Ónotaskrif Moggans Sigmundur Ernir Rúnarsson skrifar 14. janúar 2008 11:14 Óskaplega líður pólitískum skíbentum Morgunblaðsins illa þessa dagana. Þeir geta greinilega ekki sætt við nýja ríkisstjórn Samfylkingarinnar og Sjálfstæðisflokks. Þvílíkt vein sem lesa má úr pistlum blaðsins. Mogginn er að breytast í pólitíska grenjuskjóðu. En þetta er í aðra röndina skemmtilegt. Ég er mikill Moggamaður og kemst ekki í gegnum daginn án þess að lesa málgagnið upp til agna - og vitaskuld fyrirgef ég Styrmi og félögum þessa óhamingju. Það hefur alltaf þurft að lesa pólitísk skrif blaðsins með skrýtnu gleraugunum. Mogginn hefur vitaskuld alltaf verið hallur undir harðlínu Flokksins. Hann er og hefur verið málgagn ákveðinna sjónarmiða innan Flokksins. Það er í góðu lagi. Af því maður veit það. Mogginn hefur um árabil verið sæll með sitt. Hann hefur verið þrettándi ráðherrann - og framkvæmt vald sitt á síðum blaðsins. En nú er hann sumsé kominn í stjórnarandstöðu. Búinn að missa vald sitt. Hann er ekki lengur í foringjaklíku Flokksins. Geir H. Haarde er ekki í pólitík til að halda öðrum frá völdum. Hann velur samstrafsmenn út frá þjóðarhagsmunum fremur en flokkshagsmunum. Þetta finnst Mogga skrýtið. Illskiljanlegt. Og grætur. Mogginn hatar Samfylkinguna. Elskar vinstri græna. Og veit ekkert lengur hvað hann á að gera með Sjálfstæðisflokkinn sinn. Þetta hlýtur að vera erfitt. Ef ekki óbærilegt. -SER. Viltu birta grein á Vísi? Sendu okkur póst. Senda grein Mannamál Sigmundar Ernis Mest lesið Evrópusambandið eða nasismi Snorri Másson Skoðun Hlýnun jarðar mun ekki valda heimsendi Sæunn Kjartansdóttir Skoðun Ísland yrði betra með aðild að Evrópusambandinu Jón Frímann Jónsson Skoðun Hugvíkkandi efni: Forvitni umfram dómhörku Bergsveinn Ólafsson Skoðun Gaza getur ekki beðið lengur Hjálmtýr Heiðdal,Magnús Magnússon Skoðun SVEIT – Kastið inn handklæðinu Aðalsteinn Árni Baldursson Skoðun Skjáfíkn - vísindi eða trú? Ásdís Bergþórsdóttir Skoðun Friður eða svikalogn? Hilmari Þór Hilmarssyni, prófessor, svarað Andri Þorvarðarson Skoðun Listin að styðja en ekki stýra Árni Sigurðsson Skoðun Opið bréf til Íslandspósts ohf. Gróa Jóhannsdóttir Skoðun
Óskaplega líður pólitískum skíbentum Morgunblaðsins illa þessa dagana. Þeir geta greinilega ekki sætt við nýja ríkisstjórn Samfylkingarinnar og Sjálfstæðisflokks. Þvílíkt vein sem lesa má úr pistlum blaðsins. Mogginn er að breytast í pólitíska grenjuskjóðu. En þetta er í aðra röndina skemmtilegt. Ég er mikill Moggamaður og kemst ekki í gegnum daginn án þess að lesa málgagnið upp til agna - og vitaskuld fyrirgef ég Styrmi og félögum þessa óhamingju. Það hefur alltaf þurft að lesa pólitísk skrif blaðsins með skrýtnu gleraugunum. Mogginn hefur vitaskuld alltaf verið hallur undir harðlínu Flokksins. Hann er og hefur verið málgagn ákveðinna sjónarmiða innan Flokksins. Það er í góðu lagi. Af því maður veit það. Mogginn hefur um árabil verið sæll með sitt. Hann hefur verið þrettándi ráðherrann - og framkvæmt vald sitt á síðum blaðsins. En nú er hann sumsé kominn í stjórnarandstöðu. Búinn að missa vald sitt. Hann er ekki lengur í foringjaklíku Flokksins. Geir H. Haarde er ekki í pólitík til að halda öðrum frá völdum. Hann velur samstrafsmenn út frá þjóðarhagsmunum fremur en flokkshagsmunum. Þetta finnst Mogga skrýtið. Illskiljanlegt. Og grætur. Mogginn hatar Samfylkinguna. Elskar vinstri græna. Og veit ekkert lengur hvað hann á að gera með Sjálfstæðisflokkinn sinn. Þetta hlýtur að vera erfitt. Ef ekki óbærilegt. -SER.