Skemmtileg nálgun á Karíus & Baktus Daldrandi kynnir 27. febrúar 2020 10:45 Karíus og Baktus lifa aldeilis góðu lífi enn þó sjötíu og eitt ár sé frá því að þeir spruttu fram úr smiðju Thorbjörns Egner. Nú gera tanntröllin aumingja Jens lífið leitt í Kaldalóni í Hörpu þar sem sett hefur verið upp leikhús. Sýningin hefur slegið í gegn og er uppselt á allar sýningar í febrúar og óðum að fyllast í sæti á sýningar í mars. Skemmtileg nálgun leikstjóranna á þessa sígildu sögu fellur vel í kramið en þær Sara Martí Guðmundsdóttir og Agnes Wild þurftu að hugsa út fyrir kassann til að breyta Kaldalóni í leikhús. „Ég þurfti að velta dálítið fyrir mér hvernig við ættum að koma öllu fyrir á sviðinu þar sem Kaldalón er ekki eiginlegt leikhús,“ segir Sara en sagan kallar á talsverða leikmynd. Steinunn Marta Önnudóttir myndlistakona hannaði og smíðaði tennur en borinn og risa tannburstann sem sveiflast um munninn á Jens þurfti að útfæra á annan máta. „Ég stakk upp á að leysa það með vídeó-innsetningu og fékk Steinar Júlíusson til að útfæra hana. Steinar er frábær í myndvinnslu og hafði meðal annars gert flott tónlistarmyndband fyrir FM Belfast þar sem hann umbreytti andlitum og ég hugsaði með mér að það væri akkúrat það sem við þyrftum. Steinar tók Karíus og Baktus upp á myndband og útbjó ferðalag þeirra félaga inn í munninn á honum Jens. Auk þess var mandbandsvörðun notuð fyrir ýmsa hluti sem koma inn í munninn eins og tannburstann, borinn, nammi og fleira. Á sviðinu er stór munnur með brjálæðislega flottu tönnunum eftir Steinunni og svo vörpum við myndefninu á góminn. Þetta kemur ótrúlega vel út. Krakkarnir elska þessa útfærslu,“ segir Sara. Þó hafi þurft að fylgja ákveðnum reglum varðandi útfærsluna á sýningunni og sumt hafi alls ekki mátt. „Okkur langaði til dæmis að gera Karíus og Baktus að Ninjum en máttum það ekki. Þeir urðu líka skilyrðislaust að vera með rautt og svart hár,“ segir Sara sposk en þó hafi mátt krydda aðeins. „Stefán Örn Gunnlaugsson, tónlistarmaður útfærði tónlistina ótrúlega vel og það má merkja smá Tarantino áhrif. Við aðlöguðum aðeins söguna við nútímann og bættum við nokkrum hnyttnum setningum fyrir fullorðna. Áður en við frumsýndum prufukeyrðum við sýninguna á leikskólakrökkum og grunnskólakrökkum og það var svo gaman að heyra hvernig mismunandi aldurshóparnir hlógu á ólíkum stöðum. Svo eru uppeldisbrandarar inni á milli sem bara fullorðna fólkið fattar. Við vildum nefnilega að setja ábyrgðina aðeins yfir á fullorðna fólkið í þessari útfærslu með að bursta, ekki bara á krakkana.“ Sara segir þær Agnesi hafa verið samtaka um útfærslu sýningarinnar. Þær hafi báðar mikinn metnað fyrir menningarefni fyrir börn og eru báðar reynslumiklar í uppsetningu barnaleikrita. „Ég hóaði í Agnesi eftir að ég var fengin til að leikstýra Karíusi og Baktusi en við höfum unnið talsvert saman áður. Við brennum báðar fyrir því að gera gott barnaleikhús og sýningin Karíus og Baktus er fullkomið tækifæri til þess. Styrkleikar okkar liggja á ólíkum sviðum sem er gott en það kom okkur skemmtilega á óvart að við höfðum í grunninn sömu hugmyndir um hvernig við vildum gera þetta. Það gekk allt upp og við erum rosalega stoltar af þessari sýningu,“ segir Sara. Agnes Wild og Sara Martí á frumsýningu. Sýningin Karíus og Baktus verður sýnd meira og minna allar helgar fram á sumar, nú þegar er að verða uppselt í mars en sýningar í apríl og maí eru komnar í sölu. Allir í leikhús!Þessi kynning er unnin í samstarfi við Daldranda. Leikhús Mest lesið Mamma byrjuð að undirbúa stúdentsveislu þegar fregn barst af falli Lífið Elti drauminn og flutti um borð í húsbíl Lífið „Það er galið að sjá fimm manna fjölskyldu sitja saman en öll í símanum“ Áskorun Krakkatían: Nótur, bankar og geitur Lífið Eva flutt inn í verðlaunahús Kára Lífið Fyndnustu dýralífsmyndir ársins Lífið Ætlar í blómabað á Balí með manninum sínum Lífið „Það er einhver sjarmi yfir París sem er ekki annarsstaðar“ Lífið Gaf langömmu tattú í afmælisgjöf Lífið „Þegar menn vaða svona í fjölskylduna mína þá tek ég boxhanskana af“ Lífið Fleiri fréttir Tilkoma Neubria leikbreytir að sögn Bergsveins Náttúruleg leið til að endurbæta meltinguna! Um 12.000 manns hafa séð sýninguna Orð gegn orði í Þjóðleikhúsinu MZ Skin – Lúxus húðvörur sem byggja á vísindum og fagurfræði Þetta þurfum við í útihlaupin í vetur Osteostrong á erindi við alla aldurshópa Sprenghlægilegur gamanleikur frumsýndur í október í Þjóðleikhúsinu Fólk öðlast frelsi og hugarró og sumir jafnvel nýtt líf Heitustu haust- og vetrartrendin 2024 Inga Lilý hlaut aðalvinninginn í ár Hefur tekið Nutrilenk í 20 ár og gæti ekki án þess verið Getur hundur hjálpað mér að reima? - Ráðstefna um dýr í starfi með fólki Fallegur golfvöllur á sögulegum slóðum Aldrei haft jafn þykkt hár Eva Ruza skipuleggur húðrútínu sína með L´Oréal Paris Skemmtilegur golfvöllur umkringdur stórkostlegri náttúru Einstök saga sem á erindi við okkur öll Það kom sér vel fyrir Erlu að eiga til pakka af Active Liver! Nýr EM hópur í glæsilegum keppnisbúningi frá Castelli Cycling Líklega best geymda leyndarmálið á meðal kylfinga Ótrúlega öflug meðferð Vinkonukvöldin hjá Elira Beauty farin af stað Krefjandi golfvöllur í óvenjulegri náttúrufegurð Flogið beint til Brno í fyrsta skipti frá Íslandi 15 íslenskar þáttaraðir á Stöð 2 í haust Allt fyrir hlaupið á einum stað Hjólakeppnin Grefillinn nýtur sífellt meiri vinsælda Golfvöllur staðsettur í mikilli náttúruparadís Sólríkar borgarferðir og ljúfar aðventuferðir með Úrval Útsýn Tekur Nutrilenk samhliða Femarelle og mælir hiklaust með Sjá meira
Karíus og Baktus lifa aldeilis góðu lífi enn þó sjötíu og eitt ár sé frá því að þeir spruttu fram úr smiðju Thorbjörns Egner. Nú gera tanntröllin aumingja Jens lífið leitt í Kaldalóni í Hörpu þar sem sett hefur verið upp leikhús. Sýningin hefur slegið í gegn og er uppselt á allar sýningar í febrúar og óðum að fyllast í sæti á sýningar í mars. Skemmtileg nálgun leikstjóranna á þessa sígildu sögu fellur vel í kramið en þær Sara Martí Guðmundsdóttir og Agnes Wild þurftu að hugsa út fyrir kassann til að breyta Kaldalóni í leikhús. „Ég þurfti að velta dálítið fyrir mér hvernig við ættum að koma öllu fyrir á sviðinu þar sem Kaldalón er ekki eiginlegt leikhús,“ segir Sara en sagan kallar á talsverða leikmynd. Steinunn Marta Önnudóttir myndlistakona hannaði og smíðaði tennur en borinn og risa tannburstann sem sveiflast um munninn á Jens þurfti að útfæra á annan máta. „Ég stakk upp á að leysa það með vídeó-innsetningu og fékk Steinar Júlíusson til að útfæra hana. Steinar er frábær í myndvinnslu og hafði meðal annars gert flott tónlistarmyndband fyrir FM Belfast þar sem hann umbreytti andlitum og ég hugsaði með mér að það væri akkúrat það sem við þyrftum. Steinar tók Karíus og Baktus upp á myndband og útbjó ferðalag þeirra félaga inn í munninn á honum Jens. Auk þess var mandbandsvörðun notuð fyrir ýmsa hluti sem koma inn í munninn eins og tannburstann, borinn, nammi og fleira. Á sviðinu er stór munnur með brjálæðislega flottu tönnunum eftir Steinunni og svo vörpum við myndefninu á góminn. Þetta kemur ótrúlega vel út. Krakkarnir elska þessa útfærslu,“ segir Sara. Þó hafi þurft að fylgja ákveðnum reglum varðandi útfærsluna á sýningunni og sumt hafi alls ekki mátt. „Okkur langaði til dæmis að gera Karíus og Baktus að Ninjum en máttum það ekki. Þeir urðu líka skilyrðislaust að vera með rautt og svart hár,“ segir Sara sposk en þó hafi mátt krydda aðeins. „Stefán Örn Gunnlaugsson, tónlistarmaður útfærði tónlistina ótrúlega vel og það má merkja smá Tarantino áhrif. Við aðlöguðum aðeins söguna við nútímann og bættum við nokkrum hnyttnum setningum fyrir fullorðna. Áður en við frumsýndum prufukeyrðum við sýninguna á leikskólakrökkum og grunnskólakrökkum og það var svo gaman að heyra hvernig mismunandi aldurshóparnir hlógu á ólíkum stöðum. Svo eru uppeldisbrandarar inni á milli sem bara fullorðna fólkið fattar. Við vildum nefnilega að setja ábyrgðina aðeins yfir á fullorðna fólkið í þessari útfærslu með að bursta, ekki bara á krakkana.“ Sara segir þær Agnesi hafa verið samtaka um útfærslu sýningarinnar. Þær hafi báðar mikinn metnað fyrir menningarefni fyrir börn og eru báðar reynslumiklar í uppsetningu barnaleikrita. „Ég hóaði í Agnesi eftir að ég var fengin til að leikstýra Karíusi og Baktusi en við höfum unnið talsvert saman áður. Við brennum báðar fyrir því að gera gott barnaleikhús og sýningin Karíus og Baktus er fullkomið tækifæri til þess. Styrkleikar okkar liggja á ólíkum sviðum sem er gott en það kom okkur skemmtilega á óvart að við höfðum í grunninn sömu hugmyndir um hvernig við vildum gera þetta. Það gekk allt upp og við erum rosalega stoltar af þessari sýningu,“ segir Sara. Agnes Wild og Sara Martí á frumsýningu. Sýningin Karíus og Baktus verður sýnd meira og minna allar helgar fram á sumar, nú þegar er að verða uppselt í mars en sýningar í apríl og maí eru komnar í sölu. Allir í leikhús!Þessi kynning er unnin í samstarfi við Daldranda.
Leikhús Mest lesið Mamma byrjuð að undirbúa stúdentsveislu þegar fregn barst af falli Lífið Elti drauminn og flutti um borð í húsbíl Lífið „Það er galið að sjá fimm manna fjölskyldu sitja saman en öll í símanum“ Áskorun Krakkatían: Nótur, bankar og geitur Lífið Eva flutt inn í verðlaunahús Kára Lífið Fyndnustu dýralífsmyndir ársins Lífið Ætlar í blómabað á Balí með manninum sínum Lífið „Það er einhver sjarmi yfir París sem er ekki annarsstaðar“ Lífið Gaf langömmu tattú í afmælisgjöf Lífið „Þegar menn vaða svona í fjölskylduna mína þá tek ég boxhanskana af“ Lífið Fleiri fréttir Tilkoma Neubria leikbreytir að sögn Bergsveins Náttúruleg leið til að endurbæta meltinguna! Um 12.000 manns hafa séð sýninguna Orð gegn orði í Þjóðleikhúsinu MZ Skin – Lúxus húðvörur sem byggja á vísindum og fagurfræði Þetta þurfum við í útihlaupin í vetur Osteostrong á erindi við alla aldurshópa Sprenghlægilegur gamanleikur frumsýndur í október í Þjóðleikhúsinu Fólk öðlast frelsi og hugarró og sumir jafnvel nýtt líf Heitustu haust- og vetrartrendin 2024 Inga Lilý hlaut aðalvinninginn í ár Hefur tekið Nutrilenk í 20 ár og gæti ekki án þess verið Getur hundur hjálpað mér að reima? - Ráðstefna um dýr í starfi með fólki Fallegur golfvöllur á sögulegum slóðum Aldrei haft jafn þykkt hár Eva Ruza skipuleggur húðrútínu sína með L´Oréal Paris Skemmtilegur golfvöllur umkringdur stórkostlegri náttúru Einstök saga sem á erindi við okkur öll Það kom sér vel fyrir Erlu að eiga til pakka af Active Liver! Nýr EM hópur í glæsilegum keppnisbúningi frá Castelli Cycling Líklega best geymda leyndarmálið á meðal kylfinga Ótrúlega öflug meðferð Vinkonukvöldin hjá Elira Beauty farin af stað Krefjandi golfvöllur í óvenjulegri náttúrufegurð Flogið beint til Brno í fyrsta skipti frá Íslandi 15 íslenskar þáttaraðir á Stöð 2 í haust Allt fyrir hlaupið á einum stað Hjólakeppnin Grefillinn nýtur sífellt meiri vinsælda Golfvöllur staðsettur í mikilli náttúruparadís Sólríkar borgarferðir og ljúfar aðventuferðir með Úrval Útsýn Tekur Nutrilenk samhliða Femarelle og mælir hiklaust með Sjá meira