Aðrar kosningar í Þýskalandi? 15. september 2005 00:01 Verða kosningar strax að loknum kosningunum í Þýskalandi? Það er meðal þess sem þarlendir stjórnmálamenn velta fyrir sér enda bendir flest til þess að niðurstöður kosninganna næstkomandi sunnudag verði einmitt þær sem enginn þeirra vill sjá. Ingólfur Bjarni Sigfússon, fréttamaður Stöðvar 2 og Bylgjunnar, er í Þýskalandi. Gerhard Schröder og Angela Merkel hljóta að fá hroll þegar þeim eru réttar nýjustu tölur úr skoðanakönnunum á hverjum morgni. CDU, kristilegir demókratar, eru langstærstir með fjörutíu og tveggja prósenta fylgi. SPD, jafnaðarmannaflokkur Schröders, geta fagnað því þeir hafa bætt við sig og eru komnir með þrjátíu og fimm prósent. En hvorugur flokkurinn hefur nægileg fylgi til að mynda stjórn með óskasamstarfsflokki sínum: kristilegir demókratar og frjálslyndir hafa ekki nægilegt fylgi samanlagt og jafnaðarmenn og græningjar ekki heldur. Fimmti flokkurinn á þingi, vinstri flokkurinn, er reyndar sá þriðji stærsti samkvæmt könnunum en það vill enginn mynda stjórn með flokknum svo að fylgi hans skiptir litli, í það minnsta segja leiðtogar hinna flokkanna það. Það stefnir því allt í að eina lausnin verði samsteypustjórn stóru flokkanna, CDU og SPD, nokkuð sem hvorugum flokksleiðtoganum hugnast. Að vísu gætu kristilegir demókratar og græningjar myndað stjórn með nægan meirihluta, en það samstarf er talið harla ólíklegt. Ein leið til að komast hjá því að ræða þessa stöðu er að kenna fjölmiðlum og þeim sem stýra könnununum um. Aðrir benda á að enn sé allt að þriðjungur óákveðinn sem muni ráða úrslitum, og enn aðrir benda á að meira en helmingur telji að ekki sé tímabært að gera breytingar. Það leysir hins vegar ekki vandann sem gæti blasað við á sunnudagskvöldið. Þess vegna hefur Angela Merkel lagt höfuðið í bleyti og setið stífa fundi með stjórnarskrárspekingum, samkvæmt fréttum þýskra fjölmiðla í morgun. Tilgangurinn er að finna leið til að efna til nýrra kosninga strax að þeim á sunnudaginn loknum. Lausnin felst í því að Merkel sækist eftir stuðningi þingsins sem kanslari að kosningum afstöðnum. Kosið er þrisvar og hljóti hún ekki afgerandi meirihluta hefur forseti Þýskalands um tvennt að velja: að tilnefna Merkel samt eða leysa þingið upp og efna til kosninga á ný. Forsetinn, Horst Köhler, er flokksbróðir Merkel og því meiri líkur á að hann sé henni hliðhollur en Schröder. Hvort að þessi flétta gengur upp er allt annað mál. Telja má víst að aðrir stjórnmálamenn myndu klaga þetta til stjórnarskrárdómstólsins og svo er engin leið að vita hvernig kjósendur brygðust við. Allt sýnir þetta fyrst og fremst þá örvæntingu sem ríkir í herbúðum helstu frambjóðendanna síðustu dagana fyrir kosningar, og ljóst að það stefnir í mjög spennandi kosningar hér í Þýskalandi á sunnudaginn kemur. Erlent Fréttir Stj.mál Mest lesið Uppruni stjarnanna óþekktur: „Hver andskotinn hefur verið að setja þetta inn?