Daníel Ágúst valinn myndrænasti Íslendingurinn 2. maí 2010 16:30 Í myndasafninu sem fylgir fréttinni er hægt að sjá afhverju ljósmyndararnir völdu þessa fjórtán á listann. Blaða- og tímaritaljósmyndarar landsins eiga að baki margra ára reynslu í því að mynda þjóðþekkta Íslendinga og þekkja það manna og kvenna best að menn geta komið misjafnlega vel út á ljósmynd, og skiptir þá ekki máli hvort eða hversu fallegt viðfangsefnið þykir. Þessi könnun er því ekki miðuð út frá því hvernig fyrirsæturnar líta út, heldur hversu auðvelt er að ná góðum myndum af viðkomandi og þar hefur útlitið ekki alltaf allt að segja. Viðkomandi getur einhverra hluta vegna myndast betur en aðrir og gefið mikinn karakter í myndina. Margir voru nefndir til sögunnar þegar ljósmyndarar voru beðnir að nefna þau viðfangsefni sem kæmu best út á mynd. Þrír fengu langflestar tilnefningar en hægt er að skoða myndir af öllum í myndasafninu fyrir neðan fréttina. 1. Daníel Ágúst Haraldsson "Það er alveg sama hvað maður fær langan tíma með honum, manni nægir stundum bara ein mynd og hún er flott," segir einn ljósmyndaranna um Daníel Ágúst Haraldsson tónlistarmann. Daníel hefur lengi verið í fremstu röð tónlistarmanna og er í sérstöku uppáhaldi hjá ljósmyndurum sem finnst hreinlega eins og mynd með söngvaranum geti ekki mistekist. Ekki sakar það að Daníel er að þeirra sögn vanur myndatökum og þægilegur í umgengni, aldrei með vesen, heldur mætir á tökustað og setur sig í réttu stellingarnar. "Hann er töff náungi og veit hvað hann er að gera," sagði annar um listamanninn sem fékk flest atkvæði ljósmyndara yfir Íslendinga sem festast hvað best á filmu. 2. Vigdís Finnbogadóttir "Leikhúskonan Vigdís er meðvituð um nærveru ljósmyndara sem er til mikilla þæginda. Vinna ljósmyndarans er að höndla stemningu í ljósmyndinni og þá þarf maður oft að sæta lagi og viðfangsefnið skynja hvar það passar inn. Þar mættist heimur ljósmyndarans og leikhúsreynsla Vigdísar," segir Gunnar V. Andrésson ljósmyndari sem oft hefur myndað Vigdísi um árin. Ljósmyndararnir voru flestir sammála um að hafa aldrei séð vonda mynd af Vigdísi. 3. Thor Vilhjálmsson "Thor hefur þetta sérstaka yfirbragð sem gefur ljósmyndum alltaf mikinn karakter. Það er svo sterkur svipur í andlitsfallinu og myndirnar verða oft mjög áhrifaríkar," segir einn ljósmyndarinn um Thor Vilhjálmsson rithöfund. Thor var eftirlætisviðfangsefni margra ljósmyndara sem sögðu að hægt væri að vera eins og fluga á vegg nærri honum. "Stórmennskan og viskan skilar sér í myndirnar án mikillar fyrirhafnar." Þessi voru einnig nefnd: Baltasar Kormákur: "Alveg sama hvar maður kemur að honum, formlega eða óformlega, hann myndast alltaf vel." Björn Sveinbjörnsson, framkvæmdastjóri NTC: "Kemur alltaf vel út á myndum; eins og að mynda súpermódel." Dóra María Lárusdóttir knattspyrnukona: "Einn fárra íþróttamanna sem myndast vel úti á velli." Friðrik Þór Friðriksson: "Það er enginn sem er eins geggjaður karakter og Friðrik, auk þess sem hann er svo skemmtilegur að maður þarf að passa sig á að gleyma ekki að mynda hann." Gyrðir Elíasson: "Ég get verið í kjörstöðu ljósmyndarans nærri þeim manni, fluga á vegg." Ómar Ragnarsson: "Ómar er hlýr og tekur sig ekki hátíðlega. Því myndast hann vel." Páll Óskar Hjálmtýsson: "Hefur svo skemmtilega mörg andlit, hægt að ná mörgum ólíkum myndum af