Borgarráð hefur, eins og kunnugt er, falið fjármála- og áhættusviði borgarinnar að skoða kosti og galla mögulegrar sölu malbikunarstöðinni eins og kveðið var á um í samstarfssáttmála meirihlutans. Að sögn Pawels er þessi áfangi til marks um að stefnu Viðreisnar hafi verið fylgt eftir.
„Viðreisn hefur þá stefnu að hið opinbera ætti ekki að standa í samkeppnisrekstri. Þeirri stefnu höfum við fylgt í Reykjavík. Og munum fylgja henni áfram,“ skrifaði Pawel.
Það er ansi vel í lagt að hrósa sigri eftir svo lítið skref sem tók svo langan tíma. Jafnvel þótt niðurstaðan verði sú að selja malbikunarstöðina – og það er ekki öruggt – verður borgin, eftir sem áður, eigandi Sorpu og Ljósleiðarans, sem áður hét Gagnaveita Reykjavíkur. Þessi fyrirtæki eru einnig í harðri samkeppni við einkafyrirtæki og hafa hvort um sig margfalt viðameiri efnahagsreikning en malbikunarstöðin.
Með þessu áframhaldi munu borgarbúar þurfa að bíða ansi lengi eftir því að stefnu Viðreisnar um að hið opinbera eigi ekki að standa í samkeppnisrekstri verði fylgt eftir að fullu.
Klinkið er vettvangur Innherja þar sem dregin er upp mynd og veitt innsýn í bakherbergi viðskipta, stjórnmála og atvinnulífs á landinu.
