BMW með fangið fullt af verðlaunum

Þýski bílaframleiandinn BMW hlaut á síðasta ári alls 55 mismunandi innlend og alþjóðleg verðlaun fyrir gæði, nýsköpun á tæknisviðinu, hönnun, tengingu (net og gagnvirkni) og sjálfbærni. Í öllum dómnefndum sitja viðeigandi sérfræðingar, hver á sínu sviði, auk bílablaðamanna.

Eftirtektarverðust eru e.t.v. verðlaunin „World Car Awards“, „World Luxury Car“ og „Best Car Awards“ sem féllu í skaut flaggskipsins BMW 7 Series, ásamt Gullna stýrinu fyrir rafmagnsbílinn BMW i3 þar sem BMW M2 Coupé og hinn nýi BMW 5 Series Sedan komu einnig til greina enda þótt sá síðast taldi sé ekki enn kominn á markað.

Árangur BMW hjá dómnefnd og lesendum Auto motor und sport er eftirtektarverður, þar sem BMW hlaut þrenn verðlaun á árinu: Flaggskipið 7 Series (Flokkur: Luxury Performance Segment), BMW 5 Series Sedan (Flokkur: Upper Mid-Range) og BMW X1 (Flokkur: Compact SUV) voru allir kjörnir bestu bílarnir 2016 (BEST CARS 2016) í sínum flokki og er greinilegt að þeir sem greiddu 5 Series Sedan atkvæði sitt voru þá þegar sannfærðir um ágæti hans þótt hann væri ekki enn kominn í sölu.

Hið sama er að segja um sameiginlega dómnefnd Auto Bild og Computer Bild því hún kaus BMW 5 Series Sedan best tengda bílinn 2016 (Connected Car 2016). Þá kusu lesendur tímaritisins Handelsblatted BMW X5 viðskiptabíl ársins (Company Car of the Year) í flokki torfærubíla (Off-Road Cars). Tímaritið kallaði til um 250 stjórnendur í fyrirtækjum og bað þá að gera samanaburðarrannsókn til að finna eftirlætisbílinn og varð 730d lang efstur á þeim lista.

Auk þessara verðlauna má nefna að hjá German Design Counsil hlaut BMW X1 hönnunarverðlaun fyrir ytra útlit og hönnun farþegarýmisins, Chicago Museum og Design útnefndi bæði X4 og X6 bestu ferðabílana og í Ástralíu var BMW 1 Series kjörinn Besti bíll Ástralíu hjá Royal Auto National.

Sömuleiðis má nefna að á árinu voru þrjár BMW-gerðir kjörnar bestu bílakaupin á árinu, hver í sínum flokki, aðrir voru kjörnir bestu bílarnir í sportbílaflokki, enn aðrir bestu akstursbílarnir í flokki fjórhjóladrifinna bíla og svona mætti áfram lengi telja og því gott ár að baki hjá BMW.