Frá Vibskov til Willhelm 1. ágúst 2007 00:30 Sara María Skúladóttir er nýsnúin heim eftir mánaðarvinnu fyrir Henrik Vibskov. Í lok ágúst heldur hún til Parísar til að vinna fyrir Bernhard Willhelm. fréttablaðið/pjetur Sara María Skúladóttir er nýsnúin frá Danmörku, þar sem hún vann í stúdíói fatahönnuðarins þekkta, Henrik Vibskov í einn mánuð. Í lok ágústmánaðar heldur hún svo til Parísar, þar sem hún hefur fengið vinnu hjá öðrum þekktum hönnuði, Bernhard Willhelm. Sara María er í klæðskeranámi við Iðnskólann í Reykjavík, sem hún mun ljúka næsta vor. Saumakunnáttan nýttist henni vel í vistinni hjá Henrik Vibskov. „Þegar ég var þarna var verið að gera dömulínuna fyrir næsta sumar. Þau eru tvö, Henrik sem sér um karlafötin, og Maja sem gerir dömulínuna. Ég var að vinna svolítið mikið með henni við að klára línuna og koma henni úr húsi," útskýrði Sara. Starfið fólst bæði í því að sníða og sauma svokallaðar prótótýpur. „Prótótýpurnar þurfa að vera vel gerðar. Þær eru sendar á sölusýningar, eða showroom, þar sem línurnar eru sýndar. Þangað kemur fólk úr verslununum til að skoða og panta," sagði Sara, sem kvaðst ánægð með að hafa komið inn á þessum tíma. „Það er gaman að sjá hlutina verða til og vita að þeir fara svo í framleiðslu," sagði hún. Sara er útskrifuð úr textílhönnun frá Listaháskóla Íslands. „Það var þess vegna líka skemmtilegt að sjá hvað Henrik lætur prenta fyrir sig. Þar er stelpa bara í því að prenta mynstur fyrir hann. Sumar flíkurnar úr línunni hans eru úr efnum sem fást hvergi annars staðar," útskýrði hún. Í lok ágúst heldur Sara til Parísar, þar sem hún hefur fengið vinnu hjá Bernhard Willhelm, sem hefur vakið mikla athygli fyrir hönnun sína. „Það er líka rosalega spennandi. Ég sótti um hjá þeim tveimur og fékk bæði - ég var ótrúlega heppin, finnst mér," sagði Sara. Í báðum tilfellum hafði hún samband við hönnuðina vegna eigin hrifningar á verkum þeirra. „Ég hitti Bernhard líka þegar hann kom til landsins á vegum góðrar vinkonu minnar. Hann hefur verið að hanna búninga fyrir tónleikaferðalagið sem Björk er á núna," sagði Sara. Hún segir það þó allt annað en sjálfgefið að fá inni hjá hönnuðum á borð við Vibskov og Willhelm. „Maður þarf alveg að hafa fyrir þessu," sagði hún sposk. Þegar vistinni hjá Willhelm lýkur á Sara bara eina önn eftir af náminu. „Þá velur maður hvort maður fer í kjólasaum eða klæðskerann, dömu- eða herrafatnað, sem sagt. Ég er ekki búin að ákveða í hvoru ég ætla að útskrifast, ég ætla bara að láta það ráðast dálítið af því hvernig þetta starfsnám þróast," sagði hún. Mest lesið Tíu ár af ást: „Sennilega ekki auðvelt með mér“ Lífið Skilnaður handan við hornið hjá Kanye og Biöncu Lífið Hafi enn verið hreinn sveinn Lífið Ragnhildur og Hanna Katrín kveðja Búseta Lífið Kemur frá Sýrlandi og syngur á íslensku Tónlist Harry og Meghan séu ekki að skilja Lífið Henti listaverkinu í ruslið Menning Galið að fræðsla um snípinn sé af skornum skammti Lífið Stofnar eigin útgáfu og byrjar í ruslinu Lífið Logi Geirs og Ólafur Ragnar léttir í London Lífið Fleiri fréttir Henti listaverkinu í ruslið Kúltúrkettir landsins létu sig ekki vanta í Portið „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira
