„Skurðlæknirinn“ Logi mun áfram skera upp andstæðingana Sindri Sverrisson skrifar 11. maí 2021 12:00 Logi Gunnarsson leit á leikinn við ÍR sem einn þann mikilvægasta í sögu Njarðvíkur. Með sigri tókst liðinu að hafa örlögin í eigin höndum í lokaumferðinni í gær. vísir/bára „Þetta verður 25. tímabilið mitt í röð í meistaraflokki og það er mikið afrek fyrir íþróttamann. Ég hef lagt mikið á mig til þess,“ segir körfuboltagoðsögnin Logi Gunnarsson sem mun spila 40 ára að aldri í Dominos-deildinni á næstu leiktíð. Það mátti ekki miklu muna að Logi þyrfti að taka ákvörðun um það hvort hann myndi leggja skóna á hilluna eða spila í 1. deild með Njarðvík. Logi og félagar enduðu hins vegar leiktíðina á því að vinna þrjá leiki í röð og bjarga sér frá falli, og segja má að þeir hafi verið aðeins einni körfu frá því að komast í úrslitakeppnina. Þangað stefnir Logi hins vegar nú á næstu leiktíð, staðráðinn í að leggja sitt að mörkum í að koma Njarðvík í átt að fyrri sess sem besta lið landsins. „Ég var búinn að ákveða það fyrir svolitlu síðan að ef ég hefði möguleika á að spila í efstu deild eftir fertugt þá væri það frábært. Það hefur verið smááskorun fyrir mig að halda mér í standi til þess og ég held að ég hafi enn mikið fram að færa í efstu deild, svo ég er ánægður með að taka alla vega eitt ár í viðbót,“ segir Logi sem skoraði að meðaltali 11,5 stig í leik í vetur. Þegar hann hættir þá hverfa svo miklir hæfileikar Logi var landsliðsmaður í 18 ár og lék lengi í atvinnumennsku í Þýskalandi, Finnlandi, Spáni, Frakklandi og Svíþjóð. Hann vill nýta hæfileika sína til hins ítrasta áður en nýr kafli ævinnar tekur við: „Þegar ég hætti er ég búinn og fer aldrei aftur í þetta, og allt sem ég hef lagt á mig hættir að nýtast. Ég hef lagt svo mikla vinnu í þetta alla mína ævi; mekanismann í skotinu, allar hreyfingarnar og driplið, og mér finnst synd að hætta áður en ég er tilbúinn til þess. Þetta er eins og skurðlæknir sem hættir að vinna. Þegar hann hættir þá eru svo miklir hæfileikar horfnir og nýtast aldrei aftur. Á meðan að ég veit að ég hjálpa liðinu mínu þá vil ég halda áfram. Ég átti marga stóra leiki í vetur; sigurkörfur og 20-30 stiga leiki. Stigaskorið mitt var það besta í þrjú ár og á meðan svo er þá vil ég nýta hvern einasta svitadropa í að halda áfram. Ég á ekki að hætta fyrir neinn annan en mig,“ segir Logi en bætir þó við að líklega verði næsta tímabil hans síðasta. Hefði verið rosalegt sjokk fyrir samfélagið Logi dregur ekkert úr því hve miklar afleiðingar það hefði haft ef Njarðvík hefði ekki unnið leikina við Þór Akureyri, ÍR og Þór Þorlákshöfn nú í lok leiktíðar. Fyrir þessa leiki var liðið á botni deildarinnar og öruggt að það þyrfti að vinna að minnsta kosti tvo leikjanna. Logi Gunnarsson skoraði 11,5 stig að meðaltali í leik í vetur.VÍSIR/VILHELM „Það hefði verið rosalegt sjokk fyrir samfélagið í Njarðvík að falla eftir að hafa verið í fremstu röð í öll þessi ár og unnið alla þessa titla. Þetta hefði getað haft áhrif niður í yngri flokka, áhuginn þar og í bæjarfélaginu dvínað. Þess vegna held ég að þetta hafi verið mikilvægustu leikir í sögu félagsins. Það hefði verið mjög erfitt fyrir mig persónulega að kyngja því að hafa fallið. Hefði ég þá aldrei spilað í úrvalsdeild aftur? Hefði ég þurft að spila í 1. deildinni og hætta svo? Ég lét mig ekki hugsa um þessa hluti og ætlaði bara með Njarðvík í úrslitakeppnina,“ segir Logi. Margar nætur þar sem maður svaf ekki eins og maður vildi „Það eru þess vegna blendnar tilfinningar hjá manni. Ég er svo mikill keppnismaður að ég fór inn í síðasta dag tímabilsins gíraður í það að fara að mæta svo einhverju liði á laugardaginn í 8-liða úrslitum. Mér fannst ákveðinn meðbyr með okkur – við gætum unnið þriðja leikinn í röð og ef að það tækist gegn næstbesta liði landsins þá værum við tilbúnir í hvað sem er. Ég sá því ekkert annað en 8-liða úrslitin og er ekkert voðalega sáttur. Ég veit að það voru margir hræddir um að við myndum falla en ég get ekki verið jákvæður eftir að hafa ekki komist í úrslitakeppnina,“ segir Logi. Njarðvík endaði jöfn Tindastóli að stigum í 8.-9. sæti en Tindastóll vann innbyrðis leiki liðanna samtals með tveggja stiga mun. Á meðan að margir í Njarðvík anda eflaust léttar yfir því að liðið skyldi ekki falla er Logi frekar svekktur yfir því að hafa ekki skorað einni körfu meira gegn Tindastóli. Logi Gunnarsson hefur enn mikið fram að færa fyrir Njarðvík og verður með liðinu á næstu leiktíð.vísir/hulda „Auðvitað er þetta samt mikill léttir miðað við það þegar við vorum í neðsta sæti fyrir tíu dögum. Þá var staðan þannig að við þyrftum mögulega að vinna alla þrjá leikina sem við áttum eftir. Það var óvenjulegur fiðringur í maganum þegar við vorum á leið í Seljaskóla (í leikinn við ÍR). Ég hugsaði með mér að þetta væri stærsti leikurinn í sögu félagsins – í þessum hluta sögunnar – öðruvísi en allir Íslandsmeistaratitlarnir sem við höfum unnið og slíkt. Óróleikinn var mikill því maður hugsaði með sér að ef við myndum falla þá tæki við heilt ár, og jafnvel mörg ár, sem færu í súginn bara í 1. deildinni. Töp í þessum síðustu leikjum hefðu haft svo mikil áhrif á félagið og það voru ekki margar nætur þar sem maður svaf eins og maður vildi,“ segir Logi en vill ekki draga dökka mynd af leiktíðinni hjá Njarðvík: „Það er svo stutt á milli í þessu. Við áttum tíu leiki þar sem við töpuðum með fimm stiga mun eða minna. Tímabilið var ekkert hræðilegt. Ef við hefðum unnið 2-3 leiki í viðbót hefðum við náð 4. sæti. Þetta sýnir bara hvert körfuboltinn er kominn hér á Íslandi, þar sem enginn sigur er öruggur.“ Ekki eins slæmt og þetta leit út fyrir Logi er ekki endilega á því að Njarðvíkingar þurfi að fara í mikla naflaskoðun eftir þessa leiktíð, þó að vissulega þurfi að fara vel yfir málin: „Ef ég á að vera alveg raunsær þá finnst mér þetta ekki eins slæmt og þetta leit kannski út fyrir. Tindastóli var spáð titlinum en rétt slefaði í úrslitakeppni. Þetta var bara öðruvísi ár. Samblanda af útlendingum skipti rosalega miklu máli í vetur. Okkar strákar voru samt mjög flottir á tímabili. Ég tel að íslensku leikmennirnir í okkar liði séu ekkert verri en hjá öðrum liðum. Samblandan af útlendingunum var kannski ekki alveg rétt, eins og gerist stundum, og ef maður horfir yfir lækinn til Keflavíkur þá eru þeir með frábæra, erlenda leikmenn. Þá er ég alls ekki að meina að okkar menn hafi verið eitthvað lélegir en það skiptir máli hvernig liðið blandast saman. Við töpuðum mörgum jöfnum leikjum og ég tel stöðuna ekki mikið áhyggjuefni,“ segir Logi og bendir á að byggt sé upp til framtíðar í Njarðvík: „Árið 2019 vorum við með flesta fulltrúa í yngri landsliðum Íslands, yfir 20 leikmenn, svo að við höldum áfram að framleiða leikmenn í hæsta gæðaflokki. Ég hef engar áhyggjur af öðru.“ Dominos-deild karla UMF Njarðvík Mest lesið Kostulegt viðtal bræðranna eftir sigurinn Íslenski boltinn Ósáttur Ólafur á förum Íslenski boltinn Kidd kominn í eigendahóp Everton Enski boltinn „Ég er bara svo fúll út í okkur sjálfa“ Körfubolti „Beindu þeim inn á miðju og átu þær þar“ Íslenski boltinn „Menn voru að spila af gleði og þá gerast góðir hlutir“ Íslenski boltinn „Magnús Öder hefði fengið þrjú rauð fyrir sömu brot“ Handbolti Uppgjörið: Afturelding - Víkingur 1-0 | Fyrsti sigur Mosfellinga kominn í hús Íslenski boltinn „Bara eitthvað úrslitakeppnisrugl“ Körfubolti Uppgjörið: Grindavík - Stjarnan 99-100 | Ótrúlegur endir kostaði Grindvíkinga sigurinn Körfubolti Fleiri fréttir „Ég er bara svo fúll út í okkur sjálfa“ „Bara eitthvað úrslitakeppnisrugl“ Uppgjörið: Grindavík - Stjarnan 99-100 | Ótrúlegur endir kostaði Grindvíkinga sigurinn „Mjög auðveld aðlögun fyrir mig“ Ítölsk stelpa ferðaðist 1.800 kílómetra til að sjá Jón Axel „Gott að sjá honum blæða á vellinum“ „Erfitt að spila á móti liði sem fær þrjár villur í seinni“ Hvergerðingar í úrslit umspilsins „Þjöppuðum okkur saman og kláruðum þetta“ Jón Axel og félagar upp í spænsku úrvalsdeildina Uppgjörið: Keflavík - Njarðvík 73-76 | Njarðvíkur-sigur í spennutrylli Tryggvi Evrópumeistari með Bilbao Basket Fyrrum nýliði ársins í NBA reynir fyrir sér í hnefaleikum „Þessar stelpur kalla ekki allt ömmu sína“ „Vonandi nær maður að grípa í einn svona bikar“ Hörður undir feldinn Luka öflugur og Lakers jafnaði einvígið Sektaður um sex milljónir fyrir að tala um getnaðarlim sinn „Við töpum boltanum í annarri hverri sókn“ Uppgjörið: Valur - Haukar 80-82 | Köstuðu sigrinum frá sér og klikkuðu á vítunum „LeBron þarf að fara í P. J. Washington hlutverkið“ Stólarnir afar öflugir þegar glittir í lokaúrslitin Einhentur en ætlar í nýliðaval NBA Nico Harrison: Áttaði mig ekki á hversu sterk ást þeirra á Luka var Falko áfram í Breiðholtinu Enduðu fimmtán leikja taphrinu í úrslitakeppni NBA „Bara einn leikur og áfram með smjörið“ KR sópaði Hamar/Þór og leikur í Bónus deildinni á næstu leiktíð „Stemmningin í húsinu hjálpar“ Uppgjörið: Stjarnan - Grindavík 108-100 | Stjarnan skrefinu á undan Sjá meira
Það mátti ekki miklu muna að Logi þyrfti að taka ákvörðun um það hvort hann myndi leggja skóna á hilluna eða spila í 1. deild með Njarðvík. Logi og félagar enduðu hins vegar leiktíðina á því að vinna þrjá leiki í röð og bjarga sér frá falli, og segja má að þeir hafi verið aðeins einni körfu frá því að komast í úrslitakeppnina. Þangað stefnir Logi hins vegar nú á næstu leiktíð, staðráðinn í að leggja sitt að mörkum í að koma Njarðvík í átt að fyrri sess sem besta lið landsins. „Ég var búinn að ákveða það fyrir svolitlu síðan að ef ég hefði möguleika á að spila í efstu deild eftir fertugt þá væri það frábært. Það hefur verið smááskorun fyrir mig að halda mér í standi til þess og ég held að ég hafi enn mikið fram að færa í efstu deild, svo ég er ánægður með að taka alla vega eitt ár í viðbót,“ segir Logi sem skoraði að meðaltali 11,5 stig í leik í vetur. Þegar hann hættir þá hverfa svo miklir hæfileikar Logi var landsliðsmaður í 18 ár og lék lengi í atvinnumennsku í Þýskalandi, Finnlandi, Spáni, Frakklandi og Svíþjóð. Hann vill nýta hæfileika sína til hins ítrasta áður en nýr kafli ævinnar tekur við: „Þegar ég hætti er ég búinn og fer aldrei aftur í þetta, og allt sem ég hef lagt á mig hættir að nýtast. Ég hef lagt svo mikla vinnu í þetta alla mína ævi; mekanismann í skotinu, allar hreyfingarnar og driplið, og mér finnst synd að hætta áður en ég er tilbúinn til þess. Þetta er eins og skurðlæknir sem hættir að vinna. Þegar hann hættir þá eru svo miklir hæfileikar horfnir og nýtast aldrei aftur. Á meðan að ég veit að ég hjálpa liðinu mínu þá vil ég halda áfram. Ég átti