Gísli Súrsson sunnan heiða 19. október 2006 16:00 Elfar Logi Hannesson Vígalegur í hlutverki Gísla Súrssonar. Kómedíuleikhúsið sýnir einleikinn um Gísli Súrsson sunnan heiða nú um helgina. Höfundur verksins og leikstjóri er Elfar Logi Hannesson sem nú ferðast í þriðja leikárið í röð með þennan fræga kappa í farteskinu. Kómedíuleikhúsið er fyrsta atvinnuleikhúsið á Vestfjörðum og annað þriggja sem starfrækt er utan höfuðborgarsvæðisins. Leikhúsið var stofnað árið 1997 af Elfari Loga Hannessyni og Róberti Snorrasyni. Meðal leikverka sem leikhúsið hefur sýnt eru Tröllið sem prjónaði, Töfrataskan og Kómedía ópus eitt. Síðan árið 2001 hefur Kómedíuleikhúsið einbeitt sér að einleikjum og meðal annars staðið fyrir útgáfu á leiktextum einleikja og fyrir einleikjahátíðinni ACT Alone. Örlagasaga Gísla Súrssonar var frumsýnd í febrúar árið 2005. Nú verður verkið sýnt í leikhúsinu Völundi í Hveragerði kl. 20.30 annað kvöld en svo hyggst Elfar gera strandhögg í Möguleikhúsinu við Hlemm. Elvar er víðförull en hann er nýkominn frá Hannover í Bandaríkjunum þar sem einleikurinn um Gísla vann til verðlauna fyrir besta handrit á leiklistarhátíð þar í borg. Sýningin um Gísla Súrsson hefur hlotið afbragðsgóða dóma jafnt gagnrýnenda sem áhorfenda og hefur leikurinn sérstaklega lagst vel í unga fólkið enda er sagan sett fram á aðgengilegan hátt og textinn fluttur á nútímamáli. Gísli Súrsson byggir á einni af þekktustu Íslendingasögunu en sagan hefur verið kennd í grunnskólum landsins um árabil. Leikurinn segir af örlögum Gísla Súrssonar og fjölskyldu hans sem tekur land í Haukadal í Dýrafirði. Gengur þeim allt í haginn í fyrstu og verða karlmenn ættarinnar hinir mestu höfðingjar. En skjótt skipast veður í lofti og brátt er farið að fella mann og annan. Þetta endar loks með því að Gísli er útlægur ger. Aðeins þrjár sýningar verða á höfuðborgarsvæðinu að þessu sinni, á laugardag og sunnudag kl. 20 og síðan föstudaginn 26. október en uppselt er á þá sýningu. Jón St. Kristjánsson leikstýrir verkinu en þeir félagar unnu leikgerð sögunnar í sameiningu. Leikmynd er jafnframt eftir Jón Stefán en leikmuni gerði Marsibil G. Kristjánsdóttir og búningahöfundur er Alda Sigurðardóttir. Upplýsingar um miðasölu má finna á heimasíðu Möguleikhússins, www.moguleikhusid.is Menning Mest lesið Garðar Gunnlaugs að verða afi Lífið Framhjáhöld: Annar rannsóknarlögga en hinn í hundakofann Áskorun Andrés og Margrét gengin í það heilaga Lífið Bankaforstjóri selur glæsihýsi í Laugardalnum Lífið Myndaveisla: Suðræn stemning í afmælisveislu Tres Locos Lífið „Ekki fylgja hverju einasta tískutrendi“ Tíska og hönnun Keypti lóð Gylfa og Alexöndru á 225 milljónir Lífið Einstakt hönnunarhús í Hlíðunum með gufu, heitum potti og útisturtu Lífið „Þetta er enginn helvítis félagskvíði, það bara þolir mig enginn“ Áskorun Hefði ekki trúað áhrifunum! Lífið samstarf Fleiri fréttir Donald Sutherland er látinn Heimaleikurinn vann til verðlauna í Ástralíu „Gaman hvað verið er að tala fallega um samstarfsfólkið mitt“ Tengdasonur Íslands trúðaði Simon Cowell upp úr skónum Gerard Butler á klakanum í enn eitt skiptið Íslenskur hryllingstryllir á Vestfjörðum vekur athygli í Tribeca Eltihrellirinn höfðar mál gegn Netflix Þýskur risi í samstarf við ACT4 um gerð Stóra Bróður Balti var í hesthúsinu þegar Jason Statham hringdi Gleði og tilhlökkun fyrir fyrstu Filmu hátíðinni Anora hlaut Gullpálmann í ár Syngja með Grease á fyrstu skynsegin sýningu Íslandssögunnar Balti hélt að Pálmi myndi aldrei mæta Opinbera Hemsworth í hlutverki Geralt Egill mætti með barnabörnin á forsýningu Snertingar Stóðu upp og klöppuðu í fimm mínútur fyrir Ljósbroti Stjörnurnar vilja Spacey úr sjö ára útlegð Fundu föt við hæfi á síðustu stundu fyrir Cannes Fyrsta kitlan úr annarri seríu Rings of Power Sorgin allsráðandi í fyrstu stiklunni úr Ljósbrot Statham og Baltasar sameina krafta sína í væntanlegri hasarmynd Gefi raunsanna mynd af stefnumótahremmingum trans kvenna Potter-stjarna harmar hvernig fór með Rowling Sjá meira