“ Innlent Athafnamaðurinn Þráinn Hafstein Kristjánsson látinn Innlent Nýtt eftirlitskerfi á ytri landamærum Schengen-svæðisins Innlent Íranskur herforingi sagður hafa látist í loftárásum Ísraela Erlent Risaþotan flaug aftur yfir Reykjavíkursvæðið Innlent „Hann hverfur ofan í jörðina“ Innlent Öflugur skjálfti í Bárðarbunguöskju Innlent Segir rangt að þau hafi reynt að stöðva lögreglubíl í forgangsakstri Innlent Íslensk flugáhöfn horfði á ljónaárás rétt við hótelið Innlent Af hverju er barnið mitt alltaf að segja Skibidi toilet? Innlent Fleiri fréttir Íranskur herforingi sagður hafa látist í loftárásum Ísraela Lýsa nóttinni sem skelfilegri Minnkandi virðing fyrir heilbrigðisstarfsfólki á Gasa Ung kona látin eftir skotárás í Ísrael Huldukona í lykilhlutverki í lygilegu ráðabruggi um símboðana „Ein versta nóttin“ í Beirút frá upphafi átaka Sneri aftur á vettvang banatilræðisins Engum verði vísað út við myndbirtingu Minnst sextán látnir í aurskriðum í Bosníu og Hersegóvínu Einn af leiðtogum Hamas lést í loftárás á Líbanon Minnst sjötíu í valnum eftir árás glæpamanna Versnandi ástand í Pokrovsk Trump sagði Pence að hann yrði fyrirlitinn og talinn heimskur Gerðu árás á landamærastöð þar sem tugir þúsunda hafa flúið Obama leggur land undir fót fyrir Harris í næstu viku Sýknaðir af alvarlegustu ákærunum vegna dauða Nichols Hvaldímír drapst af völdum bakteríusýkingar 21 árs konu bjargað á Gasa tíu árum eftir að henni var rænt Arftaki Nasrallah sagður drepinn í árás Ísraela Vita um tvo Íslendinga í Líbanon Segja íbúum tuttugu og fimm þorpa að flýja Hringmyrkvi sýnilegur yfir syðsta oddi Suður-Ameríku Fyrsta heimsókn Rutte til Úkraínu Íhuga árásir á olíuvinnslur og kjarnorkustöðvar í Íran Nýnasisti sagðist ekki hafa stungið börn vegna rasisma Rússar reyndu að skjóta niður ísraelskar stýriflaugar Slökkva á tækjum næstvíðförlasta geimfarsins til að lengja líf þess Lét sér fátt um finnast að Pence væri í hættu Forsetinn neitar að undirrita lög gegn hinsegin fólki Tekur einarða afstöðu með þungunarrofi og sjálfræði kvenna Sjá meira
Verða kosningar strax að loknum kosningunum í Þýskalandi? Það er meðal þess sem þarlendir stjórnmálamenn velta fyrir sér enda bendir flest til þess að niðurstöður kosninganna næstkomandi sunnudag verði einmitt þær sem enginn þeirra vill sjá. Ingólfur Bjarni Sigfússon, fréttamaður Stöðvar 2 og Bylgjunnar, er í Þýskalandi. Gerhard Schröder og Angela Merkel hljóta að fá hroll þegar þeim eru réttar nýjustu tölur úr skoðanakönnunum á hverjum morgni. CDU, kristilegir demókratar, eru langstærstir með fjörutíu og tveggja prósenta fylgi. SPD, jafnaðarmannaflokkur Schröders, geta fagnað því þeir hafa bætt við sig og eru komnir með þrjátíu og fimm prósent. En hvorugur flokkurinn hefur nægileg fylgi til að mynda stjórn með óskasamstarfsflokki sínum: kristilegir demókratar og frjálslyndir hafa ekki nægilegt fylgi samanlagt og jafnaðarmenn og græningjar ekki heldur. Fimmti flokkurinn á þingi, vinstri flokkurinn, er reyndar sá þriðji stærsti samkvæmt könnunum en það vill enginn mynda stjórn með flokknum svo að fylgi hans skiptir litli, í það minnsta segja leiðtogar hinna flokkanna það. Það stefnir því allt í að eina lausnin verði samsteypustjórn stóru flokkanna, CDU og SPD, nokkuð sem hvorugum flokksleiðtoganum hugnast. Að vísu gætu kristilegir demókratar og græningjar myndað stjórn með nægan meirihluta, en það samstarf er talið harla ólíklegt. Ein leið til að komast hjá því að ræða þessa stöðu er að kenna fjölmiðlum og þeim sem stýra könnununum um. Aðrir benda á að enn sé allt að þriðjungur óákveðinn sem muni ráða úrslitum, og enn aðrir benda á að meira en helmingur telji að ekki sé tímabært að gera breytingar. Það leysir hins vegar ekki vandann sem gæti blasað við á sunnudagskvöldið. Þess vegna hefur Angela Merkel lagt höfuðið í bleyti og setið stífa fundi með stjórnarskrárspekingum, samkvæmt fréttum þýskra fjölmiðla í morgun. Tilgangurinn er að finna leið til að efna til nýrra kosninga strax að þeim á sunnudaginn loknum. Lausnin felst í því að Merkel sækist eftir stuðningi þingsins sem kanslari að kosningum afstöðnum. Kosið er þrisvar og hljóti hún ekki afgerandi meirihluta hefur forseti Þýskalands um tvennt að velja: að tilnefna Merkel samt eða leysa þingið upp og efna til kosninga á ný. Forsetinn, Horst Köhler, er flokksbróðir Merkel og því meiri líkur á að hann sé henni hliðhollur en Schröder. Hvort að þessi flétta gengur upp er allt annað mál. Telja má víst að aðrir stjórnmálamenn myndu klaga þetta til stjórnarskrárdómstólsins og svo er engin leið að vita hvernig kjósendur brygðust við. Allt sýnir þetta fyrst og fremst þá örvæntingu sem ríkir í herbúðum helstu frambjóðendanna síðustu dagana fyrir kosningar, og ljóst að það stefnir í mjög spennandi kosningar hér í Þýskalandi á sunnudaginn kemur.
Erlent Fréttir Stj.mál Mest lesið Uppruni stjarnanna óþekktur: „Hver andskotinn hefur verið að setja þetta inn?“ Innlent Athafnamaðurinn Þráinn Hafstein Kristjánsson látinn Innlent Nýtt eftirlitskerfi á ytri landamærum Schengen-svæðisins Innlent Íranskur herforingi sagður hafa látist í loftárásum Ísraela Erlent Risaþotan flaug aftur yfir Reykjavíkursvæðið Innlent „Hann hverfur ofan í jörðina“ Innlent Öflugur skjálfti í Bárðarbunguöskju Innlent Segir rangt að þau hafi reynt að stöðva lögreglubíl í forgangsakstri Innlent Íslensk flugáhöfn horfði á ljónaárás rétt við hótelið Innlent Af hverju er barnið mitt alltaf að segja Skibidi toilet? Innlent Fleiri fréttir Íranskur herforingi sagður hafa látist í loftárásum Ísraela Lýsa nóttinni sem skelfilegri Minnkandi virðing fyrir heilbrigðisstarfsfólki á Gasa Ung kona látin eftir skotárás í Ísrael Huldukona í lykilhlutverki í lygilegu ráðabruggi um símboðana „Ein versta nóttin“ í Beirút frá upphafi átaka Sneri aftur á vettvang banatilræðisins Engum verði vísað út við myndbirtingu Minnst sextán látnir í aurskriðum í Bosníu og Hersegóvínu Einn af leiðtogum Hamas lést í loftárás á Líbanon Minnst sjötíu í valnum eftir árás glæpamanna Versnandi ástand í Pokrovsk Trump sagði Pence að hann yrði fyrirlitinn og talinn heimskur Gerðu árás á landamærastöð þar sem tugir þúsunda hafa flúið Obama leggur land undir fót fyrir Harris í næstu viku Sýknaðir af alvarlegustu ákærunum vegna dauða Nichols Hvaldímír drapst af völdum bakteríusýkingar 21 árs konu bjargað á Gasa tíu árum eftir að henni var rænt Arftaki Nasrallah sagður drepinn í árás Ísraela Vita um tvo Íslendinga í Líbanon Segja íbúum tuttugu og fimm þorpa að flýja Hringmyrkvi sýnilegur yfir syðsta oddi Suður-Ameríku Fyrsta heimsókn Rutte til Úkraínu Íhuga árásir á olíuvinnslur og kjarnorkustöðvar í Íran Nýnasisti sagðist ekki hafa stungið börn vegna rasisma Rússar reyndu að skjóta niður ísraelskar stýriflaugar Slökkva á tækjum næstvíðförlasta geimfarsins til að lengja líf þess Lét sér fátt um finnast að Pence væri í hættu Forsetinn neitar að undirrita lög gegn hinsegin fólki Tekur einarða afstöðu með þungunarrofi og sjálfræði kvenna Sjá meira