir að skálda í eyðurnar? Baldur: „Já, og við áttum eftir að finna hljóm. Við héldum að þetta yrði meira þjóðlaga, en svo varð þetta meira þungarokk. Svo urðu íslensku þjóðlagaáhrifin meiri – við bjuggumst við að fara meira í keltnesku áttina en svo sáum við að þetta væri alveg rammíslenskt." Og meikar sens að tengja saman áhrif úr Íslendingasögum og þungarokk? Er þetta samofið? Björgvin: „Já, mér finnst það." Baldur: „Þungarokk hefur löngum verið hetjutónlist og Íslendingasögurnar eru hetjusögur. En sagan á plötunni gerist í eins konar ævintýraheimi, sem er blanda af goðafræði og Dungeons and Dragons. Þetta er blanda sem varð til í höfðinu á Snæbirni. Þetta er heimur sem er hvergi til, en stíllinn er mjög íslenskur." Björgvin: „Já, þetta er svona Gísli Súrsson, Dungeons and Dragons, Lord of the Rings…" Og tvöföld bassatromma? Baldur: „Og nóg af tvöfaldri bassatrommu."Skálmöld hélt tvenna útgáfutónleika í Tjarnarbíói í gærkvöldi.Og var strax stefnt út í heim með tónlistina? Björgvin: „Nei. Hugmyndin var að uppfylla draum okkar um að vera í alvöru þungarokkshljómsveit og gera alvöru þungarokksplötu." Baldur: „Við erum nefnilega ekki allir 26 ára … Bara ég." Björgvin: „Að sjálfsögðu ætluðum við að leggja allt okkar í að gera góða plötu, en það var ekki fyrr en við spiluðum á Eistnaflugi að við fundum fyrir þessum svakalega meðbyr. Þá fundum við að þetta gæti orðið eitthvað meira en hljómsveitaræfing einu sinni í viku." Baldur: „Við ákváðum reyndar snemma í ferlinu að detta ekki í þennan rammíslenska gír að vera þjakaðir af minnimáttarkennd: Af því að við erum að spila þessa tónlist á hún ekki erindi hingað og þangað. Við ákváðum að hundsa öll svona takmörk, fylgja plötunni eftir eins vel og við gætum og sá sem vill heyra, hann skal fá að heyra." Og nú er það Þjóðverjinn sem vill fá að heyra meira? Baldur: „Já, þetta hentar Þjóðverjum ágætlega." Já, Þjóðverjar eru miklir metalhausar. Baldur: „Já, þeir eru alveg rótgrónir." Björgvin: „Við erum allir búnir að hlusta á þungarokk svo lengi og áhrifin eru svo mikil frá eldra þungarokki. Ég held að það fari vel í Þjóðverjann." Eru þið búnir að skipuleggja meira í kringum ferðina til Þýskalands? Baldur: „Við erum ekki búnir að ákveða það, en það hafa komið upp hugmyndir. Það er ekki fullmótað." Björgvin: „Sumt af því er leyndarmál." Baldur: „Svo er annað að detta inn. Við erum til dæmis að spila á G-festival í Færeyjum og svo er Eistnaflug griðastaðurinn, árshátíðin. Maður verður að sjálfsögðu að fara þangað." Eru þið byrjaðir að finna fyrir meiri áhuga erlendis í kjölfar bókunar á Wacken? Björgvin: „Alveg klárlega. Fyrirspurnirnar eru alveg ótrúlega margar." Baldur: „Netið er svo dásamlegt. Maður sér hvernig heimurinn bregst við. Að fá að vera með nafnið á hljómsveitinni á heimasíðu einnar stærstu þungarokkshátíðar í heimi í tæpt ár er ótrúleg auglýsing. Þetta er fljótt að smita út frá sér. Það er gríðarlega stór hluti þungarokkara sem fer í gegnum hljómsveitirnar sem spila á Wacken, hvort sem þeir fara á hátíðina eða ekki, þannig að það er risastór auglýsing fyrir okkur sem hefur verið að skila sér." Hefur platan selst meira í útlöndum en á Íslandi? Björgvin: „Nei, miklu meira á Íslandi." Baldur: „Við erum ekki búnir að gefa hana út á Íslandi." Björgvin: „Platan er gefin út í gegnum Tutl í Færeyjum og þeir eru með dreifikerfi á Norðurlöndunum og í Þýskalandi. En þeir hafa ekkert rosalega mikið sinnt því. Flestar plöturnar sem hafa verið framleiddar komu hingað." Baldur: „Bara af því að eftirspurnin er það grimm hérna. Nú eru komin fleiri eintök sem fara að skríða á fleiri staði. Við stefnum á að dreifa henni sem víðast." Björgvin: „Við ætlum að sigra Evrópu í sumar." Baldur: „Einfalt og gott plan."Skálmöld samanstendur af reyndum mönnum úr tónlistarbransanum. Meðlimirnir eru kórstjórar og tónmenntakennarar ásamt tveimur meðlimum Ljótu hálfvitanna og trommara hljómsveitarinnar Ampop. Björgvin: „Við erum allir þungarokkarar frá því að við vorum pínulitlir, en