Sara María Skúladóttir er nýsnúin frá Danmörku, þar sem hún vann í stúdíói fatahönnuðarins þekkta, Henrik Vibskov í einn mánuð. Í lok ágústmánaðar heldur hún svo til Parísar, þar sem hún hefur fengið vinnu hjá öðrum þekktum hönnuði, Bernhard Willhelm. Sara María er í klæðskeranámi við Iðnskólann í Reykjavík, sem hún mun ljúka næsta vor. Saumakunnáttan nýttist henni vel í vistinni hjá Henrik Vibskov. „Þegar ég var þarna var verið að gera dömulínuna fyrir næsta sumar. Þau eru tvö, Henrik sem sér um karlafötin, og Maja sem gerir dömulínuna. Ég var að vinna svolítið mikið með henni við að klára línuna og koma henni úr húsi," útskýrði Sara. Starfið fólst bæði í því að sníða og sauma svokallaðar prótótýpur. „Prótótýpurnar þurfa að vera vel gerðar. Þær eru sendar á sölusýningar, eða showroom, þar sem línurnar eru sýndar. Þangað kemur fólk úr verslununum til að skoða og panta," sagði Sara, sem kvaðst ánægð með að hafa komið inn á þessum tíma. „Það er gaman að sjá hlutina verða til og vita að þeir fara svo í framleiðslu," sagði hún. Sara er útskrifuð úr textílhönnun frá Listaháskóla Íslands. „Það var þess vegna líka skemmtilegt að sjá hvað Henrik lætur prenta fyrir sig. Þar er stelpa bara í því að prenta mynstur fyrir hann. Sumar flíkurnar úr línunni hans eru úr efnum sem fást hvergi annars staðar," útskýrði hún. Í lok ágúst heldur Sara til Parísar, þar sem hún hefur fengið vinnu hjá Bernhard Willhelm, sem hefur vakið mikla athygli fyrir hönnun sína. „Það er líka rosalega spennandi. Ég sótti um hjá þeim tveimur og fékk bæði - ég var ótrúlega heppin, finnst mér," sagði Sara. Í báðum tilfellum hafði hún samband við hönnuðina vegna eigin hrifningar á verkum þeirra. „Ég hitti Bernhard líka þegar hann kom til landsins á vegum góðrar vinkonu minnar. Hann hefur verið að hanna búninga fyrir tónleikaferðalagið sem Björk er á núna," sagði Sara. Hún segir það þó allt annað en sjálfgefið að fá inni hjá hönnuðum á borð við Vibskov og Willhelm. „Maður þarf alveg að hafa fyrir þessu," sagði hún sposk. Þegar vistinni hjá Willhelm lýkur á Sara bara eina önn eftir af náminu. „Þá velur maður hvort maður fer í kjólasaum eða klæðskerann, dömu- eða herrafatnað, sem sagt. Ég er ekki búin að ákveða í hvoru ég ætla að útskrifast, ég ætla bara að láta það ráðast dálítið af því hvernig þetta starfsnám þróast," sagði hún.
Mest lesið Tíu ár af ást: „Sennilega ekki auðvelt með mér“ Lífið Skilnaður handan við hornið hjá Kanye og Biöncu Lífið Hafi enn verið hreinn sveinn Lífið Ragnhildur og Hanna Katrín kveðja Búseta Lífið Kemur frá Sýrlandi og syngur á íslensku Tónlist Harry og Meghan séu ekki að skilja Lífið Henti listaverkinu í ruslið Menning Galið að fræðsla um snípinn sé af skornum skammti Lífið Stofnar eigin útgáfu og byrjar í ruslinu Lífið Logi Geirs og Ólafur Ragnar léttir í London Lífið Fleiri fréttir Henti listaverkinu í ruslið Kúltúrkettir landsins létu sig ekki vanta í Portið „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira