Átta stefna á forystusæti VG 30. nóvember 2006 05:00 Vinstri græn komu saman í Iðnó á kosninganótt 2003. Flokkurinn fékk fimm þingmenn kjörna – þar af tvo á höfuðborgarsvæðinu. Sjö stefna á forystusæti í kjördæmunum þremur á suðvesturhorninu nú. Forval fer fram á laugardag. Átta af 30 þátttakendum í forvali Vinstrihreyfingarinnar - græns framboðs á höfuðborgarsvæðinu vilja leiða lista á höfuðborgarsvæðinu. Flokkurinn heldur sameiginlegt forval fyrir Reykjavíkurkjördæmin tvö og Suðvesturkjördæmi. Báðir þingmenn flokksins í Reykjavík sækjast eftir endurkjöri. Forval VG, sem fram fer á laugardag, er sérstakt fyrir þær sakir að það er sameiginlegt fyrir þrjú kjördæmi. Í því verða frambjóðendur flokksins í báðum Reykjavíkurkjördæmunum og Suðvesturkjördæmi valdir en stjórnmálaflokkar hafa ekki farið þá leið áður. Þá er aðferðin sem beitt er við val á frambjóðendum athygliverð en kjósendur eiga að velja þrjá frambjóðendur í hvert efstu sætanna – þrjá í fyrsta sæti, þrjá í annað sæti, þrjá í þriðja sætið og þrjá í fjórða sæti. Reglur flokksins kveða á um að tvö efstu sæti listanna þriggja (alls sex sæti) skulu skipuð þremur konum og þremur körlum. Þá verður tryggt að fólk af sama kyni verði ekki í efstu sætum allra lista. Er þetta gert „í anda kvenfrelsis“, eins og það er orðað í forvalsreglunum. Til þeirrar reglu verðu horft við röðun fólks á lista í kjördæmunum, auk búsetu en kjörstjórn hefur mjög frjálsar hendur við niðurröðun á lista. Góð þátttaka vekur einnig athygli. Frambjóðendur eru jafnmargir og í prófkjörum Sjálfstæðisflokksins í Reykjavík og Suðvesturkjördæmi og litlu færri en í prófkjörum Samfylkingarinnar. Sjálfstæðisflokkurinn fékk fjórtán þingmenn í kjördæmunum í síðustu kosningum, Samfylkingin tólf en VG tvo. Forvalið er hið fyrsta sem VG efnir til vegna alþingiskosninga. Fyrir fyrri kosningar hefur flokkurinn stillt upp á lista sína og sú aðferð er einnig viðhöfð í öðrum kjördæmum nú. Átta frambjóðendur stefna á fyrsta sæti en af þeim nefna þrír fyrsta sætið eingöngu. Það eru þingmennirnir tveir Kolbrún Halldórsdóttir og Ögmundur Jónasson og Katrín Jakobsdóttir, varaformaður flokksins. Fjórir frambjóðendur sækjast eftir 1.-2. sæti, þau Álfheiður Ingadóttir varaþingmaður, Árni Þór Sigurðsson borgarfulltrúi, Guðmundur Magnússon leikari og Þórir Steingrímsson rannsóknarlögreglumaður. Þá sækist Paul F. Nikolov blaðamaður eftir 1-3. sæti. Átta sækjast eftir öðru sæti og nefna það ýmist eingöngu eða næstu sæti einnig. Það eru þau Andrea Ólafsdóttir nemi, Auður Lilja Erlingsdóttir stjórnmálafræðingur, Friðrik Atlason deildarstjóri, Gestur Svavarsson hugbúnaðarráðgjafi, Guðfríður Lilja Grétarsdóttir sagnfræðingur, Jóhann Björnsson kennari, Kristín Tómadóttir nemi og Kristján Hreinsson skáld. Af samtölum við flokksmenn að dæma þykir staða sitjandi þingmanna sterk og er almennt búist við að þeir haldi sætum sínum. Af öðrum frambjóðendum þykja Árni Þór Sigurðsson, Katrín Jakobsdóttir, Álfheiður Ingadóttir, Gestur Svavarsson og Guðfríður Lilja Grétarsdóttir einna líklegust til afreka. Prófkjörsbaráttan hefur verið drengileg og kynning frambjóðenda að mestu farið fram á sameiginlegum fundum og í bæklingi. Ekki eru í gildi sérstakar reglur um auglýsingar eða kostnað sem hver og einn má stofna til en gengið út frá því að frambjóðendur starfi í anda þeirrar menningar VG að verja litlu til prófkjörsbaráttu. Er það talinn nægilegur varnagli að menn skjóti sig í fótinn með dýrum auglýsingum. Innlent Mest lesið Fylgdu eftir ábendingum um aðkomu undirheimanna Innlent Uppruni stjarnanna óþekktur: „Hver andskotinn hefur verið að setja þetta inn?“ Innlent Svikahrappurinn bjó í íbúð hinnar látnu í níu ár Innlent „Ef hann hefði verið einn þá hefði þetta getað farið miklu verr“ Innlent Ekki í belti og undir áhrifum þegar hann lést Innlent Íslensk flugáhöfn horfði á ljónaárás rétt við hótelið Innlent Skipti öllu máli að telja drykkina Innlent Skaut hundinn sjálfur og fékk háa sekt Innlent Af hverju er barnið mitt alltaf að segja Skibidi toilet? Innlent Dómur yfir Alberti kveðinn upp á fimmtudag Innlent Fleiri fréttir Íbúakosning verður haldin í Hafnarfirði Segir að verjast þurfi árásum á flugvöllinn með fullum hnefa Búið að byrgja brunninn Lopabuxur og geitavesti á tískusýningu í sveitinni Nýir aðilar ráðast í uppbyggingu Vesturbugtar Formenn stjórnarflokkanna hljóti að ræða framhaldið Orðinn „kokhraustur kvenhatari“ og tækifærissinni Stjórnlaus ásókn í megrunarlyf og „árás“ á flugvöll Svikahrappurinn bjó í íbúð hinnar látnu í níu ár Dómur yfir Alberti kveðinn upp á fimmtudag Með ófullnægjandi hjálm þegar banaslys varð „Það er af og frá að ég hafi brotið lög“ Fjölmenntu í Aðalbyggingu HÍ og vilja svör frá rektor „Þingflokkur Pírata braut á mér“ Áfram lokuð þar sem viðgerðirnar undu upp á sig Spurð hvort hún ætli sér ekkert meira en kennarastarf Niðurstaða um Ölfusárbrú væntanleg í þessari viku Skaut hundinn sjálfur og fékk háa sekt Hætta að sekta fyrir notkun nagladekkja Svandís ræðir við hina formennina og ár af átökum fyrir botni Miðjarðarhafs Fylgdu eftir ábendingum um aðkomu undirheimanna Ræstu út mannskap til að kanna frágang fleiri brunna Afgerandi meirihluti með málstað Palestínumanna Ekki í belti og undir áhrifum þegar hann lést Skiptar skoðanir um umtalaða bókun við EES-samninginn Augljóst að ríkisstjórnarsamstarfið sé að nálgast leiðarlok Holan alls ekki eina slysagildran Skipti öllu máli að telja drykkina Segir ráðherra neita að afhenda gögn um bókun 35 Tveir handteknir í tengslum við slagsmál Sjá meira
Átta af 30 þátttakendum í forvali Vinstrihreyfingarinnar - græns framboðs á höfuðborgarsvæðinu vilja leiða lista á höfuðborgarsvæðinu. Flokkurinn heldur sameiginlegt forval fyrir Reykjavíkurkjördæmin tvö og Suðvesturkjördæmi. Báðir þingmenn flokksins í Reykjavík sækjast eftir endurkjöri. Forval VG, sem fram fer á laugardag, er sérstakt fyrir þær sakir að það er sameiginlegt fyrir þrjú kjördæmi. Í því verða frambjóðendur flokksins í báðum Reykjavíkurkjördæmunum og Suðvesturkjördæmi valdir en stjórnmálaflokkar hafa ekki farið þá leið áður. Þá er aðferðin sem beitt er við val á frambjóðendum athygliverð en kjósendur eiga að velja þrjá frambjóðendur í hvert efstu sætanna – þrjá í fyrsta sæti, þrjá í annað sæti, þrjá í þriðja sætið og þrjá í fjórða sæti. Reglur flokksins kveða á um að tvö efstu sæti listanna þriggja (alls sex sæti) skulu skipuð þremur konum og þremur körlum. Þá verður tryggt að fólk af sama kyni verði ekki í efstu sætum allra lista. Er þetta gert „í anda kvenfrelsis“, eins og það er orðað í forvalsreglunum. Til þeirrar reglu verðu horft við röðun fólks á lista í kjördæmunum, auk búsetu en kjörstjórn hefur mjög frjálsar hendur við niðurröðun á lista. Góð þátttaka vekur einnig athygli. Frambjóðendur eru jafnmargir og í prófkjörum Sjálfstæðisflokksins í Reykjavík og Suðvesturkjördæmi og litlu færri en í prófkjörum Samfylkingarinnar. Sjálfstæðisflokkurinn fékk fjórtán þingmenn í kjördæmunum í síðustu kosningum, Samfylkingin tólf en VG tvo. Forvalið er hið fyrsta sem VG efnir til vegna alþingiskosninga. Fyrir fyrri kosningar hefur flokkurinn stillt upp á lista sína og sú aðferð er einnig viðhöfð í öðrum kjördæmum nú. Átta frambjóðendur stefna á fyrsta sæti en af þeim nefna þrír fyrsta sætið eingöngu. Það eru þingmennirnir tveir Kolbrún Halldórsdóttir og Ögmundur Jónasson og Katrín Jakobsdóttir, varaformaður flokksins. Fjórir frambjóðendur sækjast eftir 1.