Af hverju er ég ekki gröð?

Eitt algengasta áhyggjuefni kvenna í tengslum við kynlíf er skortur á kynlöngun.

Það geta margir þættir spilað þar inní og oftar en ekki eru það fleiri en einn þáttur því allt getur þetta hangið á einni og sömu spýtunni.

Hér eru fimm algengustu ástæðurnar fyrir því að þú ert ekki gröð.

1. Lífefnafræði

Það getur verið hormónaójafnvægi í líkamanum og um leið og hormónin fara í flækju og of lítið er af sumum hormónum, eða of mikið af öðrum, þá getur það haft áhrif á kynlöngunin

2. Hugsanir og tilfinningar

Það er vitað að þunglyndi og/eða kvíði getur dregið úr kynlöngun. Þú þarft þó ekki að vera langt niðri til að hugsanir trufli kynlöngun og unað í kynlífi. Ef þú átt erfitt með að beita huganum til að kveikja á greddu eða halda þér við efnið þegar ert orðin gröð þá geta hugsanir drepið alla kynlöngun, sérstaklega ef þú ert farin að huga að vinnunni, heimilisþrifum eða barnauppeldi í miðjum klíðum. Hugsanir eru nauðsynlegar fyrir kynlöngun og þá skiptir máli að þær kveiki í þér en ekki slökkvi.

3. Líkamsímynd

Það skiptir máli að elska sjálfan sig eins og maður er og líða vel í eigin skinni. Það skiptir sérstaklega miklu máli í kynlífi að vera í núinu og vera meira en bara lögun líkamans og í stað þess að hugsa um mögulegar misfellur að njóta snertingar og pæla bara í unaði en ekki krumpum, fellingum og appelsínuhúð. Hér þarf að ýta til hliðar pælingum um hvað mætti tóna betur því snípurinn spyr ekki um aukakíló eða stinnan rass, hann vill bara láta hugsa um sig, til sín og láta nudda sig.

4. Fullnægingarleysi

Kynlöngun eykast eftir því sem fullnægingarnar og unaðurinn verður meiri, þannig er kynlíf í skemmtilegri endurgjöf. Gott kynlíf kveikir á löngun í meira kynlíf. Staðreyndin er hins vegar sú að konur eiga oft erfitt með að fá fullnægingu, sérstaklega í samförum við typpi. Það er erfitt að langa í kynlíf ef þér finnst það ekki gott. Fyrsta skrefið í átt að fullnægingu er með sleipiefni í sjálfsfróun þar sem snípurinn er nuddaður. Svo þarf að nudda snípinn líka ef samfarir eru stundaðar.

5. Þreyta

Þú ert þreytt, það skilur hver heilvita maður enda er fólk oft mjög þreytt. Eina ráðið við því er að sofa þegar maður getur sofið og finna útúr því hvenær greddan er sem mest og vinna út frá þeim tíma. Ef greddan nær hámarki um kl.14 þá er spurning um að kanna hvort hægt sé að skipuleggja vikulegan fund með maka þá og hittast heima í klukkustund eða svo. Það þarf að vinna með tímasetningar og skipuleggja sig og það má vel keyra upp greddu við að láta sér hlakka til kynlífs með fastri tímasetningu.

Nú er bara að fara í gegnum listann og staðsetja þig og finna út hvað þú getur gert til að keyra upp gredduna!