Hún laut í lægra haldi fyrir Almari Guðmundssyni í prófkjörinu í byrjun mars, en afar mjótt var á munum. Raunar skildu aðeins 41 atkvæði þau að þegar talningu lauk, en Áslaug Hulda hafði haft nauma forystu þegar fyrstu tölur voru lesnar í Garðabæ.
Áslaug Hulda er afar reynslumikill stjórnmálamaður en hún tók fyrst sæti á framboðslista Sjálfstæðisflokksins árið 1994, þá aðeins átján ára gömul. Allar götur síðan hefur hún verið viðriðin flokksstarfið í Garðabæ.
Árið 2010 skipaði hún svo 1. sæti á framboðslista flokksins og hefur gert allar götur síðan. Hún hefur gegnt embætti forseta bæjarstjórnar og verið formaður bæjarráðs Garðabæjar undanfarin ár.