marga stóra leiki í vetur; sigurkörfur og 20-30 stiga leiki. Stigaskorið mitt var það besta í þrjú ár og á meðan svo er þá vil ég nýta hvern einasta svitadropa í að halda áfram. Ég á ekki að hætta fyrir neinn annan en mig,“ segir Logi en bætir þó við að líklega verði næsta tímabil hans síðasta. Hefði verið rosalegt sjokk fyrir samfélagið Logi dregur ekkert úr því hve miklar afleiðingar það hefði haft ef Njarðvík hefði ekki unnið leikina við Þór Akureyri, ÍR og Þór Þorlákshöfn nú í lok leiktíðar. Fyrir þessa leiki var liðið á botni deildarinnar og öruggt að það þyrfti að vinna að minnsta kosti tvo leikjanna. Logi Gunnarsson skoraði 11,5 stig að meðaltali í leik í vetur.VÍSIR/VILHELM „Það hefði verið rosalegt sjokk fyrir samfélagið í Njarðvík að falla eftir að hafa verið í fremstu röð í öll þessi ár og unnið alla þessa titla. Þetta hefði getað haft áhrif niður í yngri flokka, áhuginn þar og í bæjarfélaginu dvínað. Þess vegna held ég að þetta hafi verið mikilvægustu leikir í sögu félagsins. Það hefði verið mjög erfitt fyrir mig persónulega að kyngja því að hafa fallið. Hefði ég þá aldrei spilað í úrvalsdeild aftur? Hefði ég þurft að spila í 1. deildinni og hætta svo? Ég lét mig ekki hugsa um þessa hluti og ætlaði bara með Njarðvík í úrslitakeppnina,“ segir Logi. Margar nætur þar sem maður svaf ekki eins og maður vildi „Það eru þess vegna blendnar tilfinningar hjá manni. Ég er svo mikill keppnismaður að ég fór inn í síðasta dag tímabilsins gíraður í það að fara að mæta svo einhverju liði á laugardaginn í 8-liða úrslitum. Mér fannst ákveðinn meðbyr með okkur – við gætum unnið þriðja leikinn í röð og ef að það tækist gegn næstbesta liði landsins þá værum við tilbúnir í hvað sem er. Ég sá því ekkert annað en 8-liða úrslitin og er ekkert voðalega sáttur. Ég veit að það voru margir hræddir um að við myndum falla en ég get ekki verið jákvæður eftir að hafa ekki komist í úrslitakeppnina,“ segir Logi. Njarðvík endaði jöfn Tindastóli að stigum í 8.-9. sæti en Tindastóll vann innbyrðis leiki liðanna samtals með tveggja stiga mun. Á meðan að margir í Njarðvík anda eflaust léttar yfir því að liðið skyldi ekki falla er Logi frekar svekktur yfir því að hafa ekki skorað einni körfu meira gegn Tindastóli. Logi Gunnarsson hefur enn mikið fram að færa fyrir Njarðvík og verður með liðinu á næstu leiktíð.vísir/hulda „Auðvitað er þetta samt mikill léttir miðað við það þegar við vorum í neðsta sæti fyrir tíu dögum. Þá var staðan þannig að við þyrftum mögulega að vinna alla þrjá leikina sem við áttum eftir. Það var óvenjulegur fiðringur í maganum þegar við vorum á leið í Seljaskóla (í leikinn við ÍR). Ég hugsaði með mér að þetta væri stærsti leikurinn í sögu félagsins – í þessum hluta sögunnar – öðruvísi en allir Íslandsmeistaratitlarnir sem við höfum unnið og slíkt. Óróleikinn var mikill því maður hugsaði með sér að ef við myndum falla þá tæki við heilt ár, og jafnvel mörg ár, sem færu í súginn bara í 1. deildinni. Töp í þessum síðustu leikjum hefðu haft svo mikil áhrif á félagið og það voru ekki margar nætur þar sem maður svaf eins og maður vildi,“ segir Logi en vill ekki draga dökka mynd af leiktíðinni hjá Njarðvík: „Það er svo stutt á milli í þessu. Við áttum tíu leiki þar sem við töpuðum með fimm stiga mun eða minna. Tímabilið var ekkert hræðilegt. Ef við hefðum unnið 2-3 leiki í viðbót hefðum við náð 4. sæti. Þetta sýnir bara hvert körfuboltinn er kominn hér á Íslandi, þar sem enginn sigur er öruggur.“ Ekki eins slæmt og þetta leit út fyrir Logi er ekki endilega á því að Njarðvíkingar þurfi að fara í mikla naflaskoðun eftir þessa leiktíð, þó að vissulega þurfi að fara vel yfir málin: „Ef ég á að vera alveg raunsær þá finnst mér þetta ekki eins slæmt og þetta leit kannski út fyrir. Tindastóli var spáð titlinum en rétt slefaði í úrslitakeppni. Þetta var bara öðruvísi ár. Samblanda af útlendingum skipti rosalega miklu máli í vetur. Okkar strákar voru samt mjög flottir á tímabili. Ég tel að íslensku leikmennirnir í okkar liði séu ekkert verri en hjá öðrum liðum. Samblandan af útlendingunum var kannski ekki alveg rétt, eins og gerist stundum, og ef maður horfir yfir lækinn til Keflavíkur þá eru þeir með frábæra, erlenda leikmenn. Þá er ég alls ekki að meina að okkar menn hafi verið eitthvað lélegir en það skiptir máli hvernig liðið blandast saman. Við töpuðum mörgum jöfnum leikjum og ég tel stöðuna ekki mikið áhyggjuefni,“ segir Logi og bendir á að byggt sé upp til framtíðar í Njarðvík: „Árið 2019 vorum við með flesta fulltrúa í yngri landsliðum Íslands, yfir 20 leikmenn, svo að við höldum áfram að framleiða leikmenn í hæsta gæðaflokki. Ég hef engar áhyggjur af öðru.“
Dominos-deild karla UMF Njarðvík Mest lesið Kostulegt viðtal bræðranna eftir sigurinn Íslenski boltinn Ósáttur Ólafur á förum Íslenski boltinn Kidd kominn í eigendahóp Everton Enski boltinn „Ég er bara svo fúll út í okkur sjálfa“ Körfubolti „Beindu þeim inn á miðju og átu þær þar“ Íslenski boltinn „Menn voru að spila af gleði og þá gerast góðir hlutir“ Íslenski boltinn „Magnús Öder hefði fengið þrjú rauð fyrir sömu brot“ Handbolti Uppgjörið: Afturelding - Víkingur 1-0 | Fyrsti sigur Mosfellinga kominn í hús Íslenski boltinn „Bara eitthvað úrslitakeppnisrugl“ Körfubolti Uppgjörið: Grindavík - Stjarnan 99-100 | Ótrúlegur endir kostaði Grindvíkinga sigurinn Körfubolti Fleiri fréttir „Ég er bara svo fúll út í okkur sjálfa“ „Bara eitthvað úrslitakeppnisrugl“ Uppgjörið: Grindavík - Stjarnan 99-100 | Ótrúlegur endir kostaði Grindvíkinga sigurinn „Mjög auðveld aðlögun fyrir mig“ Ítölsk stelpa ferðaðist 1.800 kílómetra til að sjá Jón Axel „Gott að sjá honum blæða á vellinum“ „Erfitt að spila á móti liði sem fær þrjár villur í seinni“ Hvergerðingar í úrslit umspilsins „Þjöppuðum okkur saman og kláruðum þetta“ Jón Axel og félagar upp í spænsku úrvalsdeildina Uppgjörið: Keflavík - Njarðvík 73-76 | Njarðvíkur-sigur í spennutrylli Tryggvi Evrópumeistari með Bilbao Basket Fyrrum nýliði ársins í NBA reynir fyrir sér í hnefaleikum „Þessar stelpur kalla ekki allt ömmu sína“ „Vonandi nær maður að grípa í einn svona bikar“ Hörður undir feldinn Luka öflugur og Lakers jafnaði einvígið Sektaður um sex milljónir fyrir að tala um getnaðarlim sinn „Við töpum boltanum í annarri hverri sókn“ Uppgjörið: Valur - Haukar 80-82 | Köstuðu sigrinum frá sér og klikkuðu á vítunum „LeBron þarf að fara í P. J. Washington hlutverkið“ Stólarnir afar öflugir þegar glittir í lokaúrslitin Einhentur en ætlar í nýliðaval NBA Nico Harrison: Áttaði mig ekki á hversu sterk ást þeirra á Luka var Falko áfram í Breiðholtinu Enduðu fimmtán leikja taphrinu í úrslitakeppni NBA „Bara einn leikur og áfram með smjörið“ KR sópaði Hamar/Þór og leikur í Bónus deildinni á næstu leiktíð „Stemmningin í húsinu hjálpar“ Uppgjörið: Stjarnan - Grindavík 108-100 | Stjarnan skrefinu á undan Sjá meira
Uppgjörið: Grindavík - Stjarnan 99-100 | Ótrúlegur endir kostaði Grindvíkinga sigurinn Körfubolti
Uppgjörið: Grindavík - Stjarnan 99-100 | Ótrúlegur endir kostaði Grindvíkinga sigurinn Körfubolti