„Já, ég ætla að reyna að verða heims­meistari í Fortnite“

Vinsælasta leiðin til að spila Fortnite er Fortnite Battle Royale, þar sem 100 leikmenn  keppast um að hafa sigur af hólmi. Þorlákur hefur þar náð efsta mögulega styrkleikaflokk, sem heitir Unreal, en í honum eru aðeins um 0.5% spilara á heimsvísu. Margir af vinsælustu spilurum leiksins sem spila hann á streymisveitum fyrir fleiri þúsundir áhorfenda hafa ekki náð sama getustigi og Þorlákur.

Þorlákur byrjaði að spila tölvuleiki fjögurra ára og segist hafa spilað Lego leiki fyrst um sinn. Hann hóf æfingar í rafíþróttum fyrir 6 mánuðum og hefur augljósa hæfileika þegar kemur að Fortnite.

En hvað er planið hjá Þorláki með framtíðarferilinn?

Hvernig finnst þér að æfa rafíþróttir og ætlaru að halda áfram?

„Mér finnst gaman að æfa rafíþróttir og ætla að halda áfram að æfa!“

Er planið að verða atvinnumaður í rafíþróttum?

„Já, ég ætla að reyna verða heimsmeistari í Fortnite.“

Hvernig líður þér með að ná þessum áfanga, að ná Unreal rank í Fortnite?

„Mér líður bara vel. Ég held að ég sé yngsti í heiminum til að ná Unreal.“

Þorlákur æfir rafíþróttir hjá FH sem heldur út æfingum í sameiginlegri aðstöðu með Grunnskólanum NÚ að Reykjavíkurvegi 50 og býður uppá rafíþróttahópa með mismunandi áherslur fyrir iðkendur á aldrinum 8-16 ára.