Á­skoranirnar í fyrra: „Ég hélt ekki að ég myndi lifa það“

Í Áskorun á Vísi ræðum við reglulega við fólk sem er tilbúið til að miðla af reynslu sinni. Deila erfiðum lífsreynslusögum en leggja öðru fólki lið með því að gefa góð ráð: Hvað hjálpaði mest? Hvað getur nýst okkur til að horfa fram á veginn?

Þessi viðtöl eru einlæg, persónuleg og oft átakanlegar.

Saga Boggu á Olís á Akureyri var í senn erfið en falleg. Dugnaðarforkur sem er engri lík.

Óttinn við að deyja; að vera ungur og framsækinn atvinnurekandi með meiru, jafnvel smá vinnualki en lenda í veikindum sem umturna lífinu alveg: Saga Sindra í Tix er mjög skemmtileg saga en vonandi öðrum víti til varnaðar því Sindri var aðeins 43 ára þegar hann veiktist alvarlega og varð óvinnufær um tíma.

Helena Jónsdóttir sálfræðingur og eigandi Mental ráðgjafar deildi með okkur sinni lífssögu; ótrúlega spennandi en átakanleg í senn. 

Helena hefur valið að lifa öðruvísi lífi. En skilur annað fólk það?

Síðastliðið vor heyrðum við um krabbamein sem einfaldlega týndist hjá strætóbílstjóranum og mótorhjólakappanum Sigurvini Sæmundssyni.

Dr. Sigurbjörn Árni Arngrímsson, íþróttagarpur, sauðfjárbóndi og skólastjóri lýsti því fyrir okkur hvernig það er að lifa með krabbameini. Enda sífellt fleiri sem við heyrum af, sem þurfa að aðlaga sig slíku lífi.

Á mæðradaginn fengum við að heyra af áralangri neyslusögu konu sem með eiturlyfjafíkn og spilafíkn missti allt frá sér oftar en einu sinni og oftar en tvisvar en endaði þó með að mennta sig, starfar í góðu starfi sem bókari og lét meira að segja draum rætast og flutti til Danmerkur.

Jokka G. Birnudóttir sætti misnotkun af verstu gerð sem barn en miðlar nú af reynslu sinni til annarra þolenda. Því oft er best að tala við annað fólk sem hefur lent í sömu áföllum.

Anna Marta Ásgeirsdóttir sagði okkur frá gallstasa á meðgöngu sem fáir þekkja en getur haft alvarlegar afleiðingar. Eins og reyndist í hennar tilfelli.

Fyrr á árinu fengum við að innsýn í það hvernig upplifun það er að flýja stríð; Saga Yuliu Zhatkina segir frá ungri konu á framabraut í Úkraínu sem endaði óvænt á Blönduósi en fann síðan ástina í Reykjavík og stofnaði fyrirtæki á Íslandi.

Um jólin deildi Karitas Nína Viðarsdóttir flóttakona frá Grindavík með okkur dagbókarfærslunum sínum, sem ekki aðeins verða að teljast sögulega verðmætar heimilidir heldur gefa okkur innsýn í það hvernig það er fyrir fólk á Íslandi að þurfa að flýja heimilin sín vegna náttúruhamfara.