Biðla til fólks að vera bjartsýnt Stefán Þór Hjartarson skrifar 4. maí 2016 10:00 Hljómsveitin Lily of the Valley er að fara á fullt í spilamennsku á næstunni. Vísir/Hörður Ásbjörnsson Þetta er fyrsta lagið sem við gefum út síðan við gáfum út EP plötuna Ghosts í október, sem gekk rosalega vel. Við erum alltaf „moving on“, þannig að við fórum til hans Arnars Guðjóns, sem er betur þekktur sem Arnar úr Leaves. Hann hjálpaði okkur að útsetja lagið og tók það upp með okkur. Þetta er afrakstur þeirrar vinnu; ný pródúksjón og nýtt sánd,“ segir Logi Marr, gítarleikari hljómsveitarinnar. „Þetta er ádeila á stöðuna sem er búin að vera í þjóðfélaginu, það varð kveikjan að þessu lagi. Við erum að biðla til fólks að hanga inni og reyna að sjá ljósið. Það eru línur þarna eins og „nothing breaks dreams like the truth“ sem er tilvísun í Panama-skjölin, „draumarnir brotna þegar skíturinn flýtur“ eins og skáldið orti. Það eru allir svo þungir og allt svo ömurlegt en við ættum öll að „hold on“, vona það besta, við erum öll til og það er yndislegt að vera til,“ bætir hann við. Lily of the Valley var stofnuð árið 2013 í kringum Airwaves-hátíðina. Sveitin spilar poppaða þjóðlagatónlist og eru núverandi meðlimir sex talsins. Upphaflega var bandið tríó skipað þeim Loga Marr, Mími Nordquist og Tinnu Katrínu og gáfu þau út lögin I’ll be waiting, Back og Holy Water en síðan bættust Hrafnkell Már, Leó Ingi og Guðmundur Þór við í hljómsveitina. Árið 2015 gaf sveitin svo út EP-plötuna sína Ghosts og er núna komin á fullt við að þróa hljóminn enn frekar. „Við erum með nýtt efni sem getur vel verið að við hendum í nýja plötu. En við erum meira að taka eitt skref í einu. Við tókum upp þetta lag til að finna okkar sánd og síðan erum við að sjá hvað setur, hvernig fólk fílar þetta,“ svarar Logi aðspurður að því hvort að sveitin sé að vinna að nýrri plötu. Hinsvegar er margt framundan hjá Lily of the Valley. „Við erum að fara í túr núna í maí. Við förum til Bretlands: byrjum í Skotlandi í Edinborg og tökum svo Leeds, Liverpool, Brighton og London, allan pakkann. Þegar við komum aftur er það Secret Solstice hátíðin. Við ætlum að vera með feikna sjóv þar. Við fengum með okkur Birki Blæ saxófónleikara sem er svona nýtt element inn í þetta Lily-sánd og við munum útfæra það eitthvað á Solstice og gera eitthvert heljarinnar batterí þar. Við munum flytja þar töluvert af nýju efni.“ „Við verðum með tónleika á Húrra 19. maí með breskri hljómsveit sem heitir Adore//Repel. Það er bandið sem við erum að fara að spila með úti. Þeir koma hingað til lands og spila á þrennum tónleikum, við spilum með þeim á einum þeirra og síðan strax eftir það förum við með þeim út og tökum túrinn þar.“ Airwaves Tónlist Mest lesið Út um allar koppagrundir Alþingis: „Froðan flæðir endalaust, það er bara froða froða“ Menning Fóru líka upp á eiginkonuna fyrir besta útsýni landsins Lífið Stjörnulífið: „Virkilega slæm vika fyrir all my haters“ Lífið „Stolt af mínum konum sem geisluðu af gleði“ Lífið Áttu að nefna kvenmannsnöfn sem byrja á D og F Lífið Útilokar ekki að bjóða sig aftur fram Lífið Flogið þangað sem enginn kemst nema í draumi Lífið Sprite Zero Klan gefur út SS pylsulagið í fullri lengd Lífið samstarf Stórborgar fílingur í sögufrægu húsi Jóns Davíðs og Birgittu Lífið Draumkennt brúðkaup á Sardiníu Lífið Fleiri fréttir Reyna að eyða minningum um hvort annað í sturluðum dansi Frumsýning á Vísi: Rokkað á miðju gólfi komin sjö mánuði á leið „Þetta er sem betur fer ekki upp á líf og dauða“ Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Sjá meira
