Fyrsta blikið: „Nei, ég bý ekki með pabba þínum“

Ása Ninna Pétursdóttir skrifar 30. ágúst 2021 14:44

Gleðisprengjan Sigga Hrönn stal senunni í fyrsta þætti stefnumótaþáttarins Fyrsta blikið á Stöð 2. Skjáskot

Fyrsti þáttur stefnumótaþáttarins Fyrsta bliksins var sýndur síðastliðinn föstudag á Stöð 2. Í þættinum eru kynntir til leiks fjórir einstaklingar sem eru svo paraðir saman á blind stefnumót.

Sigríður Hrönn Gunnarsdóttir, eða Sigga Hrönn eins og hún er oftast kölluð, stal senunni með vægast sagt hressandi ísbrjóti í fyrsta þættinum.

Sigga Hrönn var pöruð við málarameistarann Ágúst Þór Guðmundsson sem oftast er kallaður Gústi.

Eins og flestir tengja við getur verið stressandi að hitta bláókunnuga manneskju í fyrsta skipti á stefnumóti og stundum flókið að byrja samræðurnar.

Hér byrjar stefnumótið á almennum, kurteisislegum spurningum um búsetu sem taka óvænta beygju.

Klippa: FYRSTA BLIKIÐ - 1. þáttur. 1. Hvar býrðu?

Þó svo að ekki hafi kviknað á rómantískum blossum þetta kvöld voru þau bæði ánægð með reynsluna sem og félagsskapinn.

Hrós eru yfirleitt kærkomin, hvernig sem aðstæður eru, og þá sérstaklega í svo óvenjulegum aðstæðum eins og þessum.

Sigga Hrönn og Gústi geisluðu bæði af einlægni eins og sjá má hér fyrir neðan.

Klippa: FYRSTA BLIKIÐ - 1. þáttur Þú stendur þig mjög vel

Samkvæmt nýjustu upplýsingum eru bæði Sigga Hrönn og Gústi einhleyp og í leit að ástinni og auðvitað rétta dansfélaganum.

Fyrsta blikið eru stefnumóta- og raunveruleikaþættir sem sýndir eru á Stöð 2.

Í hverjum þættir eru kynntir til leiks fjórir einstaklingar sem áhorfendur fá að kynnast í gegnum sófaspjall sem og spjall við aðstandendur. Sýnt er frá spennunni fyrir stefnumótið og auðvitað stefnumótinu sjálfu sem gerist á veitingastaðnum Monkeys í miðbæ Reykjavíkur.

Þættirnir eru sjö talsins og eru á dagskrá Stöðvar 2 á föstudagskvöldum klukkan 18:55 og koma í kjölfarið á Stöð 2+. Hægt er að kaupa áskrift að Stöð 2+ hér.

Fyrsta blikið Ástin og lífið Bíó og sjónvarp