Tarantino í tölvuna 21. desember 2006 16:45 Leikurinn fylgir myndinni í einu og öllu og er afar nákvæmur. Leikurinn Reservoir Dogs er kominn út á Xbox og pc, en hann er algjörlega byggður á kvikmyndinni. Það hefur lengi verið siður að gera tövluleiki eftir kvikmyndum og kvikmyndir eftir tölvuleikjum. Leikurinn kemur yfirleitt út á sama tíma og myndin og er mikið notaður í auglýsingatilgangi. Hins vegar hefur það gerst af og til að leikir eru gerðir eftir frægum kvikmyndum, mörgum árum eftir útgáfu þeirra og bera þar hæst leikir á borð við Scarface og Godfather. Nú er kominn út leikurinn Reservoir Dogs, sem byggist algjörlega á samnefndri kvikmynd Quentins Tarantinos, sem var jafnframt hans fyrsta kvikmynd og kom út árið 1992. Myndin fjallar um hóp manna sem taka þátt í vel skipulögðu skartgriparáni. Eitthvað fer þó úrskeiðis, einhver kjaftaði í lögguna og eru jafnvel sumir að þjóna eigin tilgangi en ekki hópsins. Leikurinn fylgir myndinni ítarlega og þurfa leikmenn bæði að fremja ránið og koma svo ræningjunum í skálkaskjól sitt. Leikmenn þurfa að komast að því hvernig Mr. White tókst að flýja, hvar Mr. Pink faldi demantana og leysa vandann með góðmennið Eddie, en þessar persónur ættu að vera kunnugar þeim sem myndina hafa séð. Framleiðendur leiksins gættu sín á að halda Tarantino- áhrifunum á sínum stað og endurspeglast það í skemmtilegum samtölum, miklu ofbeldi og hárbeittum húmor. Engin ein aðalpersóna er til grundvallar, heldur þurfa menn að stýra hverjum og einum bófa og ekki endilega í sömu tímaröð og kvikmyndin gerðist. Hvort sem leikmenn eru fótgangandi í bíl eða á öðru farartæki er sagt að spennan í leiknum gefi aldrei eftir. Sama tónlist er notuð í leiknum og í myndinni og ættu margir að brosa breitt þegar lagið „Stuck in the middle with you" fær að hljóma, en það var notað á eftirminnilegan hátt fyrir næstum 15 árum síðan í þekktu atriði myndarinnar. Svo auðvitað er gamla kempan Michael Madsen sem ljáir rödd sína persónu í leiknum, en hann spilaði stóra rullu í kvikmyndinni. Leikurinn spilast á PC og á Xbox og ætti að finnast í öllum helstu tölvuleikjaverslunum. Það ber þó að taka fram að hann er mjög ofbeldisfullur, rétt eins og kvikmyndin fræga. dori@frettabladid.is Ekkert nema hasar leikurinn ku vera æsispennandi og fær leikmenn til að svitna á köflum. . Reservoir Dogs fyrsta kvikmynd leikstjórans Quentin Tarantino en hún kom út fyrir næstum 15 árum síðan. . Leikjavísir Mest lesið Þorsteinn og Hulda selja í Hlíðunum Lífið Sá stórt tækifæri í fjárfestingarhlið listarinnar Menning Katrín Tanja minnist Theo: „Hann kenndi mér hvernig á að elska“ Lífið Giskaði sig í eina milljón Lífið Helgi Björns og Siggi Hall skemmtu sér konunglega Lífið „Var ekkert búin að reikna saman þessi laun“ Lífið Upp á svið í háum hælum eftir Osteostrong Lífið samstarf Innsigluðu ástina með sérhönnuðu húðflúri Lífið „Mikilvægt að gera hluti sem hann yrði stoltur af“ Menning Þrumustuð þegar lag Barnamenningarhátíðar var frumflutt Tónlist Fleiri fréttir Þeir munu túlka Bítlana í myndum Sam Mendes Stjörnum prýdd stikla Black Mirror Nolan sagður stefna á tökur á Íslandi Ljósbrot besta myndin en Snerting með flest verðlaun Happy Gilmore snýr aftur Harpa kvótadrottning aftur á skjáinn Ólafur Darri og félagar framleiða sína fyrstu teiknimynd Anora sigurvegari á Óskarnum Óskarsverðlaunasérfræðingur spáir í Hollywood-spilin: Spennandi óskar í vændum og ekkert meitlað í stein Sjá meira