honum." Ragnhildur Steinunn Jónsdóttir: "Myndast vel á hvaða tíma dags sem er, hvar sem er, í hvernig fötum sem er." Sverrir Guðjónsson kontratenór: "Myndirnar af Sverri eru kyngimagnaðar." Þorbjörg Helga Vigfúsdóttir: "Alltaf hægt að ná góðri mynd af Þorbjörgu, og hún er eini stjórnmálamaðurinn sem fer ekki í stellingar þegar ljósmyndari nálgast." Þráinn Bertelsson: "Auðvelt að ná góðri mynd af Þráni, þá sérstaklega þegar hann var með skeggið." Ljósmyndararnir sem greiddu atkvæði: Arnþór Birkisson, Áslaug Snorradóttir, Björn Blöndal, Einar Falur Ingólfsson, Emilía Björg Björnsdóttir, Gunnar V. Andrésson, Gunnar Þór Nilsen, Haraldur Jónasson, Hreinn Hreinsson, Jónatan Grétarsson, Kjartan Þorbjörnsson, Golli, Kristinn Ingvarsson, Pjetur Sigurðsson, Sigtryggur Ari Jóhannsson Sigurþór Hallbjörnsson (Spessi), Teitur Jónasson, Valgarður Gíslason, Vera Pálsdóttir, Vilhelm Gunnarsson. Daníel Ágúst. Mynd/Stefán KarlssonVigdís Finnbogadóttir. Mynd/Valgarður Gíslason.Thor Vilhjálmsson. Mynd/Stefán Karlsson.Baltasar Kormákur. Mynd/Valgarður Gíslason.Björn Sveinbjörnsson. Mynd/Hari Jónasson.Dóra María Lárusdóttir. Mynd/Pjetur Sigurðsson.Friðrik Þór. Mynd/Teitur Jónasson.Gyrðir Elíasson. Mynd/Anton Brink.Ómar Ragnarsson. Mynd/Valgarður Gíslason.Páll Óskar. Mynd/Valgarður Gíslason.Ragnhildur Steinunn. Mynd/Teitur Jónasson.Sverrir Guðjónsson. Mynd/Gunnar V. Andrésson.Þorbjörg Helga Vigfúsdóttir. Mynd/Gunnar V. Andrésson.Þráinn Bertelsson. Mynd/Valgarður Gíslason. Lífið Mest lesið Með húsaflutninga á heilanum Lífið Covidsmitaður Al Pacino var nær dauða en lífi Lífið Sigmundur og hvolpurinn gleðjast yfir fylgi Miðflokksins Lífið Dolly gefur 135 milljónir vegna Helenu Lífið Krakkatían: Ber, forsetar og prinsessur Lífið Myndaveisla: Eliza Reid og Ásdís Spanó létu sig ekki vanta í Núllið Lífið „Það braut ísinn að við hefðum deitað sama gaurinn“ Lífið „Það er önnur hver gella með í vörunum“ Lífið „Ég var heppinn. En ekki hann“ Lífið Ólafur Ragnar skellti sér á sæþotu eftir langan dag Lífið Fleiri fréttir Myndaveisla: Eliza Reid og Ásdís Spanó létu sig ekki vanta í Núllið Covidsmitaður Al Pacino var nær dauða en lífi Dolly gefur 135 milljónir vegna Helenu Með húsaflutninga á heilanum Krakkatían: Ber, forsetar og prinsessur Sigmundur og hvolpurinn gleðjast yfir fylgi Miðflokksins Karlmennskuhlaðvarpið heyrir sögunni til „Ég var heppinn. En ekki hann“ „Það er önnur hver gella með í vörunum“ Gómsætar haustkökur að hætti Elenoru „Það braut ísinn að við hefðum deitað sama gaurinn“ Fréttatía vikunnar: Körfubolti, laxaastmi og stýrivextir Áslaug Arna fór í meðferð til að vinna bug á köngulóafælni Ólafur Ragnar skellti sér á sæþotu eftir langan dag Simmi Vill og Sunneva Einars létu sig ekki vanta á Jókerinn Vill að Menendez bræðrum verði veitt frelsi Skrúfaði titrarann í sundur til að forða nágrönnum frá ónæði Eminem verður afi Foreldrar minnka við sig svo börnin geti keypt fyrstu eign „Mikilvægt að umkringja sig fólki sem veitir manni innblástur“ Það er töff að vera sauðfjárbóndi Ingunn Lára gengin út með Celebi Elt á röndum með drónum Rauða dreglinum rúllað út fyrir Svörtu sanda „Þetta er alveg áhugavert en ekki jafn áhugavert og Instagramið mitt“ Tína sveppi í íslenskri náttúru og nýta til fulls „Eini glæpur okkar var sá að verða ástfangin“ Krem í tísku sem séu börnum stórhættuleg Barnabarn Kurt Cobain og Tony Hawk í heiminn Draumur Lilju rættist á tískuvikunni í París Sjá meira