Þetta er fyrsta lagið sem við gefum út síðan við gáfum út EP plötuna Ghosts í október, sem gekk rosalega vel. Við erum alltaf „moving on“, þannig að við fórum til hans Arnars Guðjóns, sem er betur þekktur sem Arnar úr Leaves. Hann hjálpaði okkur að útsetja lagið og tók það upp með okkur. Þetta er afrakstur þeirrar vinnu; ný pródúksjón og nýtt sánd,“ segir Logi Marr, gítarleikari hljómsveitarinnar. „Þetta er ádeila á stöðuna sem er búin að vera í þjóðfélaginu, það varð kveikjan að þessu lagi. Við erum að biðla til fólks að hanga inni og reyna að sjá ljósið. Það eru línur þarna eins og „nothing breaks dreams like the truth“ sem er tilvísun í Panama-skjölin, „draumarnir brotna þegar skíturinn flýtur“ eins og skáldið orti. Það eru allir svo þungir og allt svo ömurlegt en við ættum öll að „hold on“, vona það besta, við erum öll til og það er yndislegt að vera til,“ bætir hann við. Lily of the Valley var stofnuð árið 2013 í kringum Airwaves-hátíðina. Sveitin spilar poppaða þjóðlagatónlist og eru núverandi meðlimir sex talsins. Upphaflega var bandið tríó skipað þeim Loga Marr, Mími Nordquist og Tinnu Katrínu og gáfu þau út lögin I’ll be waiting, Back og Holy Water en síðan bættust Hrafnkell Már, Leó Ingi og Guðmundur Þór við í hljómsveitina. Árið 2015 gaf sveitin svo út EP-plötuna sína Ghosts og er núna komin á fullt við að þróa hljóminn enn frekar. „Við erum með nýtt efni sem getur vel verið að við hendum í nýja plötu. En við erum meira að taka eitt skref í einu. Við tókum upp þetta lag til að finna okkar sánd og síðan erum við að sjá hvað setur, hvernig fólk fílar þetta,“ svarar Logi aðspurður að því hvort að sveitin sé að vinna að nýrri plötu. Hinsvegar er margt framundan hjá Lily of the Valley. „Við erum að fara í túr núna í maí. Við förum til Bretlands: byrjum í Skotlandi í Edinborg og tökum svo Leeds, Liverpool, Brighton og London, allan pakkann. Þegar við komum aftur er það Secret Solstice hátíðin. Við ætlum að vera með feikna sjóv þar. Við fengum með okkur Birki Blæ saxófónleikara sem er svona nýtt element inn í þetta Lily-sánd og við munum útfæra það eitthvað á Solstice og gera eitthvert heljarinnar batterí þar. Við munum flytja þar töluvert af nýju efni.“ „Við verðum með tónleika á Húrra 19. maí með breskri hljómsveit sem heitir Adore//Repel. Það er bandið sem við erum að fara að spila með úti. Þeir koma hingað til lands og spila á þrennum tónleikum, við spilum með þeim á einum þeirra og síðan strax eftir það förum við með þeim út og tökum túrinn þar.“
Airwaves Tónlist Mest lesið Út um allar koppagrundir Alþingis: „Froðan flæðir endalaust, það er bara froða froða“ Menning Fóru líka upp á eiginkonuna fyrir besta útsýni landsins Lífið Stjörnulífið: „Virkilega slæm vika fyrir all my haters“ Lífið „Stolt af mínum konum sem geisluðu af gleði“ Lífið Áttu að nefna kvenmannsnöfn sem byrja á D og F Lífið Útilokar ekki að bjóða sig aftur fram Lífið Flogið þangað sem enginn kemst nema í draumi Lífið Sprite Zero Klan gefur út SS pylsulagið í fullri lengd Lífið samstarf Stórborgar fílingur í sögufrægu húsi Jóns Davíðs og Birgittu Lífið Draumkennt brúðkaup á Sardiníu Lífið Fleiri fréttir Reyna að eyða minningum um hvort annað í sturluðum dansi Frumsýning á Vísi: Rokkað á miðju gólfi komin sjö mánuði á leið „Þetta er sem betur fer ekki upp á líf og dauða“ Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Sjá meira