-2. sæti, þau Álfheiður Ingadóttir varaþingmaður, Árni Þór Sigurðsson borgarfulltrúi, Guðmundur Magnússon leikari og Þórir Steingrímsson rannsóknarlögreglumaður. Þá sækist Paul F. Nikolov blaðamaður eftir 1-3. sæti. Átta sækjast eftir öðru sæti og nefna það ýmist eingöngu eða næstu sæti einnig. Það eru þau Andrea Ólafsdóttir nemi, Auður Lilja Erlingsdóttir stjórnmálafræðingur, Friðrik Atlason deildarstjóri, Gestur Svavarsson hugbúnaðarráðgjafi, Guðfríður Lilja Grétarsdóttir sagnfræðingur, Jóhann Björnsson kennari, Kristín Tómadóttir nemi og Kristján Hreinsson skáld. Af samtölum við flokksmenn að dæma þykir staða sitjandi þingmanna sterk og er almennt búist við að þeir haldi sætum sínum. Af öðrum frambjóðendum þykja Árni Þór Sigurðsson, Katrín Jakobsdóttir, Álfheiður Ingadóttir, Gestur Svavarsson og Guðfríður Lilja Grétarsdóttir einna líklegust til afreka. Prófkjörsbaráttan hefur verið drengileg og kynning frambjóðenda að mestu farið fram á sameiginlegum fundum og í bæklingi. Ekki eru í gildi sérstakar reglur um auglýsingar eða kostnað sem hver og einn má stofna til en gengið út frá því að frambjóðendur starfi í anda þeirrar menningar VG að verja litlu til prófkjörsbaráttu. Er það talinn nægilegur varnagli að menn skjóti sig í fótinn með dýrum auglýsingum.
Innlent Mest lesið Fylgdu eftir ábendingum um aðkomu undirheimanna Innlent Uppruni stjarnanna óþekktur: „Hver andskotinn hefur verið að setja þetta inn?“ Innlent Svikahrappurinn bjó í íbúð hinnar látnu í níu ár Innlent „Ef hann hefði verið einn þá hefði þetta getað farið miklu verr“ Innlent Ekki í belti og undir áhrifum þegar hann lést Innlent Íslensk flugáhöfn horfði á ljónaárás rétt við hótelið Innlent Skipti öllu máli að telja drykkina Innlent Skaut hundinn sjálfur og fékk háa sekt Innlent Af hverju er barnið mitt alltaf að segja Skibidi toilet? Innlent Dómur yfir Alberti kveðinn upp á fimmtudag Innlent Fleiri fréttir Íbúakosning verður haldin í Hafnarfirði Segir að verjast þurfi árásum á flugvöllinn með fullum hnefa Búið að byrgja brunninn Lopabuxur og geitavesti á tískusýningu í sveitinni Nýir aðilar ráðast í uppbyggingu Vesturbugtar Formenn stjórnarflokkanna hljóti að ræða framhaldið Orðinn „kokhraustur kvenhatari“ og tækifærissinni Stjórnlaus ásókn í megrunarlyf og „árás“ á flugvöll Svikahrappurinn bjó í íbúð hinnar látnu í níu ár Dómur yfir Alberti kveðinn upp á fimmtudag Með ófullnægjandi hjálm þegar banaslys varð „Það er af og frá að ég hafi brotið lög“ Fjölmenntu í Aðalbyggingu HÍ og vilja svör frá rektor „Þingflokkur Pírata braut á mér“ Áfram lokuð þar sem viðgerðirnar undu upp á sig Spurð hvort hún ætli sér ekkert meira en kennarastarf Niðurstaða um Ölfusárbrú væntanleg í þessari viku Skaut hundinn sjálfur og fékk háa sekt Hætta að sekta fyrir notkun nagladekkja Svandís ræðir við hina formennina og ár af átökum fyrir botni Miðjarðarhafs Fylgdu eftir ábendingum um aðkomu undirheimanna Ræstu út mannskap til að kanna frágang fleiri brunna Afgerandi meirihluti með málstað Palestínumanna Ekki í belti og undir áhrifum þegar hann lést Skiptar skoðanir um umtalaða bókun við EES-samninginn Augljóst að ríkisstjórnarsamstarfið sé að nálgast leiðarlok Holan alls ekki eina slysagildran Skipti öllu máli að telja drykkina Segir ráðherra neita að afhenda gögn um bókun 35 Tveir handteknir í tengslum við slagsmál Sjá meira