Erlendar

Ráðgjafi McClaren segir af sér

Max Clifford, ráðgjafi enska landsliðsþjálfarans Steve McClaren, hefur sagt starfi sínu lausu. Clifford var ráðinn til að tala fyrir munn þjálfarans í fjölmiðlum og vernda hann fyrir árásum ágengra blaðamanna.

Enski boltinn 14.10.2006 15:11

Blackburn er yfir á Anfield

Nú er kominn hálfleikur í viðureignunum sex sem standa yfir í ensku úrvalsdeildinni í knattspyrnu. Blackburn hefur yfir 1-0 gegn Liverpool á Anfield þar sem Benni McCarthy skoraði fyrir gestina.

Enski boltinn 14.10.2006 14:56

Sex leikir í nótt

Sex leikir fóru fram á undirbúningstímabilinu í NBA í nótt. Leikur Houston og Atlanta var í beinni útsendingu á NBA TV.

Körfubolti 14.10.2006 14:29

Man Utd lagði Wigan

Manchester United vann góðan 3-1 útisigur á Wigan í fyrsta leik dagsins í ensku úrvalsdeildinni í knattspyrnu í dag. Wigan náði forystunni með marki úr aukaspyrnu í fyrri hálfleik, en Nemanja Vidic, Louis Saha og Ole Gunnar Solskjær tryggðu gestunum öruggan sigur með mörkum í þeim síðari.

Enski boltinn 14.10.2006 14:02

Calzaghe ætlar að jafna met Böðulsins

Walesverjinn Joe Calzaghe segist ætla að gæta sín vel á því að vanmeta ekki andstæðing sinn annað kvöld þegar hann ver WBO og IBF titla sína í yfir millivigt gegn Kamerúnmanninum Sakio Bika. Bardaginn verður í beinni á Sýn annað kvöld og hefst útsending strax klukkan 20.

Sport 13.10.2006 21:50

Houston - Atlanta í beinni

NBA TV sjónvarpsstöðin á Digital Ísland heldur áfram beinum útsendingum frá undirbúningstímabilinu í NBA í nótt, en klukkan 0:30 verður á dagskrá leikur Houston Rockets og Atlanta Hawks.

Körfubolti 13.10.2006 20:22

Fjölmiðlar telja Joorabchian líklegri til að kaupa West Ham

Breska blaðið The Times fullyrðir í dag að íranski viðskiptajöfurinn Kia Joorabchian sé líklegri en Eggert Magnússon til að kaupa enska úrvalsdeildarfélagið West Ham. Eggert vísar þeim fregnum á bug að 8 milljarða tilboði hans í félagið hafi verið hafnað.

Enski boltinn 13.10.2006 19:22

Grönholm leiðir eftir fyrsta daginn

Finnski ökuþórinn Marcus Grönholm hefur forystu eftir fyrsta daginn í Tyrklandsrallinu og heldur þar með í veika von um að veita heimsmeistaranum Sebastien Loeb einhverja samkeppni í titilbaráttunni.

Sport 13.10.2006 19:50

Paul Grant að taka við Norwich

Paul Grant, aðstoðarknattspyrnustjóri West Ham, verður tilkynntur formlega sem nýr knattspyrnustjóri 1. deildarliðs Norwich á mánudaginn. Norwich mun væntanlega greiða úrvalsdeildarfélaginu eitthvað fé fyrir Grant, en á heimasíðu Norwich segist hann fagna því að taka frábæru félagi sem ætli sér stóra hluti. Grant spilaði 75 leiki fyrir Norwich á sínum tíma.

Enski boltinn 13.10.2006 17:58

Aftur keppt á Spa á næsta ári

Forráðamenn Belgíukappakstursins hafa náð samkomulagi við Bernie Ecclestone um að endurvekja keppnishald á Spa-brautinni þar í landi, en ekki var keppt á brautinni í ár eftir að mótshaldarar fóru á hausinn. Brautin hefur verið endurbætt fyrir um 25 milljónir dollara og verður keppt á þessari sögufrægu braut á ný í september á næsta ári.

Formúla 1 13.10.2006 17:47

Guðlaugur Arnarsson til Gummersbach

Alfreð Gíslason, þjálfari þýska úrvalsdeildarliðsins Gummersbach, hefur nú fengið fjórða íslendinginn í raðir sínar eftir að hann gekk frá lánssamningi á Fylkismanninum sterka Guðlaugi Arnarssyni.

Sport 13.10.2006 18:04

Schumacher heiðraður í Brasilíu

Þýski ökuþórinn Michael Schumacher tekur um næstu helgi þátt í sínum síðasta kappakstri á ferlinum þegar lokamót ársins fer fram í Brasilíu og þar verður hann heiðraður sérstaklega af knattspyrnugoðsögninni Pele.

Formúla 1 13.10.2006 16:24

Lætur blaðamenn heyra það

Sir Alex Ferguson er búinn að fá nóg af nornaveiðum fjölmiðla á Wayne Rooney og segir þá njóta þess að velta sér upp úr erfiðleikum hans á knattspyrnuvellinum.

Enski boltinn 13.10.2006 16:13

Andy Johnson bestur í september

Framherjinn Andy Johnson hjá Everton var í dag kjörinn leikmaður septembermánaðar í ensku úrvalsdeildinni. Johnson skoraði fjögur mörk í fjórum leikjum fyrir þá bláu í september og hefur alls skorað sex mörk í deildinni.

Enski boltinn 13.10.2006 17:17

Tony Mowbray tekur við West Brom

Enska 1. deildarfélagið West Brom réði í dag Tony Mowbray í stöðu knattspyrnustjóra. Mowbray stýrði áður skoska liðinu Hibernian frá Edinborg og tekur nú við West Brom að Bryan Robson sem hætti störfum í síðasta mánuði.

Enski boltinn 13.10.2006 15:35

Coppell stjóri mánaðarins

Steve Coppell, stjóri Reading, hefur verið útnefndur knattspyrustjóri septembermánaðar í ensku úrvalsdeildinni. Reading tapaði ekki leik í mánuðinum og hirti stjö stig af níu mögulegum.

Enski boltinn 13.10.2006 17:10

Avery Johnson framlengir við Dallas

Avery Johnson skrifaði í gær undir nýjan fimm ára samning við NBA lið Dallas Mavericks og mun því stýra liðinu til ársins 2011. Johnson kom Dallas alla leið í úrslitin á sínu fyrsta heila ári við stjórnvölinn á síðustu leiktíð og er sagður muni fá um 20 milljónir dollara fyrir samninginn.

Körfubolti 13.10.2006 15:21

Vonsvikinn á viðbrögðum fólks

Paul Robinson, landsliðsmarkvörður Englendinga, segist afar hissa og vonsvikinn yfir því að hafa verið látinn fá það óþvegið fyrir markið slysalega sem hann fékk á sig á móti Króötum á miðvikudag.

Enski boltinn 13.10.2006 15:12

Handtekinn vegna líkamsárásar

Varnarmaðurinn Anton Ferdinand hjá enska úrvalsdeildarliðinu West Ham var handtekinn í gær vegna gruns um líkamsárás í byrjun mánaðarins. Ferdinand hefur verið sleppt gegn tryggingu, en þarf að mæta í frekari yfirheyrslur vegna málsins í næsta mánuði.

Enski boltinn 13.10.2006 15:06

Sacramento burstaði Dallas

Tveir leikir fóru fram á undirbúningstímabilinu í NBA í nótt. Sacramento burstaði Dallas á útivelli 111-90 í leik sem sýndur var beint á NBA TV og LA Lakers vann annan leik sinn í röð þegar liðið skellti Seattle 104-101.

Körfubolti 13.10.2006 14:45

Maxi Rodriguez úr leik

Argentínski landsliðsframherjinn Maxi Rodriguez hjá Atletico Madrid meiddist illa á hné í vináttuleik Argentínumanna og Spánverja í gærkvöldi. Spánverjar unnu leikinn 2-1, en ljóst er að Rodriguez verður lítið meira með á leiktíðinni og mun gangast undir aðgerð á morgun.

Fótbolti 12.10.2006 20:42

Fjandans sama um gagnrýni

Framherjinn snjalli Lukas Podolski svaraði harðri gagnrýni í gær þegar hann skoraði tvö mörk í 4-1 sigri Þjóðverja á Slóvökum í undankeppni EM. Podolski hefur verið harðlega gagnrýndur í þýskum fjölmiðlum sem og af félögum sínum hjá Bayern Munchen.

Sport 12.10.2006 19:45

Gummersbach lagði Celje Lasko

Lærisveinar Alfreðs Gíslasonar í Gummersbach unnu í kvöld afar mikilvægan sigur á sterku liði Celje í Meistaradeildinni í handbolta 34-31, eftir að hafa verið tveimur mörkum undir í hálfleik 16-14. Þá unnu Viggó Sigurðsson og félagar í Flensburg 34-29 sigur á Medwedi í sömu keppni.

Handbolti 12.10.2006 20:06

Dallas - Sacramento í beinni

Tveir leikir fara fram á undirbúningstímabilinu í NBA í nótt og verður leikur Dallas Mavericks og Sacramento Kings sýndur beint á NBA TV á Digital Ísland klukkan hálf eitt eftir miðnætti.

Körfubolti 12.10.2006 20:00

Rooney reifst við dónalegan stuðningsmann

Leikmenn enska landsliðsins fengu að heyra skoðanir stuðningsmanna liðsins þegar þeir gengu inn í rútuna eftir tapleikinn gegn Króötum í gær og fréttir herma að einn þeirra hafi verið einstaklega dónalegur. Wayne Rooney er sagður hafa svarað honum fullum hálsi.

Sport 12.10.2006 19:13

Beckham hefði ekki skipt máli gegn Króötum

Max Clifford, ráðgjafi enska landsliðsþjálfarans Steve McClaren, segir að þjálfarinn hafi fulla auðmýkt í að kalla David Beckham inn í enska landsliðshópinn á ný ef hann telji það liðinu fyrir bestu, en blæs á að betur hefði farið Beckham hefði notið við í tveimur síðustu leikjum liðsins.

Sport 12.10.2006 19:03

Stilian Petrov hættur með landsliðinu

Stilian Petrov, fyrirliði Búlgarska landsliðsins og leikmaður Aston Villa í ensku úrvalsdeildinni, hefur gefið það út að hann sé hættur að spila með búlgarska landsliðinu.

Sport 12.10.2006 18:56

Þrír lykilmenn Arsenal meiddir

Arsene Wenger, stjóri Arsenal, hefur nú fengið þær fregnir að þrír af lykilleikmönnum hans verði frá keppni í nokkurn tíma vegna meiðsla eftir landsleikjahlé og verður það væntanlega ekki til þess að auka hrifningu þjálfarans á hléunum sem hann hefur gagnrýnt harðlega undanfarið.

Enski boltinn 12.10.2006 18:17

Þjálfari Slóvaka segir af sér

Dusan Galis sagði í gærkvöld af sér sem landsliðsþjálfari Slóvaka eftir að liðið steinlá á heimavelli gegn Þjóðverjum í D-riðli undankeppni EM. Liðið hafði unnið stórsigur á Wales í leiknum á undan og því komu þessi tíðindi nokkuð á óvart.

Sport 12.10.2006 17:38

Xavier að snúa aftur?

Svo gæti farið að portúgalski varnarmaðurinn Abel Xavier spilaði sinn fyrsta leik með varaliði félagsins eftir helgina, en leikbannið sem hann fékk fyrir að falla á lyfjaprófi forðum rennur út á laugardag.

Enski boltinn 12.10.2006 16:32