Leikurinn Reservoir Dogs er kominn út á Xbox og pc, en hann er algjörlega byggður á kvikmyndinni. Það hefur lengi verið siður að gera tövluleiki eftir kvikmyndum og kvikmyndir eftir tölvuleikjum. Leikurinn kemur yfirleitt út á sama tíma og myndin og er mikið notaður í auglýsingatilgangi. Hins vegar hefur það gerst af og til að leikir eru gerðir eftir frægum kvikmyndum, mörgum árum eftir útgáfu þeirra og bera þar hæst leikir á borð við Scarface og Godfather. Nú er kominn út leikurinn Reservoir Dogs, sem byggist algjörlega á samnefndri kvikmynd Quentins Tarantinos, sem var jafnframt hans fyrsta kvikmynd og kom út árið 1992. Myndin fjallar um hóp manna sem taka þátt í vel skipulögðu skartgriparáni. Eitthvað fer þó úrskeiðis, einhver kjaftaði í lögguna og eru jafnvel sumir að þjóna eigin tilgangi en ekki hópsins. Leikurinn fylgir myndinni ítarlega og þurfa leikmenn bæði að fremja ránið og koma svo ræningjunum í skálkaskjól sitt. Leikmenn þurfa að komast að því hvernig Mr. White tókst að flýja, hvar Mr. Pink faldi demantana og leysa vandann með góðmennið Eddie, en þessar persónur ættu að vera kunnugar þeim sem myndina hafa séð. Framleiðendur leiksins gættu sín á að halda Tarantino- áhrifunum á sínum stað og endurspeglast það í skemmtilegum samtölum, miklu ofbeldi og hárbeittum húmor. Engin ein aðalpersóna er til grundvallar, heldur þurfa menn að stýra hverjum og einum bófa og ekki endilega í sömu tímaröð og kvikmyndin gerðist. Hvort sem leikmenn eru fótgangandi í bíl eða á öðru farartæki er sagt að spennan í leiknum gefi aldrei eftir. Sama tónlist er notuð í leiknum og í myndinni og ættu margir að brosa breitt þegar lagið „Stuck in the middle with you" fær að hljóma, en það var notað á eftirminnilegan hátt fyrir næstum 15 árum síðan í þekktu atriði myndarinnar. Svo auðvitað er gamla kempan Michael Madsen sem ljáir rödd sína persónu í leiknum, en hann spilaði stóra rullu í kvikmyndinni. Leikurinn spilast á PC og á Xbox og ætti að finnast í öllum helstu tölvuleikjaverslunum. Það ber þó að taka fram að hann er mjög ofbeldisfullur, rétt eins og kvikmyndin fræga. dori@frettabladid.is Ekkert nema hasar leikurinn ku vera æsispennandi og fær leikmenn til að svitna á köflum. . Reservoir Dogs fyrsta kvikmynd leikstjórans Quentin Tarantino en hún kom út fyrir næstum 15 árum síðan. .
Leikjavísir Mest lesið Þorsteinn og Hulda selja í Hlíðunum Lífið Sá stórt tækifæri í fjárfestingarhlið listarinnar Menning Katrín Tanja minnist Theo: „Hann kenndi mér hvernig á að elska“ Lífið Giskaði sig í eina milljón Lífið Helgi Björns og Siggi Hall skemmtu sér konunglega Lífið „Var ekkert búin að reikna saman þessi laun“ Lífið Upp á svið í háum hælum eftir Osteostrong Lífið samstarf Innsigluðu ástina með sérhönnuðu húðflúri Lífið „Mikilvægt að gera hluti sem hann yrði stoltur af“ Menning Þrumustuð þegar lag Barnamenningarhátíðar var frumflutt Tónlist Fleiri fréttir Þeir munu túlka Bítlana í myndum Sam Mendes Stjörnum prýdd stikla Black Mirror Nolan sagður stefna á tökur á Íslandi Ljósbrot besta myndin en Snerting með flest verðlaun Happy Gilmore snýr aftur Harpa kvótadrottning aftur á skjáinn Ólafur Darri og félagar framleiða sína fyrstu teiknimynd Anora sigurvegari á Óskarnum Óskarsverðlaunasérfræðingur spáir í Hollywood-spilin: Spennandi óskar í vændum og ekkert meitlað í stein Sjá meira
Óskarsverðlaunasérfræðingur spáir í Hollywood-spilin: Spennandi óskar í vændum og ekkert meitlað í stein