Kómedíuleikhúsið sýnir einleikinn um Gísli Súrsson sunnan heiða nú um helgina. Höfundur verksins og leikstjóri er Elfar Logi Hannesson sem nú ferðast í þriðja leikárið í röð með þennan fræga kappa í farteskinu. Kómedíuleikhúsið er fyrsta atvinnuleikhúsið á Vestfjörðum og annað þriggja sem starfrækt er utan höfuðborgarsvæðisins. Leikhúsið var stofnað árið 1997 af Elfari Loga Hannessyni og Róberti Snorrasyni. Meðal leikverka sem leikhúsið hefur sýnt eru Tröllið sem prjónaði, Töfrataskan og Kómedía ópus eitt. Síðan árið 2001 hefur Kómedíuleikhúsið einbeitt sér að einleikjum og meðal annars staðið fyrir útgáfu á leiktextum einleikja og fyrir einleikjahátíðinni ACT Alone. Örlagasaga Gísla Súrssonar var frumsýnd í febrúar árið 2005. Nú verður verkið sýnt í leikhúsinu Völundi í Hveragerði kl. 20.30 annað kvöld en svo hyggst Elfar gera strandhögg í Möguleikhúsinu við Hlemm. Elvar er víðförull en hann er nýkominn frá Hannover í Bandaríkjunum þar sem einleikurinn um Gísla vann til verðlauna fyrir besta handrit á leiklistarhátíð þar í borg. Sýningin um Gísla Súrsson hefur hlotið afbragðsgóða dóma jafnt gagnrýnenda sem áhorfenda og hefur leikurinn sérstaklega lagst vel í unga fólkið enda er sagan sett fram á aðgengilegan hátt og textinn fluttur á nútímamáli. Gísli Súrsson byggir á einni af þekktustu Íslendingasögunu en sagan hefur verið kennd í grunnskólum landsins um árabil. Leikurinn segir af örlögum Gísla Súrssonar og fjölskyldu hans sem tekur land í Haukadal í Dýrafirði. Gengur þeim allt í haginn í fyrstu og verða karlmenn ættarinnar hinir mestu höfðingjar. En skjótt skipast veður í lofti og brátt er farið að fella mann og annan. Þetta endar loks með því að Gísli er útlægur ger. Aðeins þrjár sýningar verða á höfuðborgarsvæðinu að þessu sinni, á laugardag og sunnudag kl. 20 og síðan föstudaginn 26. október en uppselt er á þá sýningu. Jón St. Kristjánsson leikstýrir verkinu en þeir félagar unnu leikgerð sögunnar í sameiningu. Leikmynd er jafnframt eftir Jón Stefán en leikmuni gerði Marsibil G. Kristjánsdóttir og búningahöfundur er Alda Sigurðardóttir. Upplýsingar um miðasölu má finna á heimasíðu Möguleikhússins, www.moguleikhusid.is
Menning Mest lesið Garðar Gunnlaugs að verða afi Lífið Framhjáhöld: Annar rannsóknarlögga en hinn í hundakofann Áskorun Andrés og Margrét gengin í það heilaga Lífið Bankaforstjóri selur glæsihýsi í Laugardalnum Lífið Myndaveisla: Suðræn stemning í afmælisveislu Tres Locos Lífið „Ekki fylgja hverju einasta tískutrendi“ Tíska og hönnun Keypti lóð Gylfa og Alexöndru á 225 milljónir Lífið Einstakt hönnunarhús í Hlíðunum með gufu, heitum potti og útisturtu Lífið „Þetta er enginn helvítis félagskvíði, það bara þolir mig enginn“ Áskorun Hefði ekki trúað áhrifunum! Lífið samstarf Fleiri fréttir Donald Sutherland er látinn Heimaleikurinn vann til verðlauna í Ástralíu „Gaman hvað verið er að tala fallega um samstarfsfólkið mitt“ Tengdasonur Íslands trúðaði Simon Cowell upp úr skónum Gerard Butler á klakanum í enn eitt skiptið Íslenskur hryllingstryllir á Vestfjörðum vekur athygli í Tribeca Eltihrellirinn höfðar mál gegn Netflix Þýskur risi í samstarf við ACT4 um gerð Stóra Bróður Balti var í hesthúsinu þegar Jason Statham hringdi Gleði og tilhlökkun fyrir fyrstu Filmu hátíðinni Anora hlaut Gullpálmann í ár Syngja með Grease á fyrstu skynsegin sýningu Íslandssögunnar Balti hélt að Pálmi myndi aldrei mæta Opinbera Hemsworth í hlutverki Geralt Egill mætti með barnabörnin á forsýningu Snertingar Stóðu upp og klöppuðu í fimm mínútur fyrir Ljósbroti Stjörnurnar vilja Spacey úr sjö ára útlegð Fundu föt við hæfi á síðustu stundu fyrir Cannes Fyrsta kitlan úr annarri seríu Rings of Power Sorgin allsráðandi í fyrstu stiklunni úr Ljósbrot Statham og Baltasar sameina krafta sína í væntanlegri hasarmynd Gefi raunsanna mynd af stefnumótahremmingum trans kvenna Potter-stjarna harmar hvernig fór með Rowling Sjá meira