Leiðrétting Þórarinn Þórarinsson skrifar 20. október 2017 07:00 Hætt er við að alþingiskosningarnar eftir rúma viku verði hið mesta feigðarflan þar sem mannvalið á þingi hefur einhvern veginn orðið stöðugt galnara með hverjum kosningum frá hruni. Þau sem sitja nú á þingi eru í raun búin að vera í árslöngu atvinnuviðtali og nú er komið að því að ganga frá fastráðningunni. Eða ekki. Bömmer fyrir þau hversu stutt þetta var. En gott fyrir okkur að fá tækifæri til að leiðrétta atkvæðin okkar frá því í fyrra og því miður þurfum við að reka ansi marga. Þar sem ég er óháður öllum flokkum ætla ég að leyfa mér að mæla með endurráðningu eftirfarandi: Gunnar Hrafn Jónsson er drengur góður og öflugur málsvari okkar sem glímum við andleg veikindi. Þórhildur Sunna Ævarsdóttir er stjarna þessa stutta þings. Orðin ómissandi. Einörð, heiðarleg og ekta. Kolbeinn Óttarsson Proppé er málglaður og gegnheill kommi. Framlag slíkra ætti aldrei að vanmeta. Lilja Alfreðsdóttir gnæfir yfir meðalmennskunni í Framsóknarflokknum. Klár, yfirveguð og töff. Logi Einarsson, sprelligosi Samfylkingarinnar, hefur komið skemmtilega á óvart. Höldum honum. Unnur Brá Konráðsdóttir hefur vaxið mjög sem forseti Alþingis og á skilið að fá annan séns. Brynjari Níelssyni verðum við svo að halda. Mikilvægt að hafa einn svona háðskan tröllkall sem lætur allt flakka og tryllir lýðinn. Vera Bjartrar framtíðar og Viðreisnar í andlausustu ríkisstjórn lýðveldissögunnar er síðan ígildi uppsagnar sem rétt er að taka gilda. Vandið ykkur svo við að kjósa. Ekkert víst að við fáum að leiðrétta þessar kosningar eftir ár. Höfundur er pistlahöfundur Fréttablaðsins. Viltu birta grein á Vísi? Sendu okkur póst. Senda grein Birtist í Fréttablaðinu Kosningar 2017 Þórarinn Þórarinsson Mest lesið Opið bréf til Einars Þorsteinssonar og Hildar Björnsdóttur - Hafið þið enga sómakennd? Linda Ósk Sigurðardóttir Skoðun Hafnaðir þú Margrét Sanders? Páll Erlingsson,María Petrína Berg,Fjóla Ævarsdóttir,Sigrún Gróa Magnúsdóttir Skoðun Áslaug Arna er leiðtoginn sem Sjálfstæðisflokkurinn þarf Hafrún Kristjánsdóttir Skoðun Hvort er meira í anda Sjálfstæðisflokksins? Hjörtur J. Guðmundsson Skoðun Hugleiðing á konudag Sigurður Ingi Arnars Unuson Skoðun Viðbrögð barna við sorg Matthildur Bjarnadóttir Skoðun Áslaug Arna Sigurbjörnsdóttir til formanns Sjálfstæðisflokksins -Kraftur nýrra tíma Svanur Guðmundsson Skoðun Opið bréf til bæjarstjóra Kópavogs Ágústa Dröfn Kristleifsdóttir Skoðun Halldór 22.02.2025 Halldór Söngvakeppnin og hömlulaus áfengisdýrkun Björn Sævar Einarsson Skoðun
Hætt er við að alþingiskosningarnar eftir rúma viku verði hið mesta feigðarflan þar sem mannvalið á þingi hefur einhvern veginn orðið stöðugt galnara með hverjum kosningum frá hruni. Þau sem sitja nú á þingi eru í raun búin að vera í árslöngu atvinnuviðtali og nú er komið að því að ganga frá fastráðningunni. Eða ekki. Bömmer fyrir þau hversu stutt þetta var. En gott fyrir okkur að fá tækifæri til að leiðrétta atkvæðin okkar frá því í fyrra og því miður þurfum við að reka ansi marga. Þar sem ég er óháður öllum flokkum ætla ég að leyfa mér að mæla með endurráðningu eftirfarandi: Gunnar Hrafn Jónsson er drengur góður og öflugur málsvari okkar sem glímum við andleg veikindi. Þórhildur Sunna Ævarsdóttir er stjarna þessa stutta þings. Orðin ómissandi. Einörð, heiðarleg og ekta. Kolbeinn Óttarsson Proppé er málglaður og gegnheill kommi. Framlag slíkra ætti aldrei að vanmeta. Lilja Alfreðsdóttir gnæfir yfir meðalmennskunni í Framsóknarflokknum. Klár, yfirveguð og töff. Logi Einarsson, sprelligosi Samfylkingarinnar, hefur komið skemmtilega á óvart. Höldum honum. Unnur Brá Konráðsdóttir hefur vaxið mjög sem forseti Alþingis og á skilið að fá annan séns. Brynjari Níelssyni verðum við svo að halda. Mikilvægt að hafa einn svona háðskan tröllkall sem lætur allt flakka og tryllir lýðinn. Vera Bjartrar framtíðar og Viðreisnar í andlausustu ríkisstjórn lýðveldissögunnar er síðan ígildi uppsagnar sem rétt er að taka gilda. Vandið ykkur svo við að kjósa. Ekkert víst að við fáum að leiðrétta þessar kosningar eftir ár. Höfundur er pistlahöfundur Fréttablaðsins.
Opið bréf til Einars Þorsteinssonar og Hildar Björnsdóttur - Hafið þið enga sómakennd? Linda Ósk Sigurðardóttir Skoðun
Hafnaðir þú Margrét Sanders? Páll Erlingsson,María Petrína Berg,Fjóla Ævarsdóttir,Sigrún Gróa Magnúsdóttir Skoðun
Áslaug Arna Sigurbjörnsdóttir til formanns Sjálfstæðisflokksins -Kraftur nýrra tíma Svanur Guðmundsson Skoðun
Opið bréf til Einars Þorsteinssonar og Hildar Björnsdóttur - Hafið þið enga sómakennd? Linda Ósk Sigurðardóttir Skoðun
Hafnaðir þú Margrét Sanders? Páll Erlingsson,María Petrína Berg,Fjóla Ævarsdóttir,Sigrún Gróa Magnúsdóttir Skoðun
Áslaug Arna Sigurbjörnsdóttir til formanns Sjálfstæðisflokksins -Kraftur nýrra tíma Svanur Guðmundsson Skoðun