Grimmur gyðingur fallinn frá

Ariel Sharon eða אריאל שרון á hebresku, fæddist 26.febrúar 1928. Hann lést á sjúkrahúsinu Sheba í Ísrael 11.janúar 2014. Foreldrar hans voru hjónin Schmuel Scheinerman (1896-1956) og Vera (née Schneirov) Scheinerman (1900-1988). Sharon varð ekkill tvisvar, fyrri kona hans Margalit, lést í bílslysi 1962. Sonur þeirra Gur, lést 1967 eftir að vinur hans skaut hann óvart þar sem þeir léku sér með riffil. Sharon kvæntist síðan yngri systur látinnar eiginkonu sinnar, Lily. Þau áttu saman tvo syni, Omri og Gilad. Lily Sharon lést af völdum lungnakrabba árið 2000.

Sharon fæddist og ólst upp í Palestínu. Ungur var hann farinn að taka þátt í æskulýðsstarfi þarna fyrir botni Miðjarðarhafs sem fólst aðallega í vopnuðum næturleiðangrum og skæruhernaði gegn Aröbum. Hann lærði sagnfræði og menningarfræði miðausturlanda við Hebrew University of Jerusalem, ásamt því að skjóta á Araba, og var lýst sem óhlýðnum, árásargjörnum en snjöllum herforingja. Svona Sigmundur Davíð síns tíma.

Hvernig kveður maður hugrakkan stríðsmann eins og Ariel Sharon eða אריאל שרון minn? Sennilega væri við hæfi að keyra yfir leikskóla á skriðdreka, eyðileggja friðarviðræður einhverstaðar, sprengja upp íbúðarhús eða múra eitthvað leiðindasveitarfélag inni og einangra frá okkur hinum, honum til heiðurs.

Það er ljóst að mikill maður er fallinn frá. Þegar sum myndbönd af honum eru skoðuð er ótrúlegt að hann hafi getað gengið, hann er svo feitur. Það er sagt að sumir borða til að deyfa sjálfan sig. Þegar maður hefur jafnmikið á samviskunni og Sharon er því ekki óeðlilegt að fá sér stundum í gogginn.

Þegar Sharon lést hafði hann legið í dái í átta ár eftir heilablóðfall og maður getur ekki annað en hugsað til þess hverju hann hefði getað áorkað á þeim tíma hefði hann verið heill heilsu. Dugnaðarforkur eins og hann, sem tókst að sannfæra menn um að Arafat hjálpaði Osama bin Laden, var á móti nánast öllum friðarsamningum og lýsti atviki þar sem Ísraelskur flugmaður sprengdi íbúðarblokk á Gaza þar sem níu börn létu lífið sem „a great success“, hefði vafalaust unnið fleiri sigra.

Eitt er víst að Sharon minn væri algjörlega á móti mosku í Sogamýri.

Hvíldu í friði ljósið mitt.