Með Hallgrímskirkju á sköflungnum Vera Einarsdóttir skrifar 21. ágúst 2015 16:45 Þórður er alinn upp í Þingholtunum og gekk fram hjá kirkjunni á hverjum degi á leið í skólann. Hann er mikill 101-maður og fannst tilvalið að skella henni á sig. MYND/ANTON Knattspyrnumaðurinn Þórður Steinar Hreiðarsson, sem spilar með Þór á Akureyri, er með húðflúr á höndum, læri, sköflungi og maga. Húðflúrið á sköflungnum hefur vakið nokkra athygli en þar er hann með mynd af Hallgrímskirkju. Ætla mætti að hann sé trúaður en svo er ekki. „Ég er alinn upp í Þingholtunum og gekk í Austurbæjarskóla. Ég gekk fram hjá Hallgrímskirkju á hverjum degi og var vanur að gera mér að leik að bakka frá kirkjudyrunum að styttunni af Leifi Eiríkssyni með augun límd á krossinn á meðan. Mér hefur alltaf þótt byggingin flott en hún er líka eitt helsta kennileiti Þingholtanna og mér fannst því tilvalið að skella henni á mig.“ Þórður segir skýringuna í raun ekki flóknari en svo. „Flest húðflúrin mín hafa enga sérstaka tilfinningalega skírskotun, ef frá eru taldir upphafsstafir bræðra minna. Oftast læt ég húðflúrarana mína bara ráða för enda eru þeir gríðarlega færir. Ég er þó með sumarbústað ömmu minnar á milli norðurljósa á hægri öxlinni og vissulega er einhver tenging þar.“Þórður er hæstánægður með húðflúrið en hefði eftir á að hyggja viljað sleppa stöfunum. "Ég set bara plástur yfir," segir hann og hlær.Þórður lætur flúra sig á Irezumi sem er til húsa að Laugavegi 69. Vinur hans Annel Helgi, eða Angelito eins og hann er kallaður í húðflúrheiminum, rekur stofuna og á heiðurinn að Hallgrímskirkjuhúðflúrinu. Hann fær auk þess til sín gestaflúrara að utan sem hafa flúrað hendurnar á Þórði. Þórður stefnir að því að fá sér ermi niður hægri handlegg og er þegar kominn með verk frá öxl og niður að olnboga. Hann er svo með flúr yfir þríhöfðann á þeirri vinstri. Þá er hann með flúr á lærinu sem var jafnframt hans fyrsta húðflúr. „Í fyrstu fannst mér það góður staður enda auðvelt að fela það en nú er ég alveg hættur að spá í það enda húðflúr að verða sífellt meira áberandi.“ Aðspurður segir Þórður sífellt fleiri knattspyrnumenn skarta húðflúri. „Það eru margir með flúraðar hendur og erlendis sjást sífellt fleiri knattspyrnumenn með húðflúr á fótunum líka. Ég hugsa að sú bylgja eigi rætur að rekja til ítalska fótboltamannsins Marco Materazzi sem lét húðflúra bikar á lærið á sér eftir að hafa unnið í HM í fótbolta árið 2006. Hann er algert villidýr og voru margir sem fylgdu á eftir. Hér á landi eru þó enn þá fleiri með á handleggjum en fótum.“Þórður er alinn upp í Þingholtunum og gekk fram hjá Hallgrímskirkju á hverjum degi á leið í skólann sem barn. Hann er ekki trúaður en lítur á kirkjuna sem kennileiti Þingholtanna.MYND/ANTONÞórður aðhyllist ekki endilega einn ákveðinn húðflúrsstíl þó hann sé óneitanlega mest í svörtu og hvítu. „Ég er með ofnæmi fyrir rauða litnum en er svolítið að leika mér með bláan í bland. Hallgrímskirkjuhúðflúrið byggist upp á hreinum línum og ég væri hæstánægður með það ef ég hefði ekki tekið upp á því að fara að skrifa fyrir ofan það. Þar sem ég er trúleysingi sleppti ég krossinum og auk þess setti ég lógó uppáhalds hiphop-hljómsveitar minnar Jurassic 5 inn í klukkuna. Sumir fetta fingur út í það á meðan öðrum finnst það geðveikt, en ég sé aðallega eftir því að hafa skrifað Freedom fyrir ofan kirkjuna sem er nafn á lagi eftir þessa sömu hljómsveit. Ef ég hefði sleppt því hefði flúrið orðið alveg „clean“ sem hefði eftir á að hyggja verið flottara.“ Þórður er þó ekki af baki dottinn og segir lítið mál að flúra yfir. „Svo get ég líka bara sett plástur,“ segir hann og hlær. „Þá er aldrei að vita nema maður skelli sér í laser-fræðin. Það er örugglega ágætis „business“ enda hlýtur að vera fullt af fólki þarna úti sem vill losna við gömlu tribal-tattúin.“ Húðflúr Mest lesið „Það braut ísinn að við hefðum deitað sama gaurinn“ Lífið „Ég var heppinn. En ekki hann“ Lífið „Það er önnur hver gella með í vörunum“ Lífið Karlmennskuhlaðvarpið heyrir sögunni til Lífið Fréttatía vikunnar: Körfubolti, laxaastmi og stýrivextir Lífið Ólafur Ragnar skellti sér á sæþotu eftir langan dag Lífið Gómsætar haustkökur að hætti Elenoru Lífið Simmi Vill og Sunneva Einars létu sig ekki vanta á Jókerinn Lífið Skrúfaði titrarann í sundur til að forða nágrönnum frá ónæði Lífið Áslaug Arna fór í meðferð til að vinna bug á köngulóafælni Lífið Fleiri fréttir Karlmennskuhlaðvarpið heyrir sögunni til „Ég var heppinn. En ekki hann“ „Það er önnur hver gella með í vörunum“ Gómsætar haustkökur að hætti Elenoru „Það braut ísinn að við hefðum deitað sama gaurinn“ Fréttatía vikunnar: Körfubolti, laxaastmi og stýrivextir Áslaug Arna fór í meðferð til að vinna bug á köngulóafælni Ólafur Ragnar skellti sér á sæþotu eftir langan dag Simmi Vill og Sunneva Einars létu sig ekki vanta á Jókerinn Vill að Menendez bræðrum verði veitt frelsi Skrúfaði titrarann í sundur til að forða nágrönnum frá ónæði Eminem verður afi Foreldrar minnka við sig svo börnin geti keypt fyrstu eign „Mikilvægt að umkringja sig fólki sem veitir manni innblástur“ Það er töff að vera sauðfjárbóndi Ingunn Lára gengin út með Celebi Elt á röndum með drónum Rauða dreglinum rúllað út fyrir Svörtu sanda „Þetta er alveg áhugavert en ekki jafn áhugavert og Instagramið mitt“ Tína sveppi í íslenskri náttúru og nýta til fulls „Eini glæpur okkar var sá að verða ástfangin“ Krem í tísku sem séu börnum stórhættuleg Barnabarn Kurt Cobain og Tony Hawk í heiminn Draumur Lilju rættist á tískuvikunni í París Eitt huggulegasta par landsins selur íbúð með fallegum stigagangi Sigmundur birtist fyrirvaralaust Breskur Eurovision-sigurvegari látinn Gerður Huld seldi húsið á 239 milljónir „Stór hluti af samfélaginu okkar“ Haldið í hefðina í Hafnarfirði eftir óhapp Ólafs Sjá meira
Knattspyrnumaðurinn Þórður Steinar Hreiðarsson, sem spilar með Þór á Akureyri, er með húðflúr á höndum, læri, sköflungi og maga. Húðflúrið á sköflungnum hefur vakið nokkra athygli en þar er hann með mynd af Hallgrímskirkju. Ætla mætti að hann sé trúaður en svo er ekki. „Ég er alinn upp í Þingholtunum og gekk í Austurbæjarskóla. Ég gekk fram hjá Hallgrímskirkju á hverjum degi og var vanur að gera mér að leik að bakka frá kirkjudyrunum að styttunni af Leifi Eiríkssyni með augun límd á krossinn á meðan. Mér hefur alltaf þótt byggingin flott en hún er líka eitt helsta kennileiti Þingholtanna og mér fannst því tilvalið að skella henni á mig.“ Þórður segir skýringuna í raun ekki flóknari en svo. „Flest húðflúrin mín hafa enga sérstaka tilfinningalega skírskotun, ef frá eru taldir upphafsstafir bræðra minna. Oftast læt ég húðflúrarana mína bara ráða för enda eru þeir gríðarlega færir. Ég er þó með sumarbústað ömmu minnar á milli norðurljósa á hægri öxlinni og vissulega er einhver tenging þar.“Þórður er hæstánægður með húðflúrið en hefði eftir á að hyggja viljað sleppa stöfunum. "Ég set bara plástur yfir," segir hann og hlær.Þórður lætur flúra sig á Irezumi sem er til húsa að Laugavegi 69. Vinur hans Annel Helgi, eða Angelito eins og hann er kallaður í húðflúrheiminum, rekur stofuna og á heiðurinn að Hallgrímskirkjuhúðflúrinu. Hann fær auk þess til sín gestaflúrara að utan sem hafa flúrað hendurnar á Þórði. Þórður stefnir að því að fá sér ermi niður hægri handlegg og er þegar kominn með verk frá öxl og niður að olnboga. Hann er svo með flúr yfir þríhöfðann á þeirri vinstri. Þá er hann með flúr á lærinu sem var jafnframt hans fyrsta húðflúr. „Í fyrstu fannst mér það góður staður enda auðvelt að fela það en nú er ég alveg hættur að spá í það enda húðflúr að verða sífellt meira áberandi.“ Aðspurður segir Þórður sífellt fleiri knattspyrnumenn skarta húðflúri. „Það eru margir með flúraðar hendur og erlendis sjást sífellt fleiri knattspyrnumenn með húðflúr á fótunum líka. Ég hugsa að sú bylgja eigi rætur að rekja til ítalska fótboltamannsins Marco Materazzi sem lét húðflúra bikar á lærið á sér eftir að hafa unnið í HM í fótbolta árið 2006. Hann er algert villidýr og voru margir sem fylgdu á eftir. Hér á landi eru þó enn þá fleiri með á handleggjum en fótum.“Þórður er alinn upp í Þingholtunum og gekk fram hjá Hallgrímskirkju á hverjum degi á leið í skólann sem barn. Hann er ekki trúaður en lítur á kirkjuna sem kennileiti Þingholtanna.MYND/ANTONÞórður aðhyllist ekki endilega einn ákveðinn húðflúrsstíl þó hann sé óneitanlega mest í svörtu og hvítu. „Ég er með ofnæmi fyrir rauða litnum en er svolítið að leika mér með bláan í bland. Hallgrímskirkjuhúðflúrið byggist upp á hreinum línum og ég væri hæstánægður með það ef ég hefði ekki tekið upp á því að fara að skrifa fyrir ofan það. Þar sem ég er trúleysingi sleppti ég krossinum og auk þess setti ég lógó uppáhalds hiphop-hljómsveitar minnar Jurassic 5 inn í klukkuna. Sumir fetta fingur út í það á meðan öðrum finnst það geðveikt, en ég sé aðallega eftir því að hafa skrifað Freedom fyrir ofan kirkjuna sem er nafn á lagi eftir þessa sömu hljómsveit. Ef ég hefði sleppt því hefði flúrið orðið alveg „clean“ sem hefði eftir á að hyggja verið flottara.“ Þórður er þó ekki af baki dottinn og segir lítið mál að flúra yfir. „Svo get ég líka bara sett plástur,“ segir hann og hlær. „Þá er aldrei að vita nema maður skelli sér í laser-fræðin. Það er örugglega ágætis „business“ enda hlýtur að vera fullt af fólki þarna úti sem vill losna við gömlu tribal-tattúin.“
Húðflúr Mest lesið „Það braut ísinn að við hefðum deitað sama gaurinn“ Lífið „Ég var heppinn. En ekki hann“ Lífið „Það er önnur hver gella með í vörunum“ Lífið Karlmennskuhlaðvarpið heyrir sögunni til Lífið Fréttatía vikunnar: Körfubolti, laxaastmi og stýrivextir Lífið Ólafur Ragnar skellti sér á sæþotu eftir langan dag Lífið Gómsætar haustkökur að hætti Elenoru Lífið Simmi Vill og Sunneva Einars létu sig ekki vanta á Jókerinn Lífið Skrúfaði titrarann í sundur til að forða nágrönnum frá ónæði Lífið Áslaug Arna fór í meðferð til að vinna bug á köngulóafælni Lífið Fleiri fréttir Karlmennskuhlaðvarpið heyrir sögunni til „Ég var heppinn. En ekki hann“ „Það er önnur hver gella með í vörunum“ Gómsætar haustkökur að hætti Elenoru „Það braut ísinn að við hefðum deitað sama gaurinn“ Fréttatía vikunnar: Körfubolti, laxaastmi og stýrivextir Áslaug Arna fór í meðferð til að vinna bug á köngulóafælni Ólafur Ragnar skellti sér á sæþotu eftir langan dag Simmi Vill og Sunneva Einars létu sig ekki vanta á Jókerinn Vill að Menendez bræðrum verði veitt frelsi Skrúfaði titrarann í sundur til að forða nágrönnum frá ónæði Eminem verður afi Foreldrar minnka við sig svo börnin geti keypt fyrstu eign „Mikilvægt að umkringja sig fólki sem veitir manni innblástur“ Það er töff að vera sauðfjárbóndi Ingunn Lára gengin út með Celebi Elt á röndum með drónum Rauða dreglinum rúllað út fyrir Svörtu sanda „Þetta er alveg áhugavert en ekki jafn áhugavert og Instagramið mitt“ Tína sveppi í íslenskri náttúru og nýta til fulls „Eini glæpur okkar var sá að verða ástfangin“ Krem í tísku sem séu börnum stórhættuleg Barnabarn Kurt Cobain og Tony Hawk í heiminn Draumur Lilju rættist á tískuvikunni í París Eitt huggulegasta par landsins selur íbúð með fallegum stigagangi Sigmundur birtist fyrirvaralaust Breskur Eurovision-sigurvegari látinn Gerður Huld seldi húsið á 239 milljónir „Stór hluti af samfélaginu okkar“ Haldið í hefðina í Hafnarfirði eftir óhapp Ólafs Sjá meira