Mark Ruffalo aftur á bak stimplar sig inn af krafti Óttar Kolbeinsson Proppé skrifar 30. maí 2021 20:48 Frá vinstri: Birgitta Björg Guðmarsdóttir, Eydís Egilsdóttir Kvaran, Guðný Margrét Eyjólfsdóttir, Iðunn Gígja Kristjánsdóttir og Sævar Andri Sigurðarson. facebook/músíktilraunir Hljómsveitin Ólafur Kram, sem sigraði Músíktilraunir í gær, leggur mikið upp úr textagerð og hefur gjarnan þann háttinn á lagasmíðinni að semja textann fyrst og síðan hljóðheim í kring um hann. Tveir meðlimir hljómsveitarinnar voru enn að ná sér niður úr sigurvímunni þegar Vísir náði tali af þeim í dag. Músíktilraunir hafa lengi verið stökkpallur fyrir upprennandi tónlistarfólk á Íslandi og hafa margar af þekktustu hljómsveitum landsins hafið göngu sína með sigri í keppninni. Þar má nefna hljómsveitir á borð við Of Monsters and Men, Botnleðju, Maus, Mínus, XXX Rottweiler hunda og hver veit nema nýjasta sigurvegarans Ólafs Kram verði innan nokkurra ára minnst sem eins þeirra bestu. Nafn hljómsveitarinnar greip strax áhuga blaðamannsins sem fékk útskýringu á því frá Iðunni Gígju Kristjánsdóttur, sem spilar á hljómborð og syngur fyrir hljómsveitina: „Þetta kom frá henni Birgittu Björg, sem spilar á trompet en hún fattaði það einn daginn að nafn leikarans Mark Ruffalo er Ólafur Kram aftur á bak.“ Hver elskar ekki Mark Ruffalo?getty/Steve Granitz Þegar svo merkilegar uppgötvanir eru gerðar verður að nýta þær sem best og var ákveðið að hér væri komið tilvalið nafn á íslenska hljómsveit. Meðlimir Ólafs Kram segjast þó ekki sérstakir aðdáendur Mark Ruffalo en eiga honum auðvitað öfugt nafnið að launa. Lærði á bassa fyrir hljómsveitina Hópurinn er tiltölulega ungur og samanstendur af þeim Birgittu Björg Guðmarsdóttur, sem spilar á trompet, Eydísi Egilsdóttur Kvaran rafmagnsgítarleikara, Guðnýju Margréti Eyjólfsdóttur rafmagnsbassaleikara, Iðunni Gígju Kristjánsdóttur hljómborðsleikara og Sævari Andra Sigurðarsyni trommuleikara. Auk hljóðfæraleiksins sjá stelpurnar allar um sönginn. Öll hafa þau stundað tónlistarnám að einhverju leyti þó Eydís hafi raunar lært á fiðlu en spili á annað strengjahljóðfæri fyrir hljómsveitina. Guðný Margrét lærði þá á harmóniku á barnsaldri en tók ákvörðun um að læra sérstaklega á rafmagnsbassa til að geta spilað í hljómsveitinni. Bandið tók til starfa vorið 2019 og hefur þegar gefið út tvö lög. Eydís segir að sex laga plata sé væntanleg á næstu vikum og þar megi finna hin útgefnu lög ómægad ég elska þig og Fjárhagslegt öryggi í nýjum búningi. „Þau eru búin að fá að þroskast og dafna síðan þau komu út,“ segir hún. Lögin samin í kring um texta Þegar Vísir ræddi við Eydísi og Iðunni í dag voru þær enn að átta sig á sigri gærkvöldsins. „Þetta er eiginlega alveg klikkað. Ég vaknaði í dag og hugsaði bara jæja hvað á maður nú að gera,“ sagði Iðunn og Eydís tók undir: „Þetta var svo mikil keyrsla í gær. Ég vaknaði og horfði á Da Vinci Code og er enn að reyna að melta þetta allt og átta mig á þessu.