Jóhann til reynslu hjá AGF

Á heimasíðu AGF í dag er greint frá því að Jóhann B. Guðmundsson knattspyrnumaður í Örgyte í Gautaborg er þessa dagana til reynslu hjá danska félaginu AGF í Árósum og það ræðst um næstu helgi, hvort honum verði boðinn samningur. Jóhann, sem er 28 ára, gekk til liðs við Örgyte í fyrra frá Lyn í Osló, þar sem hann lék með Helga Sigruðssyni, sem nú er liðsmaður AGF.  Hann hefur ekki átt fast sæti í byrjunarliði Örgyte í ár, en hefur samt komið við sögu í 11 leikjum af 17 í sænsku úrvalsdeldinni.