Stálstýrið 2004 25. október 2004 00:01 Volvo S40 hlaut Stálstýrið 2004 sem nýstofnað Bandalag íslenskra bílablaðamanna veitti í síðustu viku. Tilnefndir voru bílar í fjórum flokkum og stóð valið um bíl ársins milli þeirra bíla sem valdir voru í hverjum þessara fjögurra flokka. Til úrslita í flokki smábíla og minni millistærðarbíla voru Citroën C2, Fiat Panda og Kia Picanto og varð sá síðastnefndi fyrir valinu. Ástæðan var fyrst og fremst mjög hagkvæmt verð. "Fyrir þetta lága verð fær kaupandinn bíl með nýtískulegri hönnun, viðunandi kraft og betri akstureiginleika og búnað en búast má við í svo litlum og ódýrum bíl," segir í áliti dómnefndarinnar. Í millistærð, stærri fjölskyldubílum og lúxusbílum voru í úrslitum Toyota Prius, Volkswagen Golf og Volvo S40 sem varð fyrir valinu. "Volvo S40 verður fyrir valinu vegna vandaðrar og vel heppnaðar hönnunar og frágangs, jafnt að utan sem innan," segir í rökstuðningi dómnefndar. Bíllinn er sagður skemmtilegur og ljúfur í akstri og í fremstu röð hvað snertir öryggi. Hann er rýmri en fyrirrennari hans og farangursrými ágætt. Verðið er einnig hagstætt. Gaman er að geta þess að helstu hönnuðir S40 voru konur. Í flokki jeppa og jepplinga komu til álita í úrslitum BMW X3, Hyundai Tucson og Subaru Legacy Outback. Fyrir valinu varð Hyundai Tucson. Helstu rök voru hagstætt verð, miðað við búnað, getu, hönnun og frágang. "Í ágætum aksturseiginleikum er fetaður millivegur, sem ætti að geta hentað flestum," segir meðal annars í áliti dómnefndarinnar. Tucson fellur að stærð inn í miðjan jepplingahópinn, með ágætt rými bæði í framsætum og aftursætum. Í flokki sportbíla stóð valið milli Mazda RX8, Mitsubishi Lancer Evo VIII og Nissan 350Z. Mazda RX8 varð fyrir valinu en helstu rökin fyrir því voru eins og segir í áliti dómnefndar: "Þessi bíll kemur eins og ferskur vindsveipur inn í flokk sportbíla í heiminum þar sem á frumlegan og snjallan hátt er sköpuð alveg ný tegund sportbíls." Bíllinn er sagður luma á góðu rými þrátt fyrir sportlegt útlit. "Þetta er bíll þar sem fjölskyldufólk með sportbíladellu getur réttlætt kaupin á sportbíl sem tekur tillit til þarfa fjölskyldunnar," segir dómnefnd. Bílar Mest lesið Sauð upp úr í stjörnufansi á golfmóti Coolbet Lífið Setti sér markmið og hóf veitingarekstur átján ára Lífið Kvikmyndastjarna slær í gegn á Landsmóti hestamanna Lífið Ólafía Hrönn reyndist vera á bak við „stóra pokamálið“ Lífið Júlía Margrét gengin út Lífið Fannst eins og hann væri eini fulli í brekkunni fyrir hádegi Lífið Helvítis kokkurinn: Gómsætar grillaðar lambakótelettur Lífið Götutíska fyrir íslenskar aðstæður Lífið Þurfti að vinda skyrtuna eftir tryllt gigg í Víetnam Tónlist Gyðjusamkoma með glæsilegum gellum Lífið Fleiri fréttir Fjöldamet á stærstu listasýningu í sögu Hornafjarðar „Hluti af heild sem við skiljum ekki“ Magnús Geir endurráðinn þjóðleikhússtjóri „Ef ég væri einmana myndi ég ganga í Sjálfstæðisflokkinn“ Myndaveisla: Níu líf of stórkostleg fyrir eftirsjá Þau eru tilnefnd til Ísnálarinnar í ár Hvað eigum við að kalla eiginmann forseta? Sjá meira