höfðum aldrei gefið út þungarokksplötu. Það var það sem var stefnt á, að geta sest niður á sjötugsaldri og skoðað þungarokksplötuna sína." Baldur: „Þetta er nauðsynlegt á dánarbeðinu." Lifir þungarokk góðu lífi á Íslandi? Björgvin: „Mér finnst þungarokkið vera sprelllifandi á Íslandi. Eistnaflug stækkar og stækkar og er búið að festa sig í sessi. Það er mikið af góðum hljómsveitum." Baldur: „Það eru margar hljómsveitir sem eru á heimsmælikvarða." Björgvin: „Eins og til dæmis Beneath, Severed Crotch, Sólstafir og Gone Postal, til að nefna einhverjar. Ástæðan fyrir því að þær eru ekki eins áberandi og við er að okkar tónlist er kannski aðgengilegri. Þær eru talsvert harðari." Baldur: „Við vorum einmitt að ræða um daginn hvað við erum ótrúlega fegnir að þungarokkið sé að lifa af, en ekki til dæmis diskóið – ef það væru risastórar diskóhátíðir úti um allan heim." Björgvin: „Og Eistnaflug snerist um að fá Boney M til landsins." Baldur: „Það er í rauninni furðulegt að hugsa út í af hverju þungarokk hefur lifað af frekar en eitthvað annað. Þetta er í rauninni alveg jafn mikil tíska." Björgvin: „Það sem skilur að er að tryggustu aðdáendurnir í tónlist eru þungarokkararnir. Einhvers staðar las ég að þegar þessi download-væðing fór í gang, þá var þungarokkið sú tegund tónlistar þar sem plötusala dróst minnst saman. Þar eru tryggustu aðdáendurnir og þeir kaupa plöturnar." Eru allir ráðsettir fjölskyldumenn í hljómsveitinni? Björgvin: „Ekki allir, nei. En bróðurparturinn." Baldur: „Fjórir af sex eiga erfingja, barn eða börn." Hvernig fer þungarokkið saman við fjölskyldulífið? Er hægt að tvinna þetta saman? Björgvin: „Jájá, það er hægt. Stundum þarf góðan vilja." Baldur: „Á meðan allir eru til í þetta. Þá gengur þetta upp. Við erum sex í hljómsveit en hópurinn er miklu stærri." Þannig að Skálmöld er fjölskylda. Baldur: „Þetta er ein stór helvítis fjölskylda!"
Eistnaflug Mest lesið Albert mættur í dómsal Innlent Gerði sér mat úr kattaráti andlega veikrar konu Erlent „Lærisveinn“ Pélicot sagður hafa beitt sömu aðferðum á eigin konu Erlent Talinn hafa svipt barn frelsi sem hann grunaði um að stela veipi Innlent „Fólk fer hreinlega grátandi frá mér“ Innlent Sigurður Helgi Guðjónsson látinn Innlent „Það var mikil geðshræring á heimilinu“ Innlent „Þetta er ákall frá ungmennunum sjálfum“ Innlent 171 handtekinn og 402 börnum bjargað í aðgerðum í Malasíu Erlent Svarar fyrir að hafa banað syni sínum í Kópavogi Innlent Fleiri fréttir Róbert Spanó telur ákvörðun Guðrúnar ekki standast Vilja halda áfram sameiningarviðræðum á Suðurnesjum Svarar fyrir að hafa banað syni sínum í Kópavogi Mega nú setja svalir á hús í Norðurmýri og Rauðarárholti Albert mættur í dómsal Talinn hafa svipt barn frelsi sem hann grunaði um að stela veipi Sigurður Helgi Guðjónsson látinn Lögregla kölluð til vegna slagsmála Heildartjón á mannvirkjum áætlað allt að 16 til 17 milljarðar Lítið mál að fjölga löggum „Góði líttu þér nær!“ „Þetta er ákall frá ungmennunum sjálfum“ Tækifæri til að sammælast um breytingar á stjórnarskránni „Fólk fer hreinlega grátandi frá mér“ Hafi ekki verið að gera lítið úr öryrkjum og bölvar gallaðri reiknivél Bein útsending: Stefnuræða forsætisráðherra Tárast yfir verði á aðgerð og þúsundir barna á biðlista „Það var mikil geðshræring á heimilinu“ Hilmar B. Jónsson matreiðslumeistari látinn Tæplega áttatíu börn með stöðu sakbornings í ofbeldismálum Árásarmaður Ingunnar í sjö og hálfs árs fangelsi hið minnsta Börnin bíða, bíða og bíða Framkvæmdaleyfi að hluta í höfn fyrir lundinn umdeilda Ráðstöfun séreignarsparnaðar úr sögunni: „Ég skora á stjórnvöld að framlengja þetta ákvæði“ Þær 25 aðgerðir sem fjármagna á vegna ofbeldis barna Sjö ár frá síðustu stefnuræðu Bjarna sem forsætisráðherra Andlát eftir höfuðhögg á LÚX komið á borð saksóknara „Umferð einkaflugvéla hefur aldrei verið jafn mikil“ Metfjöldi veðurviðvarana að sumri til eftir rólegasta veturinn Telja nafnið geta orðið nafnbera til ama og segja nei Sjá meira