“ Hljómsveitin vann ekki aðeins aðalverðlaun Músíktilrauna í gær heldur var hún einnig verðlaunuð fyrir bestu textagerðina. Leggiði mikið upp úr textasmíði? „Já, algjörlega. Við yfirleitt byrjum á textanum og vinnum svo lögin út frá honum,“ segir Iðunn. „Meira að segja ef það er einhver smá hljómagangur á undan textanum þá er samt alltaf einhver hugmynd um hvað textinn á að snúast. Þetta er voðalega samtvinnað hjá okkur,“ bætir Eydís við. Hér má sjá keppni gærkvöldsins í heild sinni. Atriði Ólafs Kram hefst á mínútu 11:40. Ólafi líkt við Grýlurnar og Risaeðluna Sjálfar eiga þær erfitt með að setja tónlist Ólafs Kram undir hatt einhverrar einnar tónlistarstefnu. „Okkur hefur verið líkt við Grýlurnar og Risaeðluna og fleiri en við erum ekki bara í pönkinu… við getum verið dísætar inn á milli,“ segir Iðunn. „Já, hvert lag er með sitt konsept og síðan er samið í kring um það. Síðan myndar þetta allt saman stærri heild sem fellur kannski undir einhverja tónlistarstefnu eða er bara dálítið bland af öllu,“ segir Eydís. Og það er vonandi bjart fram undan hjá Ólafi. Sumarið er komið og gert er ráð fyrir að öllum takmörkunum á samkomum verði aflétt eftir mánuð. Samhliða útgáfu nýrrar plötu gæti Ólafur Kram því vel hugsað sér kröftugt tónleikahald en hljómsveitin hefur þegar verið bókuð á nokkra viðburði og kemur fram á tónlistarhátíðinni Hátíðni sem fer fram á Borðeyri í sumar. Músíktilraunir Mest lesið Sigmundur og hvolpurinn gleðjast yfir fylgi Miðflokksins Lífið „Það braut ísinn að við hefðum deitað sama gaurinn“ Lífið „Ég var heppinn. En ekki hann“ Lífið „Það er önnur hver gella með í vörunum“ Lífið Ólafur Ragnar skellti sér á sæþotu eftir langan dag Lífið Karlmennskuhlaðvarpið heyrir sögunni til Lífið Fréttatía vikunnar: Körfubolti, laxaastmi og stýrivextir Lífið Skrúfaði titrarann í sundur til að forða nágrönnum frá ónæði Lífið Gómsætar haustkökur að hætti Elenoru Lífið Super Happy Forever hlaut Gullna lundann Bíó og sjónvarp Fleiri fréttir Space Odyssey opnar á nýjum stað Dr. Gunni spyr hvort það sé ekki bara búið að vera gaman Afhjúpað á hvaða dögum böndin spila á Airwaves Reyna að eyða minningum um hvort annað í sturluðum dansi Frumsýning á Vísi: Rokkað á miðju gólfi komin sjö mánuði á leið „Þetta er sem betur fer ekki upp á líf og dauða“ Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Sjá meira
Músíktilraunir hafa lengi verið stökkpallur fyrir upprennandi tónlistarfólk á Íslandi og hafa margar af þekktustu hljómsveitum landsins hafið göngu sína með sigri í keppninni. Þar má nefna hljómsveitir á borð við Of Monsters and Men, Botnleðju, Maus, Mínus, XXX Rottweiler hunda og hver veit nema nýjasta sigurvegarans Ólafs Kram verði innan nokkurra ára minnst sem eins þeirra bestu. Nafn hljómsveitarinnar greip strax áhuga blaðamannsins sem fékk útskýringu á því frá Iðunni Gígju Kristjánsdóttur, sem spilar á hljómborð og syngur fyrir hljómsveitina: „Þetta kom frá henni Birgittu Björg, sem spilar á trompet en hún fattaði það einn daginn að nafn leikarans Mark Ruffalo er Ólafur Kram aftur á bak.“ Hver elskar ekki Mark Ruffalo?getty/Steve Granitz Þegar svo merkilegar uppgötvanir eru gerðar verður að nýta þær sem best og var ákveðið að hér væri komið tilvalið nafn á íslenska hljómsveit. Meðlimir Ólafs Kram segjast þó ekki sérstakir aðdáendur Mark Ruffalo en eiga honum auðvitað öfugt nafnið að launa. Lærði á bassa fyrir hljómsveitina Hópurinn er tiltölulega ungur og samanstendur af þeim Birgittu Björg Guðmarsdóttur, sem spilar á trompet, Eydísi Egilsdóttur Kvaran rafmagnsgítarleikara, Guðnýju Margréti Eyjólfsdóttur rafmagnsbassaleikara, Iðunni Gígju Kristjánsdóttur hljómborðsleikara og Sævari Andra Sigurðarsyni trommuleikara. Auk hljóðfæraleiksins sjá stelpurnar allar um sönginn. Öll hafa þau stundað tónlistarnám að einhverju leyti þó Eydís hafi raunar lært á fiðlu en spili á annað strengjahljóðfæri fyrir hljómsveitina. Guðný Margrét lærði þá á harmóniku á barnsaldri en tók ákvörðun um að læra sérstaklega á rafmagnsbassa til að geta spilað í hljómsveitinni. Bandið tók til starfa vorið 2019 og hefur þegar gefið út tvö lög. Eydís segir að sex laga plata sé væntanleg á næstu vikum og þar megi finna hin útgefnu lög ómægad ég elska þig og Fjárhagslegt öryggi í nýjum búningi. „Þau eru búin að fá að þroskast og dafna síðan þau komu út,“ segir hún. Lögin samin í kring um texta Þegar Vísir ræddi við Eydísi og Iðunni í dag voru þær enn að átta sig á sigri gærkvöldsins. „Þetta er eiginlega alveg klikkað. Ég vaknaði í dag og hugsaði bara jæja hvað á maður nú að gera,“ sagði Iðunn og Eydís tók undir: „Þetta var svo mikil keyrsla í gær. Ég vaknaði og horfði á Da Vinci Code og er enn að reyna að melta þetta allt og átta mig á þessu.“ Hljómsveitin vann ekki aðeins aðalverðlaun Músíktilrauna í gær heldur var hún einnig verðlaunuð fyrir bestu textagerðina. Leggiði mikið upp úr textasmíði? „Já, algjörlega. Við yfirleitt byrjum á textanum og vinnum svo lögin út frá honum,“ segir Iðunn. „Meira að segja ef það er einhver smá hljómagangur á undan textanum þá er samt alltaf einhver hugmynd um hvað textinn á að snúast. Þetta er voðalega samtvinnað hjá okkur,“ bætir Eydís við. Hér má sjá keppni gærkvöldsins í heild sinni. Atriði Ólafs Kram hefst á mínútu 11:40. Ólafi líkt við Grýlurnar og Risaeðluna Sjálfar eiga þær erfitt með að setja tónlist Ólafs Kram undir hatt einhverrar einnar tónlistarstefnu. „Okkur hefur verið líkt við Grýlurnar og Risaeðluna og fleiri en við erum ekki bara í pönkinu… við getum verið dísætar inn á milli,“ segir Iðunn. „Já, hvert lag er með sitt konsept og síðan er samið í kring um það. Síðan myndar þetta allt saman stærri heild sem fellur kannski undir einhverja tónlistarstefnu eða er bara dálítið bland af öllu,“ segir Eydís. Og það er vonandi bjart fram undan hjá Ólafi. Sumarið er komið og gert er ráð fyrir að öllum takmörkunum á samkomum verði aflétt eftir mánuð. Samhliða útgáfu nýrrar plötu gæti Ólafur Kram því vel hugsað sér kröftugt tónleikahald en hljómsveitin hefur þegar verið bókuð á nokkra viðburði og kemur fram á tónlistarhátíðinni Hátíðni sem fer fram á Borðeyri í sumar.
Músíktilraunir Mest lesið Sigmundur og hvolpurinn gleðjast yfir fylgi Miðflokksins Lífið „Það braut ísinn að við hefðum deitað sama gaurinn“ Lífið „Ég var heppinn. En ekki hann“ Lífið „Það er önnur hver gella með í vörunum“ Lífið Ólafur Ragnar skellti sér á sæþotu eftir langan dag Lífið Karlmennskuhlaðvarpið heyrir sögunni til Lífið Fréttatía vikunnar: Körfubolti, laxaastmi og stýrivextir Lífið Skrúfaði titrarann í sundur til að forða nágrönnum frá ónæði Lífið Gómsætar haustkökur að hætti Elenoru Lífið Super Happy Forever hlaut Gullna lundann Bíó og sjónvarp Fleiri fréttir Space Odyssey opnar á nýjum stað Dr. Gunni spyr hvort það sé ekki bara búið að vera gaman Afhjúpað á hvaða dögum böndin spila á Airwaves Reyna að eyða minningum um hvort annað í sturluðum dansi Frumsýning á Vísi: Rokkað á miðju gólfi komin sjö mánuði á leið „Þetta er sem betur fer ekki upp á líf og dauða“ Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Sjá meira