Volvo S40 hlaut Stálstýrið 2004 sem nýstofnað Bandalag íslenskra bílablaðamanna veitti í síðustu viku. Tilnefndir voru bílar í fjórum flokkum og stóð valið um bíl ársins milli þeirra bíla sem valdir voru í hverjum þessara fjögurra flokka. Til úrslita í flokki smábíla og minni millistærðarbíla voru Citroën C2, Fiat Panda og Kia Picanto og varð sá síðastnefndi fyrir valinu. Ástæðan var fyrst og fremst mjög hagkvæmt verð. "Fyrir þetta lága verð fær kaupandinn bíl með nýtískulegri hönnun, viðunandi kraft og betri akstureiginleika og búnað en búast má við í svo litlum og ódýrum bíl," segir í áliti dómnefndarinnar. Í millistærð, stærri fjölskyldubílum og lúxusbílum voru í úrslitum Toyota Prius, Volkswagen Golf og Volvo S40 sem varð fyrir valinu. "Volvo S40 verður fyrir valinu vegna vandaðrar og vel heppnaðar hönnunar og frágangs, jafnt að utan sem innan," segir í rökstuðningi dómnefndar. Bíllinn er sagður skemmtilegur og ljúfur í akstri og í fremstu röð hvað snertir öryggi. Hann er rýmri en fyrirrennari hans og farangursrými ágætt. Verðið er einnig hagstætt. Gaman er að geta þess að helstu hönnuðir S40 voru konur. Í flokki jeppa og jepplinga komu til álita í úrslitum BMW X3, Hyundai Tucson og Subaru Legacy Outback. Fyrir valinu varð Hyundai Tucson. Helstu rök voru hagstætt verð, miðað við búnað, getu, hönnun og frágang. "Í ágætum aksturseiginleikum er fetaður millivegur, sem ætti að geta hentað flestum," segir meðal annars í áliti dómnefndarinnar. Tucson fellur að stærð inn í miðjan jepplingahópinn, með ágætt rými bæði í framsætum og aftursætum. Í flokki sportbíla stóð valið milli Mazda RX8, Mitsubishi Lancer Evo VIII og Nissan 350Z. Mazda RX8 varð fyrir valinu en helstu rökin fyrir því voru eins og segir í áliti dómnefndar: "Þessi bíll kemur eins og ferskur vindsveipur inn í flokk sportbíla í heiminum þar sem á frumlegan og snjallan hátt er sköpuð alveg ný tegund sportbíls." Bíllinn er sagður luma á góðu rými þrátt fyrir sportlegt útlit. "Þetta er bíll þar sem fjölskyldufólk með sportbíladellu getur réttlætt kaupin á sportbíl sem tekur tillit til þarfa fjölskyldunnar," segir dómnefnd.
Bílar Mest lesið Sauð upp úr í stjörnufansi á golfmóti Coolbet Lífið Setti sér markmið og hóf veitingarekstur átján ára Lífið Kvikmyndastjarna slær í gegn á Landsmóti hestamanna Lífið Ólafía Hrönn reyndist vera á bak við „stóra pokamálið“ Lífið Júlía Margrét gengin út Lífið Fannst eins og hann væri eini fulli í brekkunni fyrir hádegi Lífið Helvítis kokkurinn: Gómsætar grillaðar lambakótelettur Lífið Götutíska fyrir íslenskar aðstæður Lífið Þurfti að vinda skyrtuna eftir tryllt gigg í Víetnam Tónlist Gyðjusamkoma með glæsilegum gellum Lífið Fleiri fréttir Fjöldamet á stærstu listasýningu í sögu Hornafjarðar „Hluti af heild sem við skiljum ekki“ Magnús Geir endurráðinn þjóðleikhússtjóri „Ef ég væri einmana myndi ég ganga í Sjálfstæðisflokkinn“ Myndaveisla: Níu líf of stórkostleg fyrir eftirsjá Þau eru tilnefnd til Ísnálarinnar í ár Hvað eigum við að kalla eiginmann forseta? Sjá meira