Ummæli safnstjóra metin á tvær milljónir króna 15. febrúar 2007 07:00 Hvítasunnudagur eftir kjarval (Olía, 100x113) Gríðarlegur áhugi er á þessu nýuppgötvaða verki sem verður boðið upp 27. febrúar. „Þetta verður það sama og með geirfuglinn sem var boðinn upp úti í London á sínum tíma. Það fór fram söfnun og uppboðshaldarinn úti vissi upp á krónu hvað safnaðist og fuglinn fór á það,“ segir Tryggvi Páll Friðriksson í Gallerí Fold og einn helsti uppboðshaldari Íslands. Eins og fram hefur komið í fréttum, meðal annars á forsíðu Morgunblaðsins á þriðjudag, hefur komið fram áður óþekkt verk eftir Kjarval, í kúbískum stíl, í Danmörku og verður það boðið upp í lok þessa mánaðar hjá Bruun Rasmussen. Verkið er metið á 1,2 til 1,8 milljónir af Bruun en fastlega má gera ráð fyrir því að áhugasamir kaupendur vilji gefa allt að fimm milljónir fyrir það. Í samtali við bæði Morgunblaðið og fréttastofu RÚV lét safnstjóri Listasafns Reykjavíkur, Hafþór Yngvason, þess svo getið að þarna væri um mjög merkt verk að ræða sem safnið vildi gjarnan eignast. Samkvæmt heimildum Fréttablaðsins hafa þessi ummæli reynst olía á eld áhugasamra listaverkakaupenda sem nú hafa fengið á því staðfestingu að þarna sé dýrgripur á ferð. Fréttablaðið hefur heimildir fyrir því að nokkrir vellauðugir listaverkakaupendur séu í startholunum og það hefur Tryggvi einnig heyrt. Áhugi Hafþórs er metinn á tveggja milljóna króna hækkun á uppboðinu. „Ég get ekki ímyndað mér annað. Já, margir hafa áhuga á þessu verki og hann minnkar ekki við þessi ummæli safnstjórans. Þetta er stór mynd og gæti farið á fimm milljónir. Jafnvel meira. Þessi mynd er góð, mjög sérstök, það er hárrétt, og það væri slys ef hún lenti ekki inni á safni. En hins vegar myndi ég ekki flíka því ef ég ætlaði að kaupa hana. Þeir eru það margir sem græða svo mikið hér á landi að þeir depla ekki auga yfir tveimur milljónum,“ segir Tryggvi í Fold sem telur sénslaust að væntanlegir kaupendur taki mark á því þegar Hafþór höfðar til þjóðarhollustu þeirra og láti Listasafninu það eftir að bjóða eitt í verkið. „Við ætlum að bjóða og erum með eitthvert fé til þess,“ segir Hafþór Yngvason safnstjóri. Hann segir eðlilegt að þegar verk rati á forsíðu Morgunblaðsins þá veki það athygli og hækki verðið. „En það myndi skjóta skökku við ef ég segði ekki þetta verk þess virði. Og ég tel mikilvægt að það fari á opinbert safn og verði sameign þjóðarinnar.“ Safnið hefur ekki úr miklu fé að spila og Hafþór segir það vissulega verra ef menn færu að bjóða af kappi á móti safninu spurður um hvort hann sé að reyna að höfða til þjóðarhollustu væntanlegra íbjóðenda. „En þetta er opinn markaður. Nei, það er ekki ákveðið hvort ég fari sjálfur út til Danmerkur á vegum safnsins eða einhver annar.“ Mest lesið Skilnaður handan við hornið hjá Kanye og Biöncu Lífið „Fólk í kringum þessa einstaklinga er á nálum“ Lífið Tíu ár af ást: „Sennilega ekki auðvelt með mér“ Lífið Eins og þruma úr heiðskíru lofti Lífið Hafi enn verið hreinn sveinn Lífið Ragnhildur og Hanna Katrín kveðja Búseta Lífið Stjörnulífið: Skvísustælar við bakkann og áminning um óöryggi Lífið Stofnar eigin útgáfu og byrjar í ruslinu Lífið Kemur frá Sýrlandi og syngur á íslensku Tónlist Harry og Meghan séu ekki að skilja Lífið Fleiri fréttir Henti listaverkinu í ruslið Kúltúrkettir landsins létu sig ekki vanta í Portið „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira
„Þetta verður það sama og með geirfuglinn sem var boðinn upp úti í London á sínum tíma. Það fór fram söfnun og uppboðshaldarinn úti vissi upp á krónu hvað safnaðist og fuglinn fór á það,“ segir Tryggvi Páll Friðriksson í Gallerí Fold og einn helsti uppboðshaldari Íslands. Eins og fram hefur komið í fréttum, meðal annars á forsíðu Morgunblaðsins á þriðjudag, hefur komið fram áður óþekkt verk eftir Kjarval, í kúbískum stíl, í Danmörku og verður það boðið upp í lok þessa mánaðar hjá Bruun Rasmussen. Verkið er metið á 1,2 til 1,8 milljónir af Bruun en fastlega má gera ráð fyrir því að áhugasamir kaupendur vilji gefa allt að fimm milljónir fyrir það. Í samtali við bæði Morgunblaðið og fréttastofu RÚV lét safnstjóri Listasafns Reykjavíkur, Hafþór Yngvason, þess svo getið að þarna væri um mjög merkt verk að ræða sem safnið vildi gjarnan eignast. Samkvæmt heimildum Fréttablaðsins hafa þessi ummæli reynst olía á eld áhugasamra listaverkakaupenda sem nú hafa fengið á því staðfestingu að þarna sé dýrgripur á ferð. Fréttablaðið hefur heimildir fyrir því að nokkrir vellauðugir listaverkakaupendur séu í startholunum og það hefur Tryggvi einnig heyrt. Áhugi Hafþórs er metinn á tveggja milljóna króna hækkun á uppboðinu. „Ég get ekki ímyndað mér annað. Já, margir hafa áhuga á þessu verki og hann minnkar ekki við þessi ummæli safnstjórans. Þetta er stór mynd og gæti farið á fimm milljónir. Jafnvel meira. Þessi mynd er góð, mjög sérstök, það er hárrétt, og það væri slys ef hún lenti ekki inni á safni. En hins vegar myndi ég ekki flíka því ef ég ætlaði að kaupa hana. Þeir eru það margir sem græða svo mikið hér á landi að þeir depla ekki auga yfir tveimur milljónum,“ segir Tryggvi í Fold sem telur sénslaust að væntanlegir kaupendur taki mark á því þegar Hafþór höfðar til þjóðarhollustu þeirra og láti Listasafninu það eftir að bjóða eitt í verkið. „Við ætlum að bjóða og erum með eitthvert fé til þess,“ segir Hafþór Yngvason safnstjóri. Hann segir eðlilegt að þegar verk rati á forsíðu Morgunblaðsins þá veki það athygli og hækki verðið. „En það myndi skjóta skökku við ef ég segði ekki þetta verk þess virði. Og ég tel mikilvægt að það fari á opinbert safn og verði sameign þjóðarinnar.“ Safnið hefur ekki úr miklu fé að spila og Hafþór segir það vissulega verra ef menn færu að bjóða af kappi á móti safninu spurður um hvort hann sé að reyna að höfða til þjóðarhollustu væntanlegra íbjóðenda. „En þetta er opinn markaður. Nei, það er ekki ákveðið hvort ég fari sjálfur út til Danmerkur á vegum safnsins eða einhver annar.“
Mest lesið Skilnaður handan við hornið hjá Kanye og Biöncu Lífið „Fólk í kringum þessa einstaklinga er á nálum“ Lífið Tíu ár af ást: „Sennilega ekki auðvelt með mér“ Lífið Eins og þruma úr heiðskíru lofti Lífið Hafi enn verið hreinn sveinn Lífið Ragnhildur og Hanna Katrín kveðja Búseta Lífið Stjörnulífið: Skvísustælar við bakkann og áminning um óöryggi Lífið Stofnar eigin útgáfu og byrjar í ruslinu Lífið Kemur frá Sýrlandi og syngur á íslensku Tónlist Harry og Meghan séu ekki að skilja Lífið Fleiri fréttir Henti listaverkinu í ruslið Kúltúrkettir landsins létu sig ekki vanta í Portið „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira