Umfjöllun, viðtöl, einkunnir og myndir: FH - Víkingur 1-0 | Enn skorar Atli Viðar Ingvi Þór Sæmundsson skrifar 1. júní 2014 14:01 Vísir / Vilhelm Gunnarsson Þriðja mark Atla Viðars Björnssonar í sumar tryggði FH 1-0 sigur á Víkingi R. í hörkuleik í Kaplakrika í kvöld. FH-ingar byrjuðu leikinn mun betur; héldu boltanum vel og settu Víkinga undir mikla pressu sem þeir áttu í vandræðum með að leysa.Atlarnir, Viðar Björnsson og Guðnason gerðu sig líklega til að skora snemma leiks, en það var Keflvíkingurinn Hólmar Örn Rúnarsson sem komst næst því að skora fyrir FH á 12. mínútu þegar skot hans fyrir utan vítateig hafnaði í slá Víkingsmarksins. Atli Viðar fékk sömuleiðis gott færi til að skora á 29. mínútu, en hann náði ekki miklum krafti í skotið sem Ingvar Þór Kale átti ekki í miklum vandræðum með. Annars vörðust gestirnir vel. Varnarlínan lá aftarlega og fyrir framan hana voru fyrirliðinn Igor Taskovic og Kristinn Magnússon sterkir. Víkingar áttu hins vegar varla teljandi sókn í fyrri hálfleiknum og þeir hefðu að ósekju mátt vera hugrakkari að halda boltanum eins og Ólafur Þórðarson, þjálfari liðsins, sagði í viðtali við undirritaðan eftir leik. Það er ekkert leyndarmál að sóknarleikur Víkinga stendur og fellur með Aroni Elís Þrándarsyni og það hlýtur að vera áhyggjuefni fyrir Ólaf hversu háð liðið er þessum tvítuga strák í sóknarleiknum. Aron kom inn á í hálfleik ásamt Agnari Darra Sverrissyni og hann lífgaði sóknarleik Víking við. Með innkomu hans náðu Víkingar að halda boltanum betur og þeir fóru að ógna marki FH. Aron átti tvær ágætar tilraunir, en það var á 64. mínútu sem Víkingar fengu sitt besta færi þegar Pape Mamadou Faye slapp einn í gegnum FH-vörnina eftir stungusendingu Todors Hristov. Pape reyndi að skjóta boltanum milli fóta Róberts Arnars Óskarssonar sem sá við framherjanum og varði vel. Þetta reyndist vendipunktur leiksins. Tíu mínútum síðar slapp Atli Viðar í gegnum Víkingsvörnina eftir þríhyrningsspil við varamanninn Sam Hewson og Dalvíkingnum urðu ekki á nein mistök, ólíkt kollega sínum í Víkingsliðinu. Eftir markið spiluðu FH-ingar sinn besta fótbolta í leiknum. Þeir héldu boltanum vel og drógu smám saman kraftinn úr Víkingsliðinu. Heimamenn fengu svo kjörið tækifæri til að bæta við forystuna þegar Tómas Guðmundsson braut á Atla Guðnasyni innan vítateigs. Ingimundur Níels Óskarsson steig á punktinn en Ingvar varði spyrnu hans frábærlega. Fleiri urðu mörkin ekki og FH-ingar fögnuðu sínum fjórða sigri í sumar. Hafnfirðingar sitja nú á toppi Pepsi-deildarinnar með 14 stig, þremur fleiri en Keflavík sem gerði jafntefli við Fjölni í kvöld. FH hefur aðeins skorað átta mörk í leikjunum sex og sóknarleikur liðsins hefur ekki verið jafn öflugur og við höfum átt að venjast. Vörnin hefur hins vegar verið ógnarsterk, en FH hefur haldið fjórum sinnum hreinu í deildinni. Víkingar spiluðu fínan leik og áttu alla möguleika á að fara heim með stig. Færið sem Pape misnotaði reyndist þeim hins vegar dýrkeypt, sem og augnabliks einbeitingarleysi í vörninni þegar Atli Viðar slapp í gegn. Víkingar eru samt sem áður í ágætis málum með sjö stig í 7. sæti deildarinnar. Stuðningsmenn liðsins hljóta hins vegar að krossleggja fingur og vonast til að Aron Elís haldist heill. Annars gæti farið illa. Heimir: Með innkomu Hewsons fór boltinn að ganga beturVísir/Vilhelm"Það sem skóp sigurinn var að Atli Viðar Björnsson var réttur maður á réttum stað og kláraði þetta fyrir okkur, en leikur liðsins hefði á köflum mátt vera betri," sagði Heimir Guðjónsson, þjálfari FH eftir sigur hans manna á Víkingum í kvöld. FH-ingar voru meira með boltann í fyrri hálfleik en náðu ekki að skapa sér mikið af góðum færum. "Það sem var að í fyrri hálfleik, og einnig í þeim seinni, var að við vorum að spila boltanum of mikið í sömu svæðunum í staðinn fyrir að færa boltann milli vængjanna og hreyfa Víkinganna til. "Víkingar spiluðu mjög vel fyrstu 20-25 mínúturnar í seinni hálfleik og þá vorum við ekki nógu nálægt mönnunum okkar, vorum of staðir og áttum of margar lélegar sendingar," sagði Heimir, en tvöfalda skiptingin sem hann gerði á 70. mínútu virkaði mjög vel. "Mér fannst þeir lífga upp á leik liðsins. Bæði Ingimundur Níels Óskarsson og Sam Hewson eru frábærir leikmenn og með innkomu Hewsons fór boltinn að ganga betur. Hann tók boltann og skipti honum milli kanta og Ingimundur var einnig frískur." FH situr í toppsæti Pepsi-deildarinnar með 14 stig eftir sex leiki. En hefur Heimir áhyggjur af því að FH skuli ekki vera búið að skora nema átta mörk í leikjunum sex. "Nei, við höfum ekki áhyggjur af sóknarleiknum, en við þurfum að skora meira," sagði Heimir að lokum. Ólafur: Vorum skíthræddir við að spila fótbolta í fyrri hálfleikVísir/Vilhelm"Það er auðvitað ljóst að í staðinn fyrir að komast í 1-0, þá lendum við undir skömmu síðar. Auðvitað er mikilvægt að menn klári færin sín, en því miður hafa FH-ingar það mikil gæði að þeir þurfa ekki mörg færi til að skora. Á meðan þurfum við kannski helmingi fleiri færi en þeir til að skora mörk," sagði Ólafur Þórðarson, þjálfari Víkinga, um færið sem Pape Mamadou Faye fékk eftir rúmlega klukkutíma leik. Víkingar spiluðu sterkan varnarleik lengst af leiks, en Ólafur var óánægður með sóknarleik sinna manna í fyrri hálfleiknum. "Við náðum að loka mjög vel á þá allan fyrri hálfleikinn, en það olli okkur smá vandræðum að við þorðum ekki að spila boltanum. Við vorum skíthræddir við að spila fótbolta í fyrri hálfleik, en með innkomu Arons (Elísar Þrándarsonar) þá fengum við leikmann sem hélt boltanum vel og hann kom með meiri gæði í sóknarleik okkar. "Það vantaði bara pung á okkur til að spila fótbolta í fyrri hálfleik, það er ósköp einfalt mál," sagði Ólafur og bætti við: "Við eigum 3-4 skot í seinni hálfleik, öll lengst út í bláinn og ekkert á rammann. Frumskilyrðið fyrir því að skora mörk er að hitta á rammann og það tókst ekki hjá okkur í dag." Pepsi Max-deild karla Mest lesið „Virkilegt áhyggjuefni fyrir þessa Evrópuleiki“ Fótbolti Sjáðu hjólhestaspyrnuna sem bjargaði Englendingum Fótbolti England heimsmeistari í fimmta sinn Sport Segja ballið búið hjá Heimi og Jamaíka Fótbolti „Vorum að hugsa um að taka Bellingham út af“ Fótbolti Njarðvík mistókst að komast á toppinn og botnliðið náði í mikilvæg stig Fótbolti Þjálfari Dana mætti reiður með síma í viðtal: „Svona á fótbolti ekki að vera“ Fótbolti Almar skoraði fjörutíu stig þegar Ísland varð Norðurlandameistari Körfubolti Þjóðverjar með algjöra yfirburði í seinni hálfleik og á leið í átta liða úrslit Fótbolti Spánverjar í átta liða úrslit en ævintýri Georgíu á enda Fótbolti Fleiri fréttir Leik lokið: Víkingur R. - Fram 2-1 | Meistararnir héldu út Evrópubikarmeistarinn skoraði tvö mörk í fjórðu deildinni „Það væri gaman að fylla Laugardalsvöllinn og ég held að það sé alveg möguleiki“ Uppgjör og viðtöl: Valur - Þróttur 3-0 | Valskonur í bikarúrslit Pálmi klárar tímabilið með KR Sjáðu dramatíkina á Akranesi og hvernig FH og KA unnu sína leiki Uppgjör: Þór/KA 1-2 Breiðablik | Írena kom Blikum í bikarúrslitin með marki beint úr horni „Fannst við vera betri allan leikinn“ Uppgjör og viðtöl: HK - KA 1-2 | KA sloppið úr fallsæti eftir tvo sigra í röð „Við börðumst eins og ljón“ Uppgjör og viðtöl: ÍA - Valur 3-2 | Steinar tryggði Skagamönnum sigur á síðustu stundu Uppgjör og viðtöl: FH- Breiðablik 1-0 | Ástbjörn reyndist hetja FH-liðsins þegar liðið vann Breiðablik „Hann mun sjá það sjálfur þegar hann horfir á þetta aftur“ Sjáðu Norðurálsmótið: HK-ingar hörkuðu af sér þegar hinir voru að tudda Niðurstöður veðmálakönnunar áhyggjuefni: „Brýnt málefni fyrir fótboltasamfélagið í heild sinni að skoða“ Sjáðu Víking rúlla yfir Stjörnuna, Fylki jafna tvisvar í Vesturbænum og góða ferð Fram á Ísafjörð „Það leggst ekkert á mig að þurfa að byrja á bekknum“ „Þetta var allt of lélegt hjá okkur og ég er drullu pirraður“ „Gaf okkur svar í dag og vonandi fæ ég svar áfram“ Uppgjör, viðtöl og myndir: KR - Fylkir 2-2 | Áfram heldur Pálmi Rafn að gera jafntefli Uppgjör: Stjarnan - Víkingur 0-4 | Algjörir yfirburðir gestanna í Garðabæ Kæra fólskulegt brot í Kaplakrika: „Einbeittur brotavilji“ Kristján stígur til hliðar hjá Stjörnunni Uppgjör og viðtöl: Vestri - Fram 1-3 | Þægilegt fyrir Fram á Ísafirði Stjörnur tímabilsins í Bestu deild karla Fjölnir jafnar Njarðvík á toppnum eftir nágrannaslagi kvöldsins Uppgjör, viðtöl og myndir: FH - Tindastóll 4-1 | Heimakonur aftur á sigurbraut Guðni: Þurftum að fá mark á okkur til þess að hafa nennt að standa í þessu „Hún gaf mér olnbogaskot í andlitið því hún var pirruð“ Selma Dögg: John hefur alltaf svo mikla trú á okkur Sjá meira
Þriðja mark Atla Viðars Björnssonar í sumar tryggði FH 1-0 sigur á Víkingi R. í hörkuleik í Kaplakrika í kvöld. FH-ingar byrjuðu leikinn mun betur; héldu boltanum vel og settu Víkinga undir mikla pressu sem þeir áttu í vandræðum með að leysa.Atlarnir, Viðar Björnsson og Guðnason gerðu sig líklega til að skora snemma leiks, en það var Keflvíkingurinn Hólmar Örn Rúnarsson sem komst næst því að skora fyrir FH á 12. mínútu þegar skot hans fyrir utan vítateig hafnaði í slá Víkingsmarksins. Atli Viðar fékk sömuleiðis gott færi til að skora á 29. mínútu, en hann náði ekki miklum krafti í skotið sem Ingvar Þór Kale átti ekki í miklum vandræðum með. Annars vörðust gestirnir vel. Varnarlínan lá aftarlega og fyrir framan hana voru fyrirliðinn Igor Taskovic og Kristinn Magnússon sterkir. Víkingar áttu hins vegar varla teljandi sókn í fyrri hálfleiknum og þeir hefðu að ósekju mátt vera hugrakkari að halda boltanum eins og Ólafur Þórðarson, þjálfari liðsins, sagði í viðtali við undirritaðan eftir leik. Það er ekkert leyndarmál að sóknarleikur Víkinga stendur og fellur með Aroni Elís Þrándarsyni og það hlýtur að vera áhyggjuefni fyrir Ólaf hversu háð liðið er þessum tvítuga strák í sóknarleiknum. Aron kom inn á í hálfleik ásamt Agnari Darra Sverrissyni og hann lífgaði sóknarleik Víking við. Með innkomu hans náðu Víkingar að halda boltanum betur og þeir fóru að ógna marki FH. Aron átti tvær ágætar tilraunir, en það var á 64. mínútu sem Víkingar fengu sitt besta færi þegar Pape Mamadou Faye slapp einn í gegnum FH-vörnina eftir stungusendingu Todors Hristov. Pape reyndi að skjóta boltanum milli fóta Róberts Arnars Óskarssonar sem sá við framherjanum og varði vel. Þetta reyndist vendipunktur leiksins. Tíu mínútum síðar slapp Atli Viðar í gegnum Víkingsvörnina eftir þríhyrningsspil við varamanninn Sam Hewson og Dalvíkingnum urðu ekki á nein mistök, ólíkt kollega sínum í Víkingsliðinu. Eftir markið spiluðu FH-ingar sinn besta fótbolta í leiknum. Þeir héldu boltanum vel og drógu smám saman kraftinn úr Víkingsliðinu. Heimamenn fengu svo kjörið tækifæri til að bæta við forystuna þegar Tómas Guðmundsson braut á Atla Guðnasyni innan vítateigs. Ingimundur Níels Óskarsson steig á punktinn en Ingvar varði spyrnu hans frábærlega. Fleiri urðu mörkin ekki og FH-ingar fögnuðu sínum fjórða sigri í sumar. Hafnfirðingar sitja nú á toppi Pepsi-deildarinnar með 14 stig, þremur fleiri en Keflavík sem gerði jafntefli við Fjölni í kvöld. FH hefur aðeins skorað átta mörk í leikjunum sex og sóknarleikur liðsins hefur ekki verið jafn öflugur og við höfum átt að venjast. Vörnin hefur hins vegar verið ógnarsterk, en FH hefur haldið fjórum sinnum hreinu í deildinni. Víkingar spiluðu fínan leik og áttu alla möguleika á að fara heim með stig. Færið sem Pape misnotaði reyndist þeim hins vegar dýrkeypt, sem og augnabliks einbeitingarleysi í vörninni þegar Atli Viðar slapp í gegn. Víkingar eru samt sem áður í ágætis málum með sjö stig í 7. sæti deildarinnar. Stuðningsmenn liðsins hljóta hins vegar að krossleggja fingur og vonast til að Aron Elís haldist heill. Annars gæti farið illa. Heimir: Með innkomu Hewsons fór boltinn að ganga beturVísir/Vilhelm"Það sem skóp sigurinn var að Atli Viðar Björnsson var réttur maður á réttum stað og kláraði þetta fyrir okkur, en leikur liðsins hefði á köflum mátt vera betri," sagði Heimir Guðjónsson, þjálfari FH eftir sigur hans manna á Víkingum í kvöld. FH-ingar voru meira með boltann í fyrri hálfleik en náðu ekki að skapa sér mikið af góðum færum. "Það sem var að í fyrri hálfleik, og einnig í þeim seinni, var að við vorum að spila boltanum of mikið í sömu svæðunum í staðinn fyrir að færa boltann milli vængjanna og hreyfa Víkinganna til. "Víkingar spiluðu mjög vel fyrstu 20-25 mínúturnar í seinni hálfleik og þá vorum við ekki nógu nálægt mönnunum okkar, vorum of staðir og áttum of margar lélegar sendingar," sagði Heimir, en tvöfalda skiptingin sem hann gerði á 70. mínútu virkaði mjög vel. "Mér fannst þeir lífga upp á leik liðsins. Bæði Ingimundur Níels Óskarsson og Sam Hewson eru frábærir leikmenn og með innkomu Hewsons fór boltinn að ganga betur. Hann tók boltann og skipti honum milli kanta og Ingimundur var einnig frískur." FH situr í toppsæti Pepsi-deildarinnar með 14 stig eftir sex leiki. En hefur Heimir áhyggjur af því að FH skuli ekki vera búið að skora nema átta mörk í leikjunum sex. "Nei, við höfum ekki áhyggjur af sóknarleiknum, en við þurfum að skora meira," sagði Heimir að lokum. Ólafur: Vorum skíthræddir við að spila fótbolta í fyrri hálfleikVísir/Vilhelm"Það er auðvitað ljóst að í staðinn fyrir að komast í 1-0, þá lendum við undir skömmu síðar. Auðvitað er mikilvægt að menn klári færin sín, en því miður hafa FH-ingar það mikil gæði að þeir þurfa ekki mörg færi til að skora. Á meðan þurfum við kannski helmingi fleiri færi en þeir til að skora mörk," sagði Ólafur Þórðarson, þjálfari Víkinga, um færið sem Pape Mamadou Faye fékk eftir rúmlega klukkutíma leik. Víkingar spiluðu sterkan varnarleik lengst af leiks, en Ólafur var óánægður með sóknarleik sinna manna í fyrri hálfleiknum. "Við náðum að loka mjög vel á þá allan fyrri hálfleikinn, en það olli okkur smá vandræðum að við þorðum ekki að spila boltanum. Við vorum skíthræddir við að spila fótbolta í fyrri hálfleik, en með innkomu Arons (Elísar Þrándarsonar) þá fengum við leikmann sem hélt boltanum vel og hann kom með meiri gæði í sóknarleik okkar. "Það vantaði bara pung á okkur til að spila fótbolta í fyrri hálfleik, það er ósköp einfalt mál," sagði Ólafur og bætti við: "Við eigum 3-4 skot í seinni hálfleik, öll lengst út í bláinn og ekkert á rammann. Frumskilyrðið fyrir því að skora mörk er að hitta á rammann og það tókst ekki hjá okkur í dag."
Pepsi Max-deild karla Mest lesið „Virkilegt áhyggjuefni fyrir þessa Evrópuleiki“ Fótbolti Sjáðu hjólhestaspyrnuna sem bjargaði Englendingum Fótbolti England heimsmeistari í fimmta sinn Sport Segja ballið búið hjá Heimi og Jamaíka Fótbolti „Vorum að hugsa um að taka Bellingham út af“ Fótbolti Njarðvík mistókst að komast á toppinn og botnliðið náði í mikilvæg stig Fótbolti Þjálfari Dana mætti reiður með síma í viðtal: „Svona á fótbolti ekki að vera“ Fótbolti Almar skoraði fjörutíu stig þegar Ísland varð Norðurlandameistari Körfubolti Þjóðverjar með algjöra yfirburði í seinni hálfleik og á leið í átta liða úrslit Fótbolti Spánverjar í átta liða úrslit en ævintýri Georgíu á enda Fótbolti Fleiri fréttir Leik lokið: Víkingur R. - Fram 2-1 | Meistararnir héldu út Evrópubikarmeistarinn skoraði tvö mörk í fjórðu deildinni „Það væri gaman að fylla Laugardalsvöllinn og ég held að það sé alveg möguleiki“ Uppgjör og viðtöl: Valur - Þróttur 3-0 | Valskonur í bikarúrslit Pálmi klárar tímabilið með KR Sjáðu dramatíkina á Akranesi og hvernig FH og KA unnu sína leiki Uppgjör: Þór/KA 1-2 Breiðablik | Írena kom Blikum í bikarúrslitin með marki beint úr horni „Fannst við vera betri allan leikinn“ Uppgjör og viðtöl: HK - KA 1-2 | KA sloppið úr fallsæti eftir tvo sigra í röð „Við börðumst eins og ljón“ Uppgjör og viðtöl: ÍA - Valur 3-2 | Steinar tryggði Skagamönnum sigur á síðustu stundu Uppgjör og viðtöl: FH- Breiðablik 1-0 | Ástbjörn reyndist hetja FH-liðsins þegar liðið vann Breiðablik „Hann mun sjá það sjálfur þegar hann horfir á þetta aftur“ Sjáðu Norðurálsmótið: HK-ingar hörkuðu af sér þegar hinir voru að tudda Niðurstöður veðmálakönnunar áhyggjuefni: „Brýnt málefni fyrir fótboltasamfélagið í heild sinni að skoða“ Sjáðu Víking rúlla yfir Stjörnuna, Fylki jafna tvisvar í Vesturbænum og góða ferð Fram á Ísafjörð „Það leggst ekkert á mig að þurfa að byrja á bekknum“ „Þetta var allt of lélegt hjá okkur og ég er drullu pirraður“ „Gaf okkur svar í dag og vonandi fæ ég svar áfram“ Uppgjör, viðtöl og myndir: KR - Fylkir 2-2 | Áfram heldur Pálmi Rafn að gera jafntefli Uppgjör: Stjarnan - Víkingur 0-4 | Algjörir yfirburðir gestanna í Garðabæ Kæra fólskulegt brot í Kaplakrika: „Einbeittur brotavilji“ Kristján stígur til hliðar hjá Stjörnunni Uppgjör og viðtöl: Vestri - Fram 1-3 | Þægilegt fyrir Fram á Ísafirði Stjörnur tímabilsins í Bestu deild karla Fjölnir jafnar Njarðvík á toppnum eftir nágrannaslagi kvöldsins Uppgjör, viðtöl og myndir: FH - Tindastóll 4-1 | Heimakonur aftur á sigurbraut Guðni: Þurftum að fá mark á okkur til þess að hafa nennt að standa í þessu „Hún gaf mér olnbogaskot í andlitið því hún var pirruð“ Selma Dögg: John hefur alltaf svo mikla trú á okkur Sjá meira
Uppgjör og viðtöl: FH- Breiðablik 1-0 | Ástbjörn reyndist hetja FH-liðsins þegar liðið vann Breiðablik
Niðurstöður veðmálakönnunar áhyggjuefni: „Brýnt málefni fyrir fótboltasamfélagið í heild sinni að skoða“