Söngleikurinn Um miðja nótt 3. janúar 2007 15:45 David Owe, sjónvarpsleikarinn kunni úr Erninum, leikur eitt fjögurra aðalhlutverka í Midt om natten mynd/Guðmundur Thai/Det Danske Teater Á gamlárskvöld var frumsýndur nýr danskur söngleikur, Midt om natten. Midt om natten var hljómplata sem kom út þann 24. nóvember 1983 og er mest selda plata í sögu Danmerkur. Talið er að hún finnist enn á meira en tíunda hverju heimili í Danmörku. Höfundur laganna og aðalflytjandi var Kim Larsen. Efni laganna var allt tengt pólitískri baráttu þessa tíma, íbúðartökufólki og baráttunni fyrir framtíð Kristjaníu. Skömmu eftir útgáfu plötunnar hafði Larsen samband við Erik Balling leikstjóra (79 af stöðinni, Matador, Olsen Banden) og varpaði þeirri hugmynd fram að gera kvikmynd eftir lögunum á plötunni sem varð úr: Midt om natten-kvikmyndin var frumsýnd ári síðar. Nú er Balling fallinn frá en Larsen heldur enn veldissprota sínum sem þjóðargersemi Dana: menn gera því ráð fyrir að söngleikurinn gangi vel. Þetta er dýrðaróður til baráttunnar um manngildi og frelsi, segir leikstjórinn Mikael Fock. Tónlistin er klingjandi rokk með elskulegum laglínum, þéttu undirspili og glæsilegum söng. Hér er borgarstjórnin í Höfn fjandmaðurinn, rokkararnir ráða öllu, og ungt fólk berst við atvinnuleysi. Fjarri eru mál innflytjenda. Fyrir bragðið er yfir sýningunni þrá eftir liðnum tíma. Sýningin er á Det Danske Teater. Þetta er ekki í fyrsta sinn sem efni úr danskri kvikmynd kveikir söngleik - kvikmyndin Den eneste ene leiddi til söngleiks fyrir tveimur árum sem naut mikilla vinsælda í Danmörku. Hér á landi hefur danskur söngleikur ekki komið á svið síðan Þjóðleikhúsið setti Táningaást eftir Ernst Bruun Olsen á svið á miðjum sjöunda áratug síðustu aldar en á fyrri hluta aldarinnar hafði dönsk dægurlagatónlist mikil áhrif hér á landi. Mest lesið Jon Landau er látinn Bíó og sjónvarp Rauðhærðir í brennidepli á vel sóttum írskum dögum Lífið Eins söguleg og skáldsaga getur orðið Lífið Sauð upp úr í stjörnufansi á golfmóti Coolbet Lífið Laufey í banastuði í Reykjavík Lífið „Þetta er enginn helvítis félagskvíði, það bara þolir mig enginn“ Áskorun Emmsjé Gauti laumaði sér á Landsmót fyrir tónlistarmyndband Lífið Setti sér markmið og hóf veitingarekstur átján ára Lífið Alltaf sótt í orku og gleði í klæðaburði Tíska og hönnun „Þú gleymir fólki sem þú hefur elskað allt þitt líf“ Lífið Fleiri fréttir Jon Landau er látinn Brad Pitt í mynd um Formúlu 1 í framleiðslu Hamilton Donald Sutherland er látinn Heimaleikurinn vann til verðlauna í Ástralíu „Gaman hvað verið er að tala fallega um samstarfsfólkið mitt“ Tengdasonur Íslands trúðaði Simon Cowell upp úr skónum Gerard Butler á klakanum í enn eitt skiptið Íslenskur hryllingstryllir á Vestfjörðum vekur athygli í Tribeca Eltihrellirinn höfðar mál gegn Netflix Þýskur risi í samstarf við ACT4 um gerð Stóra Bróður Sjá meira
Á gamlárskvöld var frumsýndur nýr danskur söngleikur, Midt om natten. Midt om natten var hljómplata sem kom út þann 24. nóvember 1983 og er mest selda plata í sögu Danmerkur. Talið er að hún finnist enn á meira en tíunda hverju heimili í Danmörku. Höfundur laganna og aðalflytjandi var Kim Larsen. Efni laganna var allt tengt pólitískri baráttu þessa tíma, íbúðartökufólki og baráttunni fyrir framtíð Kristjaníu. Skömmu eftir útgáfu plötunnar hafði Larsen samband við Erik Balling leikstjóra (79 af stöðinni, Matador, Olsen Banden) og varpaði þeirri hugmynd fram að gera kvikmynd eftir lögunum á plötunni sem varð úr: Midt om natten-kvikmyndin var frumsýnd ári síðar. Nú er Balling fallinn frá en Larsen heldur enn veldissprota sínum sem þjóðargersemi Dana: menn gera því ráð fyrir að söngleikurinn gangi vel. Þetta er dýrðaróður til baráttunnar um manngildi og frelsi, segir leikstjórinn Mikael Fock. Tónlistin er klingjandi rokk með elskulegum laglínum, þéttu undirspili og glæsilegum söng. Hér er borgarstjórnin í Höfn fjandmaðurinn, rokkararnir ráða öllu, og ungt fólk berst við atvinnuleysi. Fjarri eru mál innflytjenda. Fyrir bragðið er yfir sýningunni þrá eftir liðnum tíma. Sýningin er á Det Danske Teater. Þetta er ekki í fyrsta sinn sem efni úr danskri kvikmynd kveikir söngleik - kvikmyndin Den eneste ene leiddi til söngleiks fyrir tveimur árum sem naut mikilla vinsælda í Danmörku. Hér á landi hefur danskur söngleikur ekki komið á svið síðan Þjóðleikhúsið setti Táningaást eftir Ernst Bruun Olsen á svið á miðjum sjöunda áratug síðustu aldar en á fyrri hluta aldarinnar hafði dönsk dægurlagatónlist mikil áhrif hér á landi.
Mest lesið Jon Landau er látinn Bíó og sjónvarp Rauðhærðir í brennidepli á vel sóttum írskum dögum Lífið Eins söguleg og skáldsaga getur orðið Lífið Sauð upp úr í stjörnufansi á golfmóti Coolbet Lífið Laufey í banastuði í Reykjavík Lífið „Þetta er enginn helvítis félagskvíði, það bara þolir mig enginn“ Áskorun Emmsjé Gauti laumaði sér á Landsmót fyrir tónlistarmyndband Lífið Setti sér markmið og hóf veitingarekstur átján ára Lífið Alltaf sótt í orku og gleði í klæðaburði Tíska og hönnun „Þú gleymir fólki sem þú hefur elskað allt þitt líf“ Lífið Fleiri fréttir Jon Landau er látinn Brad Pitt í mynd um Formúlu 1 í framleiðslu Hamilton Donald Sutherland er látinn Heimaleikurinn vann til verðlauna í Ástralíu „Gaman hvað verið er að tala fallega um samstarfsfólkið mitt“ Tengdasonur Íslands trúðaði Simon Cowell upp úr skónum Gerard Butler á klakanum í enn eitt skiptið Íslenskur hryllingstryllir á Vestfjörðum vekur athygli í Tribeca Eltihrellirinn höfðar mál gegn Netflix Þýskur risi í samstarf við ACT4 um gerð Stóra Bróður Sjá meira