„Ólíðandi og ámælisvert“ að vera sniðgengin Bjarki Sigurðsson skrifar 24. október 2022 21:43 Margrét Tryggvadóttir er fulltrúi Samfylkingarinnar í lista- og menningarráði Kópavogsbæjar. Vísir/Vilhelm Fulltrúar lista- og menningarráðs Kópavogsbæjar telja sig hafa verið sniðgengna í umræðu um umsókn bæjarins um að vera útnefnd ein af menningarborgum Evrópu árið 2028. Menningar- og viðskiptaráðuneytið lét engan vita af möguleikanum í tæpa átta mánuði. Á fundi lista- og menningarráðs Kópavogsbæjar í dag mældi ráðið með því að áfram yrði haldið með umsókn bæjarins um að verða ein af menningarborgum Evrópu árið 2028. Í umsögn ráðsins segir að mikilvægt sé að hafa hraðar hendur því verkefnið hafi borist til bæjarins með mjög skömmum fyrirvara. Umsóknarfresturinn rennur út þann 11. nóvember næstkomandi. Í samtali við fréttastofu segir Margrét Tryggvadóttir að þessar hröðu hendur hefðu getað verið mun hægari ef menningar- og viðskiptaráðuneytið hefði látið vita af möguleikanum á að sækja um þegar það var ljóst. Hún segir málið hafa borist til ráðuneytisins í byrjun árs en ekki ratað á borð Kópavogsbæjar fyrr en í ágúst, tæpum átta mánuðum síðar. Þegar málið var síðan komið til bæjaryfirvalda var þó ekkert haft samband við lista- og menningarráð bæjarins heldur farið beint til bæjarráðs. Vegna þess lagði hún fram bókun á fundi ráðsins þar sem hún sagði það vera ólíðandi og ámælisvert að ráðið hafi verið sniðgengið með öllu. Aðrir fulltrúar ráðsins tóku undir með Margréti. „Við fréttum af þessu í fjölmiðlum. Þetta er frekar nýtt ráð. Ég er eina sem var í ráðinu áður. Við erum nýbúin að samþykkja nýja menningarstefnum þar sem er ekkert um þetta talað. Þetta kemur inn og mér skilst að menningar- og viðskiptaráðuneytið hafi gleymt að láta vita að sveitarfélög á Íslandi mættu sækja um,“ segir Margrét í samtali við fréttastofu. Þrátt fyrir að meðlimir ráðsins hafi verið einróma sammála um að halda áfram með umsóknina sé það bagalegt að hafa ekki fengið tíma til að vinna hana og velta málinu fyrir sér. „Lista og menningarráð fer með menningarmál í bænum samkvæmt bæjarmálasamþykkt og samkvæmt okkar erindisbréfi. Það erum við sem samþykkjum menningarstefnu fyrir bæinn. Þetta er risaverkefni. Auðvitað þarf að gera þetta í samráði, við eigum ekki milljarð fyrir þetta. Það þarf samráð en það er mjög óeðlilegt að ræða ekki við ráðið,“ segir Margrét en í verkefnið þarf að púkka út rúmum milljarði króna. Alls verða þrjár borgir valdar menningarborgir Evrópu árið 2028. Ein þeirra verður í Tékklandi og stendur valið á milli Broumov og České Budějovice. Borg númer tvö verður í Frakklandi og stendur valið á milli Bastia-Corsica, reims, Rouen, Robubaix, Bourges, Clermont-Ferrand, Banlieue, Saint-Denis, Montpellier, Nice og Lens. Menning Kópavogur Mest lesið „Það braut ísinn að við hefðum deitað sama gaurinn“ Lífið „Ég var heppinn. En ekki hann“ Lífið „Það er önnur hver gella með í vörunum“ Lífið Karlmennskuhlaðvarpið heyrir sögunni til Lífið Fréttatía vikunnar: Körfubolti, laxaastmi og stýrivextir Lífið Ólafur Ragnar skellti sér á sæþotu eftir langan dag Lífið Gómsætar haustkökur að hætti Elenoru Lífið Simmi Vill og Sunneva Einars létu sig ekki vanta á Jókerinn Lífið Skrúfaði titrarann í sundur til að forða nágrönnum frá ónæði Lífið Áslaug Arna fór í meðferð til að vinna bug á köngulóafælni Lífið Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira
Á fundi lista- og menningarráðs Kópavogsbæjar í dag mældi ráðið með því að áfram yrði haldið með umsókn bæjarins um að verða ein af menningarborgum Evrópu árið 2028. Í umsögn ráðsins segir að mikilvægt sé að hafa hraðar hendur því verkefnið hafi borist til bæjarins með mjög skömmum fyrirvara. Umsóknarfresturinn rennur út þann 11. nóvember næstkomandi. Í samtali við fréttastofu segir Margrét Tryggvadóttir að þessar hröðu hendur hefðu getað verið mun hægari ef menningar- og viðskiptaráðuneytið hefði látið vita af möguleikanum á að sækja um þegar það var ljóst. Hún segir málið hafa borist til ráðuneytisins í byrjun árs en ekki ratað á borð Kópavogsbæjar fyrr en í ágúst, tæpum átta mánuðum síðar. Þegar málið var síðan komið til bæjaryfirvalda var þó ekkert haft samband við lista- og menningarráð bæjarins heldur farið beint til bæjarráðs. Vegna þess lagði hún fram bókun á fundi ráðsins þar sem hún sagði það vera ólíðandi og ámælisvert að ráðið hafi verið sniðgengið með öllu. Aðrir fulltrúar ráðsins tóku undir með Margréti. „Við fréttum af þessu í fjölmiðlum. Þetta er frekar nýtt ráð. Ég er eina sem var í ráðinu áður. Við erum nýbúin að samþykkja nýja menningarstefnum þar sem er ekkert um þetta talað. Þetta kemur inn og mér skilst að menningar- og viðskiptaráðuneytið hafi gleymt að láta vita að sveitarfélög á Íslandi mættu sækja um,“ segir Margrét í samtali við fréttastofu. Þrátt fyrir að meðlimir ráðsins hafi verið einróma sammála um að halda áfram með umsóknina sé það bagalegt að hafa ekki fengið tíma til að vinna hana og velta málinu fyrir sér. „Lista og menningarráð fer með menningarmál í bænum samkvæmt bæjarmálasamþykkt og samkvæmt okkar erindisbréfi. Það erum við sem samþykkjum menningarstefnu fyrir bæinn. Þetta er risaverkefni. Auðvitað þarf að gera þetta í samráði, við eigum ekki milljarð fyrir þetta. Það þarf samráð en það er mjög óeðlilegt að ræða ekki við ráðið,“ segir Margrét en í verkefnið þarf að púkka út rúmum milljarði króna. Alls verða þrjár borgir valdar menningarborgir Evrópu árið 2028. Ein þeirra verður í Tékklandi og stendur valið á milli Broumov og České Budějovice. Borg númer tvö verður í Frakklandi og stendur valið á milli Bastia-Corsica, reims, Rouen, Robubaix, Bourges, Clermont-Ferrand, Banlieue, Saint-Denis, Montpellier, Nice og Lens.
Menning Kópavogur Mest lesið „Það braut ísinn að við hefðum deitað sama gaurinn“ Lífið „Ég var heppinn. En ekki hann“ Lífið „Það er önnur hver gella með í vörunum“ Lífið Karlmennskuhlaðvarpið heyrir sögunni til Lífið Fréttatía vikunnar: Körfubolti, laxaastmi og stýrivextir Lífið Ólafur Ragnar skellti sér á sæþotu eftir langan dag Lífið Gómsætar haustkökur að hætti Elenoru Lífið Simmi Vill og Sunneva Einars létu sig ekki vanta á Jókerinn Lífið Skrúfaði titrarann í sundur til að forða nágrönnum frá ónæði Lífið Áslaug Arna fór í meðferð til að vinna bug á köngulóafælni Lífið Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira