Sjöttu umferð lokið í CS:GO: Dusty situr eitt á toppnum Snorri Rafn Hallsson skrifar 21. nóvember 2021 17:01 Sjöttu umferð Vodafonedeildarinnar í CS:GO lauk í gær þegar Dusty hafði betur gegn Þór í toppslag deildarinnar. Ármann og XY eru komin á skrið. Leikir vikunnar Umferðin hófst á leik Ármann og Fylkis síðastliðið þriðjudagskvöld. Liðin mættust í Nuke og voru Ofvirkur og Hundzi fyrirferðarmiklir þegar Ármann náði 5-0 forskoti snemma í leiknum. Eftir leikhlé snerist allt við og Fylkir vann 7 lotur í röð eftir að K-Dot og Pat komust í gang og þurfti ás frá Vargi til að jafna metin í fyrri hálfleiki fyrir lið Ármanns. Fylkir stillti Ármanni upp við vegg í upphafi fyrri hálfleiks en enn og aftur hefur Fylkir ekki það sem til þarf til að loka leikjum og brást Ármann við með því að þétta raðir sínar og sýna engin óttamerki. Leikurinn fór því 16-14 fyrir Ármann sem nú hefur unnið þrjá leiki á tímabilinu. Síðari leikur þriðjudagskvöldsins var á milli XY og Vallea sem þá sátu í þriðja og fjórða sæti deildarinnar. XY stóð sig gríðarlega vel í upphafi leiks og komst í 8-1 en með því að hægja á leik sínum og opna lotur snemma tókst Vallea að vinna allar lotur það sem eftir var fyrri hálfleiks. Aftur var því um spennandi og hnífjafnan leik að ræða, en XY sigldi sigrinum heim með því að sýna rósemd og yfirvegun í aðgerðum sínum og munaði þar um nýliðann KiddaDisco sem var allt í öllu hjá XY. Úrslitin 16-9 fyrir XY sem hafði algjör tök á síðari hálfleik. Topp- og botnslagirnir fóru svo fram á föstudagskvöldið og mættust Saga og Kórdrengir í fyrri viðureign kvöldsins. Saga vann fyrstu þrjár loturnar en lenti svo í vandræðum þar sem Kórdrengir komust upp á lagið með að fella ADHD snemma og halda þannig aftur af hefðbundnu leikskipulagi Sögu. Saga sneri þó vörn í sókn og stigu DOM, brnr og Cris heldur betur upp og jöfnuðu leika í fyrri hálfleik. Fátt var um fína drætti hjá Kórdrengjum í síðari hálfleik og með sterkri liðsheild og dreifðu álagi tókst sögu að krækja í sinn annan sigur á tímabilinu, 16-10. Lokaleikur umferðarinnar var sá sem lengi hafði verið beðið eftir. Þá mættust Þór og Dusty í toppslagnum og þetta var engin barátta, heldur stríð. Dusty þurfti að verja stöðu sína sem besta lið landsins gegn fyrrum liðsfélögum sínum í Þór og átti StebbiC0c0 harma að hefna eftir að hafa misst sæti sitt í Dusty fyrir þetta tímabil. Dusty hafði svo að segja yfirhöndina en Þórsarar hleyptu þeim aldrei langt fram úr sér og voru iðnir við að jafna. Bæði lið áttu frábæra spretti og leikurinn algjör flugeldasýning fyrir CS:GO aðdáendur þar sem boðið var upp á ás, lotum var bjargað fyrir horn og menn féllu fyrir hnífum á síðustu stundu. Þegar upp var staðið hafði Dusty betur 16-13 og er því ósigrað í fyrstu sex umferðunum. Staðan Dusty situr því eitt í toppsætinu eftir sjöttu umferðina með tólf stig en Þórsarar koma þar fast á hælana á þeim með tíu. XY hélt þriðja sætinu en Ármann skaust upp í það fjórða og fram úr Vallea. Saga hefur nú híft sig upp frá botninum og er með fjögur stig, en eftir sitja Fylkir með tvö stig og Kórdrengir stigalausir á botninum. Viðureignir næstu umferðar eru sem hér segir: Fylkir - Saga, 23. nóv. kl. 20:30. Þór - Kórdrengir, 23. nóv. kl. 21:30. XY - Ármann, 26. nóv. kl. 20:30. Dusty - Vallea, 26. nóv. kl. 21:30. Sýnt verður frá leikjunum á Stöð 2 Esport og á Twitch síðu Rafíþróttasamtaka Íslands. Rafíþróttir Vodafone-deildin Mest lesið Var hetjan framan af en stóð uppi sem skúrkurinn Fótbolti Stjarnan í vondum málum eftir tap í Írlandi Fótbolti Stúkan: „Sama hvað hann gerir ekki gefa honum gult spjald“ Íslenski boltinn Arteta með vondar fréttir af meiðslum Ødegaards Enski boltinn Woj-fréttin hættir hjá ESPN og snýr sér að öðru Körfubolti Sett meira en 762 milljarða í að bæta ímynd sína Sport Dagskráin í dag: Meistaradeild Evrópu heldur áfram Sport Markalaust á Etihad Fótbolti Selfoss átti lítið í Íslandsmeistara Vals Handbolti Muna vel leikinn við Liverpool fyrir 60 árum Fótbolti Fleiri fréttir Frábær endasprettur hjá Veca gerði út af við Hött Óvenju mörg ný andlit í Rocket League Grimm barátta og sviptingar í Fortnite Samstilltir Þórsarar afgreiddu ryðgaða Böðla Klutz réði ekkert við GoldDiggers Dusty enn á toppnum eftir tvær umferðir Metþátttaka í kvennadeildinni í Valorant Bestu hakkavélarnar byrja mótið sem þjálfarar Þór byrjar Ljósleiðaradeildina með látum Spennan magnast í Fortnite-samfélaginu Tölvuleikir auðvelda krökkum að kynnast og upplifa sögur Stærðin og áhorfið eru leynivopn Counter Strike Fólk á öllum aldri keppir í Fortnite Einbeittur sigurvilji hjá nýliðunum í Ljósleiðaradeildinni Gríðarlegar sviptingar á undanmóti Íslandsmótsins í netskák Ljóngrimmir keppendur mætast á Íslandsmótinu í netskák Háhraðahressleiki og hugsjónaorka hjá Next Level Gaming Sjá meira
Leikir vikunnar Umferðin hófst á leik Ármann og Fylkis síðastliðið þriðjudagskvöld. Liðin mættust í Nuke og voru Ofvirkur og Hundzi fyrirferðarmiklir þegar Ármann náði 5-0 forskoti snemma í leiknum. Eftir leikhlé snerist allt við og Fylkir vann 7 lotur í röð eftir að K-Dot og Pat komust í gang og þurfti ás frá Vargi til að jafna metin í fyrri hálfleiki fyrir lið Ármanns. Fylkir stillti Ármanni upp við vegg í upphafi fyrri hálfleiks en enn og aftur hefur Fylkir ekki það sem til þarf til að loka leikjum og brást Ármann við með því að þétta raðir sínar og sýna engin óttamerki. Leikurinn fór því 16-14 fyrir Ármann sem nú hefur unnið þrjá leiki á tímabilinu. Síðari leikur þriðjudagskvöldsins var á milli XY og Vallea sem þá sátu í þriðja og fjórða sæti deildarinnar. XY stóð sig gríðarlega vel í upphafi leiks og komst í 8-1 en með því að hægja á leik sínum og opna lotur snemma tókst Vallea að vinna allar lotur það sem eftir var fyrri hálfleiks. Aftur var því um spennandi og hnífjafnan leik að ræða, en XY sigldi sigrinum heim með því að sýna rósemd og yfirvegun í aðgerðum sínum og munaði þar um nýliðann KiddaDisco sem var allt í öllu hjá XY. Úrslitin 16-9 fyrir XY sem hafði algjör tök á síðari hálfleik. Topp- og botnslagirnir fóru svo fram á föstudagskvöldið og mættust Saga og Kórdrengir í fyrri viðureign kvöldsins. Saga vann fyrstu þrjár loturnar en lenti svo í vandræðum þar sem Kórdrengir komust upp á lagið með að fella ADHD snemma og halda þannig aftur af hefðbundnu leikskipulagi Sögu. Saga sneri þó vörn í sókn og stigu DOM, brnr og Cris heldur betur upp og jöfnuðu leika í fyrri hálfleik. Fátt var um fína drætti hjá Kórdrengjum í síðari hálfleik og með sterkri liðsheild og dreifðu álagi tókst sögu að krækja í sinn annan sigur á tímabilinu, 16-10. Lokaleikur umferðarinnar var sá sem lengi hafði verið beðið eftir. Þá mættust Þór og Dusty í toppslagnum og þetta var engin barátta, heldur stríð. Dusty þurfti að verja stöðu sína sem besta lið landsins gegn fyrrum liðsfélögum sínum í Þór og átti StebbiC0c0 harma að hefna eftir að hafa misst sæti sitt í Dusty fyrir þetta tímabil. Dusty hafði svo að segja yfirhöndina en Þórsarar hleyptu þeim aldrei langt fram úr sér og voru iðnir við að jafna. Bæði lið áttu frábæra spretti og leikurinn algjör flugeldasýning fyrir CS:GO aðdáendur þar sem boðið var upp á ás, lotum var bjargað fyrir horn og menn féllu fyrir hnífum á síðustu stundu. Þegar upp var staðið hafði Dusty betur 16-13 og er því ósigrað í fyrstu sex umferðunum. Staðan Dusty situr því eitt í toppsætinu eftir sjöttu umferðina með tólf stig en Þórsarar koma þar fast á hælana á þeim með tíu. XY hélt þriðja sætinu en Ármann skaust upp í það fjórða og fram úr Vallea. Saga hefur nú híft sig upp frá botninum og er með fjögur stig, en eftir sitja Fylkir með tvö stig og Kórdrengir stigalausir á botninum. Viðureignir næstu umferðar eru sem hér segir: Fylkir - Saga, 23. nóv. kl. 20:30. Þór - Kórdrengir, 23. nóv. kl. 21:30. XY - Ármann, 26. nóv. kl. 20:30. Dusty - Vallea, 26. nóv. kl. 21:30. Sýnt verður frá leikjunum á Stöð 2 Esport og á Twitch síðu Rafíþróttasamtaka Íslands.
Rafíþróttir Vodafone-deildin Mest lesið Var hetjan framan af en stóð uppi sem skúrkurinn Fótbolti Stjarnan í vondum málum eftir tap í Írlandi Fótbolti Stúkan: „Sama hvað hann gerir ekki gefa honum gult spjald“ Íslenski boltinn Arteta með vondar fréttir af meiðslum Ødegaards Enski boltinn Woj-fréttin hættir hjá ESPN og snýr sér að öðru Körfubolti Sett meira en 762 milljarða í að bæta ímynd sína Sport Dagskráin í dag: Meistaradeild Evrópu heldur áfram Sport Markalaust á Etihad Fótbolti Selfoss átti lítið í Íslandsmeistara Vals Handbolti Muna vel leikinn við Liverpool fyrir 60 árum Fótbolti Fleiri fréttir Frábær endasprettur hjá Veca gerði út af við Hött Óvenju mörg ný andlit í Rocket League Grimm barátta og sviptingar í Fortnite Samstilltir Þórsarar afgreiddu ryðgaða Böðla Klutz réði ekkert við GoldDiggers Dusty enn á toppnum eftir tvær umferðir Metþátttaka í kvennadeildinni í Valorant Bestu hakkavélarnar byrja mótið sem þjálfarar Þór byrjar Ljósleiðaradeildina með látum Spennan magnast í Fortnite-samfélaginu Tölvuleikir auðvelda krökkum að kynnast og upplifa sögur Stærðin og áhorfið eru leynivopn Counter Strike Fólk á öllum aldri keppir í Fortnite Einbeittur sigurvilji hjá nýliðunum í Ljósleiðaradeildinni Gríðarlegar sviptingar á undanmóti Íslandsmótsins í netskák Ljóngrimmir keppendur mætast á Íslandsmótinu í netskák Háhraðahressleiki og hugsjónaorka hjá Next Level Gaming Sjá meira