Blaða- og tímaritaljósmyndarar landsins eiga að baki margra ára reynslu í því að mynda þjóðþekkta Íslendinga og þekkja það manna og kvenna best að menn geta komið misjafnlega vel út á ljósmynd, og skiptir þá ekki máli hvort eða hversu fallegt viðfangsefnið þykir. Þessi könnun er því ekki miðuð út frá því hvernig fyrirsæturnar líta út, heldur hversu auðvelt er að ná góðum myndum af viðkomandi og þar hefur útlitið ekki alltaf allt að segja. Viðkomandi getur einhverra hluta vegna myndast betur en aðrir og gefið mikinn karakter í myndina. Margir voru nefndir til sögunnar þegar ljósmyndarar voru beðnir að nefna þau viðfangsefni sem kæmu best út á mynd. Þrír fengu langflestar tilnefningar en hægt er að skoða myndir af öllum í myndasafninu fyrir neðan fréttina. 1. Daníel Ágúst Haraldsson "Það er alveg sama hvað maður fær langan tíma með honum, manni nægir stundum bara ein mynd og hún er flott," segir einn ljósmyndaranna um Daníel Ágúst Haraldsson tónlistarmann. Daníel hefur lengi verið í fremstu röð tónlistarmanna og er í sérstöku uppáhaldi hjá ljósmyndurum sem finnst hreinlega eins og mynd með söngvaranum geti ekki mistekist. Ekki sakar það að Daníel er að þeirra sögn vanur myndatökum og þægilegur í umgengni, aldrei með vesen, heldur mætir á tökustað og setur sig í réttu stellingarnar. "Hann er töff náungi og veit hvað hann er að gera," sagði annar um listamanninn sem fékk flest atkvæði ljósmyndara yfir Íslendinga sem festast hvað best á filmu. 2. Vigdís Finnbogadóttir "Leikhúskonan Vigdís er meðvituð um nærveru ljósmyndara sem er til mikilla þæginda. Vinna ljósmyndarans er að höndla stemningu í ljósmyndinni og þá þarf maður oft að sæta lagi og viðfangsefnið skynja hvar það passar inn. Þar mættist heimur ljósmyndarans og leikhúsreynsla Vigdísar," segir Gunnar V. Andrésson ljósmyndari sem oft hefur myndað Vigdísi um árin. Ljósmyndararnir voru flestir sammála um að hafa aldrei séð vonda mynd af Vigdísi. 3. Thor Vilhjálmsson "Thor hefur þetta sérstaka yfirbragð sem gefur ljósmyndum alltaf mikinn karakter. Það er svo sterkur svipur í andlitsfallinu og myndirnar verða oft mjög áhrifaríkar," segir einn ljósmyndarinn um Thor Vilhjálmsson rithöfund. Thor var eftirlætisviðfangsefni margra ljósmyndara sem sögðu að hægt væri að vera eins og fluga á vegg nærri honum. "Stórmennskan og viskan skilar sér í myndirnar án mikillar fyrirhafnar." Þessi voru einnig nefnd: Baltasar Kormákur: "Alveg sama hvar maður kemur að honum, formlega eða óformlega, hann myndast alltaf vel." Björn Sveinbjörnsson, framkvæmdastjóri NTC: "Kemur alltaf vel út á myndum; eins og að mynda súpermódel." Dóra María Lárusdóttir knattspyrnukona: "Einn fárra íþróttamanna sem myndast vel úti á velli." Friðrik Þór Friðriksson: "Það er enginn sem er eins geggjaður karakter og Friðrik, auk þess sem hann er svo skemmtilegur að maður þarf að passa sig á að gleyma ekki að mynda hann." Gyrðir Elíasson: "Ég get verið í kjörstöðu ljósmyndarans nærri þeim manni, fluga á vegg." Ómar Ragnarsson: "Ómar er hlýr og tekur sig ekki hátíðlega. Því myndast hann vel." Páll Óskar Hjálmtýsson: "Hefur svo skemmtilega mörg andlit, hægt að ná mörgum ólíkum myndum af honum." Ragnhildur Steinunn Jónsdóttir: "Myndast vel á hvaða tíma dags sem er, hvar sem er, í hvernig fötum sem er." Sverrir Guðjónsson kontratenór: "Myndirnar af Sverri eru kyngimagnaðar." Þorbjörg Helga Vigfúsdóttir: "Alltaf hægt að ná góðri mynd af Þorbjörgu, og hún er eini stjórnmálamaðurinn sem fer ekki í stellingar þegar ljósmyndari nálgast." Þráinn Bertelsson: "Auðvelt að ná góðri mynd af Þráni, þá sérstaklega þegar hann var með skeggið." Ljósmyndararnir sem greiddu atkvæði: Arnþór Birkisson, Áslaug Snorradóttir, Björn Blöndal, Einar Falur Ingólfsson, Emilía Björg Björnsdóttir, Gunnar V. Andrésson, Gunnar Þór Nilsen, Haraldur Jónasson, Hreinn Hreinsson, Jónatan Grétarsson, Kjartan Þorbjörnsson, Golli, Kristinn Ingvarsson, Pjetur Sigurðsson, Sigtryggur Ari Jóhannsson Sigurþór Hallbjörnsson (Spessi), Teitur Jónasson, Valgarður Gíslason, Vera Pálsdóttir, Vilhelm Gunnarsson. Daníel Ágúst. Mynd/Stefán KarlssonVigdís Finnbogadóttir. Mynd/Valgarður Gíslason.Thor Vilhjálmsson. Mynd/Stefán Karlsson.Baltasar Kormákur. Mynd/Valgarður Gíslason.Björn Sveinbjörnsson. Mynd/Hari Jónasson.Dóra María Lárusdóttir. Mynd/Pjetur Sigurðsson.Friðrik Þór. Mynd/Teitur Jónasson.Gyrðir Elíasson. Mynd/Anton Brink.Ómar Ragnarsson. Mynd/Valgarður Gíslason.Páll Óskar. Mynd/Valgarður Gíslason.Ragnhildur Steinunn. Mynd/Teitur Jónasson.Sverrir Guðjónsson. Mynd/Gunnar V. Andrésson.Þorbjörg Helga Vigfúsdóttir. Mynd/Gunnar V. Andrésson.Þráinn Bertelsson. Mynd/Valgarður Gíslason.
Lífið Mest lesið Með húsaflutninga á heilanum Lífið Covidsmitaður Al Pacino var nær dauða en lífi Lífið Sigmundur og hvolpurinn gleðjast yfir fylgi Miðflokksins Lífið Dolly gefur 135 milljónir vegna Helenu Lífið Krakkatían: Ber, forsetar og prinsessur Lífið Myndaveisla: Eliza Reid og Ásdís Spanó létu sig ekki vanta í Núllið Lífið „Það braut ísinn að við hefðum deitað sama gaurinn“ Lífið „Það er önnur hver gella með í vörunum“ Lífið „Ég var heppinn. En ekki hann“ Lífið Ólafur Ragnar skellti sér á sæþotu eftir langan dag Lífið Fleiri fréttir Myndaveisla: Eliza Reid og Ásdís Spanó létu sig ekki vanta í Núllið Covidsmitaður Al Pacino var nær dauða en lífi Dolly gefur 135 milljónir vegna Helenu Með húsaflutninga á heilanum Krakkatían: Ber, forsetar og prinsessur Sigmundur og hvolpurinn gleðjast yfir fylgi Miðflokksins Karlmennskuhlaðvarpið heyrir sögunni til „Ég var heppinn. En ekki hann“ „Það er önnur hver gella með í vörunum“ Gómsætar haustkökur að hætti Elenoru „Það braut ísinn að við hefðum deitað sama gaurinn“ Fréttatía vikunnar: Körfubolti, laxaastmi og stýrivextir Áslaug Arna fór í meðferð til að vinna bug á köngulóafælni Ólafur Ragnar skellti sér á sæþotu eftir langan dag Simmi Vill og Sunneva Einars létu sig ekki vanta á Jókerinn Vill að Menendez bræðrum verði veitt frelsi Skrúfaði titrarann í sundur til að forða nágrönnum frá ónæði Eminem verður afi Foreldrar minnka við sig svo börnin geti keypt fyrstu eign „Mikilvægt að umkringja sig fólki sem veitir manni innblástur“ Það er töff að vera sauðfjárbóndi Ingunn Lára gengin út með Celebi Elt á röndum með drónum Rauða dreglinum rúllað út fyrir Svörtu sanda „Þetta er alveg áhugavert en ekki jafn áhugavert og Instagramið mitt“ Tína sveppi í íslenskri náttúru og nýta til fulls „Eini glæpur okkar var sá að verða ástfangin“ Krem í tísku sem séu börnum stórhættuleg Barnabarn Kurt Cobain og Tony Hawk í heiminn Draumur Lilju rættist á tískuvikunni í París Sjá meira