Vanþakklátir Reykvíkingar Sirrý Hallgrímsdóttir skrifar 17. júní 2017 07:00 Reykjavíkurborg hefur verið illa stjórnað á undanförnum árum. Fjármál borgarinnar í lamasessi, áherslur í húsnæðismálum hafa valdið efnahagslegu tjóni á landsvísu, holur og umferðartafir einkenna samgöngustefnuna og leik- og grunnskólar hafa mátt þola niðurskurð. Læt ég síðan liggja á milli hluta ýmis minni mál eins og slátt á grasi, þrif og annað sem snertir umgengni hér í borginni. Og þetta er ekki bara skoðun mín. Þar til fyrir skemmstu tók Reykjavíkurborg þátt í þjónustukönnun Gallup. Þegar borin voru saman svör íbúa nítján stærstu sveitarfélaganna kom í ljós að íbúar Reykjavíkur voru óánægðastir allra. Dagur og félagar ákváðu að við svo búið mætti ekki standa og bættu þjón… nei, náði ykkur. Þeir bættu ekki þjónustuna heldur drógu Reykjavík bara út úr könnuninni með þeim orðum Dags að „Reykjavíkingar væru kröfuharðari en íbúar annarra sveitafélaga“. Sem sagt vanþakklátt lið sem ekki kann gott að meta. Halldór Halldórsson sagði um daginn að íbúar Reykjavíkur vissu sennilega ekki alveg hverjir væru í borgarstjórn. Það er meira í þessu hjá Halldóri en virðist við fyrstu sýn. Nú er komið í ljós, skv. frétt RÚV, að lögregluyfirvöld höfðu samband við formann borgarráðs og tilkynntu um aukinn viðbúnað lögreglu. Formaðurinn virðist ekki hafa vitað hver væri forseti borgarstjórnar og því kom hann ekki skilaboðunum áleiðis, en borgarstjórnarforsetinn hafði uppi stóryrði um að enginn hefði látið borgaryfirvöld vita. Framvegis verða þær stofnanir ríkisins sem hyggjast hafa samband við borgina því að senda póst á allir@hvereríborgarstjórn.is og taka tillit til þessa allsherjar athyglisbrests sem einkennir stjórnsýslu borgarinnar þessa dagana. Höfundur er pistlahöfundur Fréttablaðsins. Viltu birta grein á Vísi? Sendu okkur póst. Senda grein Birtist í Fréttablaðinu Sirrý Hallgrímsdóttir Mest lesið Carbfix: Stærsta framlag Íslands í loftslagsmálum heimsins Sævar Freyr Þráinsson Skoðun Mengum meira Heiðar Guðjónsson Skoðun Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun Hvað verður um Kára? Helga Sigrún Harðardóttir Skoðun Sigmundi Davíð svarað Björn Bjarnason Skoðun Coda Terminal hefur ekki áhrif á neysluvatnsból höfuðborgarsvæðisins Sigrún Tómasdóttir Skoðun Ferðatryggingar og val á kreditkorti Svandís Edda Hólm Jónudóttir Skoðun Af hverju leka gluggar fyrr en áður? Böðvar Bjarnason Skoðun Halldór 05.07.2024 Halldór Að óttast blokkir Ásta Logadóttir Skoðun
Reykjavíkurborg hefur verið illa stjórnað á undanförnum árum. Fjármál borgarinnar í lamasessi, áherslur í húsnæðismálum hafa valdið efnahagslegu tjóni á landsvísu, holur og umferðartafir einkenna samgöngustefnuna og leik- og grunnskólar hafa mátt þola niðurskurð. Læt ég síðan liggja á milli hluta ýmis minni mál eins og slátt á grasi, þrif og annað sem snertir umgengni hér í borginni. Og þetta er ekki bara skoðun mín. Þar til fyrir skemmstu tók Reykjavíkurborg þátt í þjónustukönnun Gallup. Þegar borin voru saman svör íbúa nítján stærstu sveitarfélaganna kom í ljós að íbúar Reykjavíkur voru óánægðastir allra. Dagur og félagar ákváðu að við svo búið mætti ekki standa og bættu þjón… nei, náði ykkur. Þeir bættu ekki þjónustuna heldur drógu Reykjavík bara út úr könnuninni með þeim orðum Dags að „Reykjavíkingar væru kröfuharðari en íbúar annarra sveitafélaga“. Sem sagt vanþakklátt lið sem ekki kann gott að meta. Halldór Halldórsson sagði um daginn að íbúar Reykjavíkur vissu sennilega ekki alveg hverjir væru í borgarstjórn. Það er meira í þessu hjá Halldóri en virðist við fyrstu sýn. Nú er komið í ljós, skv. frétt RÚV, að lögregluyfirvöld höfðu samband við formann borgarráðs og tilkynntu um aukinn viðbúnað lögreglu. Formaðurinn virðist ekki hafa vitað hver væri forseti borgarstjórnar og því kom hann ekki skilaboðunum áleiðis, en borgarstjórnarforsetinn hafði uppi stóryrði um að enginn hefði látið borgaryfirvöld vita. Framvegis verða þær stofnanir ríkisins sem hyggjast hafa samband við borgina því að senda póst á allir@hvereríborgarstjórn.is og taka tillit til þessa allsherjar athyglisbrests sem einkennir stjórnsýslu borgarinnar þessa dagana. Höfundur er pistlahöfundur Fréttablaðsins.
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun