Spilaði Ég heyri raddir

Tónleikar Steves Hackett, fyrrverandi gítarleikara bresku hljómsveitarinnar Genesis, og Todmobile gengu eins og í sögu um helgina.

Um tvenna tónleika var að ræða. Þeir fyrri voru í Hörpu á föstudagskvöld en þeir síðari í Hofi á Akureyri kvöldið eftir. Á tónleikunum spilaði Hackett með í nokkrum Todmobile-lögum sem höfðu verið fyrir fram æfð, en í Hofi spilaði hann óundirbúið í laginu Ég heyri raddir og fórst það vel úr hendi.

Sjá einnig:Myndi Phil Collins fíla þetta?

Eftir báða tónleikana var kappinn svo duglegur við að árita gamlar plötur með Genesis og sólóplötur sem aðdáendur hans höfðu meðferðis.

Hér að neðan má heyra lagið Ég heyri raddir og sjá glæsilegt myndband við það.