Umfjöllun og viðtöl: Valur - Afturelding 30-24 | Rassskelling í Valshöllinni Guðmundur Marinó Ingvarsson skrifar 28. apríl 2016 21:00 vísir/ernir Valur skellti Aftureldingu 30-24 í þriðja leik liðanna í undanúrslitum Olís deildar karla í handbolta á heimavelli í kvöld og tók 2-1 forystu í einvígi liðanna. Valsmenn mættu mjög ákveðnir til leiks og voru mun sterkari aðilinn frá fyrstu mínútu. Sóknarleikur liðsins var frábær og liðið skoraði nánast að vild lengi vel. Markverðir Aftureldingar vörðu ekki skot fyrr en á 18. mínútu en á sama tíma var Hlynur Morthens með 62% markvörslu í marki Vals. Fyrir framan Hlyn lék Valur frábæra vörn og áttu Mosfellingar í miklum vandræðum með að skapa sér opin færi. Leikmenn Aftureldingar virtust hreinlega missa móðinn og fór sjálfstraustið og trúin á verkefnið út í veður og vind ótrúlega snemma eftir tvo spennandi leiki í einvíginu. Það var einfaldlega meiri kraftur í liði Vals og voru úrslitin í raun ráðin í hálfleik þar sem Valur var 18-9 yfir. Afturelding mætti þó öllu ákveðnari til leiks í seinni hálfleik. Allt annað var að sjá vörn liðins og liðið nýtti sér ákveðið kæruleysi sem gerði vart við sig í leik heimamanna og minnkaði muninn í fimm mörk. Nær komust gestirnir þó ekki og náði leikurinn aldrei að verða spennandi í seinni hálfleik þó yfirburði Vals hafi ekki verið þeir sömu og í fyrri hálfleiknum. Hægri vængurinn hjá Val var óstöðvandi í leiknum. Sveinn Aron Sveinsson skoraði 9 mörk og Geir Guðmundsson 7 en Geir þurfti að yfirgefa völlinn í seinni hálfleik vegna meiðsla en jafnaði sig ótrúlega fljótt og kom aftur inn á nokkrum mínútum síðar. Guðmundur Hólmar Helgason átti einnig mjög góðan leik fyrir Val jafnt í vörn og sókn. Mosfellingar vilja væntanlega gleyma þessum leik sem allra fyrst. Liðið mætti andlaust til leiks og gaf sér aldrei möguleika í leiknum. Fyrir vikið er Valur einum sigri frá því að komast í úrslitaeinvígið en liðin mætast á ný klukkan 17 á laugardaginn í Mosfellsbæ. Óskar Bjarni: Góður kraftur í okkur„Fyrri hálfleikurinn var frábær og varnarleikurinn alveg til fyrirmyndar. Það var góður kraftur í okkur,“ sagði Óskar Bjarni Óskarsson þjálfari Vals eftir sigurinn örugga í kvöld. „Í seinni hálfleik voru þeir fljótir að koma til baka. Liðið sem er undir þarf að byrja eins og þeir gerðu og það fór aðeins um mig.“ Afturelding náði að minnka muninn úr níu mörkum í fimm en nær komst liðið ekki og Valur vann öruggan sigur. „Það er mikið afrek að vera svona mörgum mörkum yfir í hálfleik gegn frábæru liði Aftureldingar. Stundum er þetta svona í úrslitakeppninni. Oft miklar sveiflur. „Við slökuðum aðeins of mikið á varnarlega og hlupum verr til baka. Mér fannst við slaka full mikið á. Við Valsmenn erum oft skammaðir fyrir þetta, getum ekki haldið einbeitingu leik eftir leik og klárað og svona. Við þurfum að sýna betri standard en þetta og spila betur í seinni hálfleiknum,“ sagði Óskar Ómari Ingi Magnússon og Ólafur Stefánsson eru meiddir og því var enginn til að skipta við Geir Guðmundsson og Svein Aron Sveinsson á hægri vængnum hjá Val. Það fór því um Valsmenn þegar Geir þurfti að fara tímabundið útaf að því er virtist meiddur. „Geir er með svo furðulegar frumur. Hann bara stappar niður fótunum og þá er í lagi með hann og klár í næsta ball. „Ég held að Einar Örn (Jónsson) á RÚV og Valdimar Grímsson séu skráðir í Val. Við þurfum að tékka á þeim,“s sagði Óskar Bjarni léttur í bragði. „Það er mikið álag á Svenna og Geira. Við náum Óla jafnvel aftur inn. Hann þurfti að hvíla aðeins í einhvern tíma. Ég er ekki viss um að við náum honum á laugardaginn en við sjáum til.“ Einar Andri: Ekkert varið í okkur í kvöld„Það vantaði hugarfarið og viljann. Menn mættu ekki til leiks. Af hverju það var er erfitt að svara núna. Við þurfum að fara yfir það,“ sagði Einar Andri Einarsson þjálfari Aftureldingar. „Valsmenn voru betri á öllum sviðum handboltans.“ Fyrstu tveir leikir einvígisins voru jafnir og spennandi og fátt sem benti til þess að annað liðið myndi bursta leikinn í kvöld. „Þetta gerist stundum í úrslitakeppninni. Einn leikur endar í bursti þó þetta sé allt saman jafnt. Ef við svörum fyrir þetta á laugardaginn er 2-2 og við þurfum að gera það á laugardaginn. Við þurfum að sýna úr hverju við erum gerðir og að það sé eitthvað varið í okkur. Það var ekkert varið í okkur í kvöld.“ Afturelding náði að minnka forystu Vals sem var níu mörk í hálfleik niður í fimm mörk snemma í seinni hálfleik en nær komst liðið ekki. „Ég sendi Daða (Hafþórsson) á þá og hann kveikti í þeim. Við mættum ekki til leiks og maður fann það á fyrstu mínútunum að það vantaði eitthvað. „Ef við hefðum verið fimm mörkum undir í hálfleik þá hefði þetta verið yfirstíganlegt. Við komum þessu niður fimm en förum með tvær sóknir einum fleiri þar sem við hefðum hugsanlega getað komið þessu niður í fjögur. „Þá hefði kannski komið meiri pressa en þú ferð ekki tíu mörk undir á móti Val og ætlast til að koma til baka eftir það. Það þarf að spila allar mínútur gegn Val. Þeir voru í hlutlausum í seinni hálfleik þó við höfum sýnt meiri kraft,“ sagði Einar Andri. Afturelding er 2-1 undir í einvíginu og má ekki tapa öðrum leik ætli liðið að komast í úrslitaeinvígið. „Við þurfum að svara fyrir þetta. Við þekkjum þessa stöðu. Við lentum 2-1 undir gegn ÍR í undanúrslitum í fyrra og svöruðum því og kláruðum það. Menn þurfa að kafa djúpt og sýna að það sé eitthvað varið í þá. Það var enginn sem sýndi neitt í dag.“ Olís-deild karla Mest lesið Í beinni þegar tilkynnt var að hann væri rekinn Fótbolti Fyrirliðinn segir Íslendingaliðið of gott fyrir C-deildina Enski boltinn Versta byrjun í sögu efstu deildar Fótbolti Forsetinn Eto‘o fær ekki að mæta á leiki þjóðar sinnar Fótbolti Hélt hann væri laus við þessi mál Fótbolti Arftaki Þóris fundinn: „Þetta eru stórir skór að fylla í“ Handbolti Brasilíski miðvörðurinn gríðarlega eftirsóttur Fótbolti Daníel og Irma taka spennandi stökk: „Maður vill ekki lifa í eftirsjá eftir ferilinn“ Sport Dagskráin í dag: Meistaradeild Evrópu og Bónus deild kvenna fer af stað Sport Ronaldo benti til himins: „Vildi að pabbi væri enn á lífi“ Fótbolti Fleiri fréttir Arftaki Þóris fundinn: „Þetta eru stórir skór að fylla í“ Lilja tognuð á ökkla og frá næsta mánuðinn Guðmundur og Arnór fögnuðu góðum sigri Greið leið fyrir Bjarka, Ómar og Gísla í undanúrslit HM Elliði Snær frábær í sigri Gummersbach Bjarki með átta gegn Brössum Tap gegn Tékkum í lokaleiknum Þorsteinn Leó fór hamförum „Varnarleikurinn var skelfilegur” FH á toppinn eftir sigur í Garðabæ „Komnir með miklu fleiri stig en ég átti von á“ Uppgjörið: Fram - Haukar 37-34 | Framarar gengu á lagið í síðari hálfleik Tíu marka sigur Íslands Viktor Gísli öflugur gegn PSG ÍBV og Grótta með sigra Andri Már spilaði stóran þátt í sigri Leipzig Töpuðu með ellefu í Tékklandi Haukur frábær í öruggum sigri Búkarest Sporting rúllaði yfir Veszprém Loks vann Valur leik Sigvaldi Björn magnaður í fyrsta sigri Kolstad HR og HSÍ taka höndum saman: „Engin meðalmennska hér, það er tekið á því“ Serbarnir fá aldrei aftur að dæma Háspenna er FH vann Hafnarfjarðarslaginn Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Sjá meira
Valur skellti Aftureldingu 30-24 í þriðja leik liðanna í undanúrslitum Olís deildar karla í handbolta á heimavelli í kvöld og tók 2-1 forystu í einvígi liðanna. Valsmenn mættu mjög ákveðnir til leiks og voru mun sterkari aðilinn frá fyrstu mínútu. Sóknarleikur liðsins var frábær og liðið skoraði nánast að vild lengi vel. Markverðir Aftureldingar vörðu ekki skot fyrr en á 18. mínútu en á sama tíma var Hlynur Morthens með 62% markvörslu í marki Vals. Fyrir framan Hlyn lék Valur frábæra vörn og áttu Mosfellingar í miklum vandræðum með að skapa sér opin færi. Leikmenn Aftureldingar virtust hreinlega missa móðinn og fór sjálfstraustið og trúin á verkefnið út í veður og vind ótrúlega snemma eftir tvo spennandi leiki í einvíginu. Það var einfaldlega meiri kraftur í liði Vals og voru úrslitin í raun ráðin í hálfleik þar sem Valur var 18-9 yfir. Afturelding mætti þó öllu ákveðnari til leiks í seinni hálfleik. Allt annað var að sjá vörn liðins og liðið nýtti sér ákveðið kæruleysi sem gerði vart við sig í leik heimamanna og minnkaði muninn í fimm mörk. Nær komust gestirnir þó ekki og náði leikurinn aldrei að verða spennandi í seinni hálfleik þó yfirburði Vals hafi ekki verið þeir sömu og í fyrri hálfleiknum. Hægri vængurinn hjá Val var óstöðvandi í leiknum. Sveinn Aron Sveinsson skoraði 9 mörk og Geir Guðmundsson 7 en Geir þurfti að yfirgefa völlinn í seinni hálfleik vegna meiðsla en jafnaði sig ótrúlega fljótt og kom aftur inn á nokkrum mínútum síðar. Guðmundur Hólmar Helgason átti einnig mjög góðan leik fyrir Val jafnt í vörn og sókn. Mosfellingar vilja væntanlega gleyma þessum leik sem allra fyrst. Liðið mætti andlaust til leiks og gaf sér aldrei möguleika í leiknum. Fyrir vikið er Valur einum sigri frá því að komast í úrslitaeinvígið en liðin mætast á ný klukkan 17 á laugardaginn í Mosfellsbæ. Óskar Bjarni: Góður kraftur í okkur„Fyrri hálfleikurinn var frábær og varnarleikurinn alveg til fyrirmyndar. Það var góður kraftur í okkur,“ sagði Óskar Bjarni Óskarsson þjálfari Vals eftir sigurinn örugga í kvöld. „Í seinni hálfleik voru þeir fljótir að koma til baka. Liðið sem er undir þarf að byrja eins og þeir gerðu og það fór aðeins um mig.“ Afturelding náði að minnka muninn úr níu mörkum í fimm en nær komst liðið ekki og Valur vann öruggan sigur. „Það er mikið afrek að vera svona mörgum mörkum yfir í hálfleik gegn frábæru liði Aftureldingar. Stundum er þetta svona í úrslitakeppninni. Oft miklar sveiflur. „Við slökuðum aðeins of mikið á varnarlega og hlupum verr til baka. Mér fannst við slaka full mikið á. Við Valsmenn erum oft skammaðir fyrir þetta, getum ekki haldið einbeitingu leik eftir leik og klárað og svona. Við þurfum að sýna betri standard en þetta og spila betur í seinni hálfleiknum,“ sagði Óskar Ómari Ingi Magnússon og Ólafur Stefánsson eru meiddir og því var enginn til að skipta við Geir Guðmundsson og Svein Aron Sveinsson á hægri vængnum hjá Val. Það fór því um Valsmenn þegar Geir þurfti að fara tímabundið útaf að því er virtist meiddur. „Geir er með svo furðulegar frumur. Hann bara stappar niður fótunum og þá er í lagi með hann og klár í næsta ball. „Ég held að Einar Örn (Jónsson) á RÚV og Valdimar Grímsson séu skráðir í Val. Við þurfum að tékka á þeim,“s sagði Óskar Bjarni léttur í bragði. „Það er mikið álag á Svenna og Geira. Við náum Óla jafnvel aftur inn. Hann þurfti að hvíla aðeins í einhvern tíma. Ég er ekki viss um að við náum honum á laugardaginn en við sjáum til.“ Einar Andri: Ekkert varið í okkur í kvöld„Það vantaði hugarfarið og viljann. Menn mættu ekki til leiks. Af hverju það var er erfitt að svara núna. Við þurfum að fara yfir það,“ sagði Einar Andri Einarsson þjálfari Aftureldingar. „Valsmenn voru betri á öllum sviðum handboltans.“ Fyrstu tveir leikir einvígisins voru jafnir og spennandi og fátt sem benti til þess að annað liðið myndi bursta leikinn í kvöld. „Þetta gerist stundum í úrslitakeppninni. Einn leikur endar í bursti þó þetta sé allt saman jafnt. Ef við svörum fyrir þetta á laugardaginn er 2-2 og við þurfum að gera það á laugardaginn. Við þurfum að sýna úr hverju við erum gerðir og að það sé eitthvað varið í okkur. Það var ekkert varið í okkur í kvöld.“ Afturelding náði að minnka forystu Vals sem var níu mörk í hálfleik niður í fimm mörk snemma í seinni hálfleik en nær komst liðið ekki. „Ég sendi Daða (Hafþórsson) á þá og hann kveikti í þeim. Við mættum ekki til leiks og maður fann það á fyrstu mínútunum að það vantaði eitthvað. „Ef við hefðum verið fimm mörkum undir í hálfleik þá hefði þetta verið yfirstíganlegt. Við komum þessu niður fimm en förum með tvær sóknir einum fleiri þar sem við hefðum hugsanlega getað komið þessu niður í fjögur. „Þá hefði kannski komið meiri pressa en þú ferð ekki tíu mörk undir á móti Val og ætlast til að koma til baka eftir það. Það þarf að spila allar mínútur gegn Val. Þeir voru í hlutlausum í seinni hálfleik þó við höfum sýnt meiri kraft,“ sagði Einar Andri. Afturelding er 2-1 undir í einvíginu og má ekki tapa öðrum leik ætli liðið að komast í úrslitaeinvígið. „Við þurfum að svara fyrir þetta. Við þekkjum þessa stöðu. Við lentum 2-1 undir gegn ÍR í undanúrslitum í fyrra og svöruðum því og kláruðum það. Menn þurfa að kafa djúpt og sýna að það sé eitthvað varið í þá. Það var enginn sem sýndi neitt í dag.“
Olís-deild karla Mest lesið Í beinni þegar tilkynnt var að hann væri rekinn Fótbolti Fyrirliðinn segir Íslendingaliðið of gott fyrir C-deildina Enski boltinn Versta byrjun í sögu efstu deildar Fótbolti Forsetinn Eto‘o fær ekki að mæta á leiki þjóðar sinnar Fótbolti Hélt hann væri laus við þessi mál Fótbolti Arftaki Þóris fundinn: „Þetta eru stórir skór að fylla í“ Handbolti Brasilíski miðvörðurinn gríðarlega eftirsóttur Fótbolti Daníel og Irma taka spennandi stökk: „Maður vill ekki lifa í eftirsjá eftir ferilinn“ Sport Dagskráin í dag: Meistaradeild Evrópu og Bónus deild kvenna fer af stað Sport Ronaldo benti til himins: „Vildi að pabbi væri enn á lífi“ Fótbolti Fleiri fréttir Arftaki Þóris fundinn: „Þetta eru stórir skór að fylla í“ Lilja tognuð á ökkla og frá næsta mánuðinn Guðmundur og Arnór fögnuðu góðum sigri Greið leið fyrir Bjarka, Ómar og Gísla í undanúrslit HM Elliði Snær frábær í sigri Gummersbach Bjarki með átta gegn Brössum Tap gegn Tékkum í lokaleiknum Þorsteinn Leó fór hamförum „Varnarleikurinn var skelfilegur” FH á toppinn eftir sigur í Garðabæ „Komnir með miklu fleiri stig en ég átti von á“ Uppgjörið: Fram - Haukar 37-34 | Framarar gengu á lagið í síðari hálfleik Tíu marka sigur Íslands Viktor Gísli öflugur gegn PSG ÍBV og Grótta með sigra Andri Már spilaði stóran þátt í sigri Leipzig Töpuðu með ellefu í Tékklandi Haukur frábær í öruggum sigri Búkarest Sporting rúllaði yfir Veszprém Loks vann Valur leik Sigvaldi Björn magnaður í fyrsta sigri Kolstad HR og HSÍ taka höndum saman: „Engin meðalmennska hér, það er tekið á því“ Serbarnir fá aldrei aftur að dæma Háspenna er FH vann Hafnarfjarðarslaginn Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Sjá meira