Kosningaloforðin eru rétt að byrja Mikael Torfason skrifar 4. apríl 2013 07:00 Í dag eru rétt rúmar þrjár vikur til kosninga. Samkvæmt skoðanakönnunum er Framsóknarflokkurinn stærstur, Sjálfstæðisflokkurinn hefur aðeins einu sinni mælst minni og stjórnarflokkarnir tveir, Vinstri græn og Samfylking, bíða afhroð. Stærsta nýja framboðið er Björt framtíð, afleggjari frá Besta flokknum sem vann stórsigur í Reykjavík í síðustu sveitarstjórnarkosningum. Þetta eru allt stórtíðindi og það verður hart barist á næstu vikum. Mjög margir kjósendur eru enn óákveðnir og fylgið virðist vera á floti. Um tuttugu þúsund nýir kjósendur eru á kjörskrá og kannanir benda til að sá kjósendahópur sé ekkert endilega hallur undir stóru flokkana. Þannig myndu Píratar fá örugga fimm þingmenn, samkvæmt síðustu skoðanakönnun Fréttablaðsins og Stöðvar 2, ef atkvæði nýrra kjósenda fengju að ráða. Þegar allir kjósendur eru annars vegar ná Píratar ekki yfir fimm prósenta þröskuldinn. Nærri þriðjungur kjósenda í síðustu alþingiskosningum ákvað hvað hann ætlaði að kjósa á sjálfan kjördag. Þetta kemur fram í frétt á blaðsíðu 6 í Fréttablaðinu í dag. Fastafylgi stóru flokkanna er ekki eins tryggt og það hefur verið. Í dag er miklu meiri hreyfing á fylgi flokka, að því er virðist. Það verður því hart barist um óákveðnu atkvæðin á næstu þremur vikum. Líklega verður það gert með stóryrtum loforðum. Forsvarsfólk flokkanna á eftir að lofa meiru og meiru næstu vikur. Það eru litlar líkur á að hér fari fram umræða um hófsamar og skynsamlegar lausnir á málefnum þjóðarinnar. Miklu líklegra er að umræðan fari fram í stærri og stærri yfirlýsingum. Stærsti flokkurinn samkvæmt könnunum er líka sá flokkur sem hefur lofað mestu. Um þriðjungur kjósenda segist ætla að kjósa Framsóknarflokkinn. Hann mælist stærstur. Andstæðingar væna flokkinn um lýðskrum og segja kosningaloforðin allt of stór. Stuðningsmenn formannsins, Sigmundar Davíðs Gunnlaugssonar, svara því til að þeirra maður hafi staðið í lappirnar í Icesave-málinu. Hann virðist eiga fullt inni hjá þjóðinni sem var sammála honum þegar kom að því að hafna Icesave-samningnum. Það gerði fólk þrátt fyrir spár um að Ísland yrði að Kúbu norðursins ef ekki yrði samið. Það er því ekki nema von að nærri þriðjungur þjóðarinnar yppi öxlum þegar sérfræðingar segja að kosningaloforð Framsóknar um að lækka skuldir heimilanna muni velta hér öllu á hliðina. Fólk hefur misst traust á slíkum yfirlýsingum og veit fyrir víst að ástarbréfaviðskipti Seðlabanka til dæmis og endurreisn bankakerfisins kostuðu okkur meira en tillögur Framsóknar eiga að kosta. Litlar líkur eru á að Sigmundi Davíð Gunnlaugssyni fatist flugið á næstu þremur vikum. Við eigum samt eftir að sjá hvernig fylgi hans mun sveiflast á næstu vikum þegar aðrir flokkar byrja að lofa meiru og meiru. Viltu birta grein á Vísi? Sendu okkur póst. Senda grein Kosningar 2013 Skoðun Mikael Torfason Mest lesið Gulldrengir Landspítala (Ekki KSÍ): Sönn saga um spillingu Sigurlaug Guðrún Kristjánsdóttir Skoðun Má fjársýslan semja við Rapyd? Gunnar Már Gunnarsson,Sindri Kristjánsson Skoðun Var jafnrétti í heiðri haft af ráðherra jafnréttismála? Erna Guðmundsdóttir Skoðun Lýst yfir hættustigi vegna áfengisdrykkju Gunnar Hersveinn Skoðun Kominn tími til að laga lýðræðishallann og skapa traust til stjórnmálanna Magnea Marinósdóttir Skoðun „Það eru allir með ADHD“ Tómas Páll Þorvaldsson Skoðun Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun Ráðvilltur ráðgjafi ríkisstjórnar Ásgeir Daníelsson Skoðun Brúin yfir Fossvog Sigurður Oddsson Skoðun Ímyndaðu þér að þú sért átján ára stúlka... Stella Samúelsdóttir Skoðun
Í dag eru rétt rúmar þrjár vikur til kosninga. Samkvæmt skoðanakönnunum er Framsóknarflokkurinn stærstur, Sjálfstæðisflokkurinn hefur aðeins einu sinni mælst minni og stjórnarflokkarnir tveir, Vinstri græn og Samfylking, bíða afhroð. Stærsta nýja framboðið er Björt framtíð, afleggjari frá Besta flokknum sem vann stórsigur í Reykjavík í síðustu sveitarstjórnarkosningum. Þetta eru allt stórtíðindi og það verður hart barist á næstu vikum. Mjög margir kjósendur eru enn óákveðnir og fylgið virðist vera á floti. Um tuttugu þúsund nýir kjósendur eru á kjörskrá og kannanir benda til að sá kjósendahópur sé ekkert endilega hallur undir stóru flokkana. Þannig myndu Píratar fá örugga fimm þingmenn, samkvæmt síðustu skoðanakönnun Fréttablaðsins og Stöðvar 2, ef atkvæði nýrra kjósenda fengju að ráða. Þegar allir kjósendur eru annars vegar ná Píratar ekki yfir fimm prósenta þröskuldinn. Nærri þriðjungur kjósenda í síðustu alþingiskosningum ákvað hvað hann ætlaði að kjósa á sjálfan kjördag. Þetta kemur fram í frétt á blaðsíðu 6 í Fréttablaðinu í dag. Fastafylgi stóru flokkanna er ekki eins tryggt og það hefur verið. Í dag er miklu meiri hreyfing á fylgi flokka, að því er virðist. Það verður því hart barist um óákveðnu atkvæðin á næstu þremur vikum. Líklega verður það gert með stóryrtum loforðum. Forsvarsfólk flokkanna á eftir að lofa meiru og meiru næstu vikur. Það eru litlar líkur á að hér fari fram umræða um hófsamar og skynsamlegar lausnir á málefnum þjóðarinnar. Miklu líklegra er að umræðan fari fram í stærri og stærri yfirlýsingum. Stærsti flokkurinn samkvæmt könnunum er líka sá flokkur sem hefur lofað mestu. Um þriðjungur kjósenda segist ætla að kjósa Framsóknarflokkinn. Hann mælist stærstur. Andstæðingar væna flokkinn um lýðskrum og segja kosningaloforðin allt of stór. Stuðningsmenn formannsins, Sigmundar Davíðs Gunnlaugssonar, svara því til að þeirra maður hafi staðið í lappirnar í Icesave-málinu. Hann virðist eiga fullt inni hjá þjóðinni sem var sammála honum þegar kom að því að hafna Icesave-samningnum. Það gerði fólk þrátt fyrir spár um að Ísland yrði að Kúbu norðursins ef ekki yrði samið. Það er því ekki nema von að nærri þriðjungur þjóðarinnar yppi öxlum þegar sérfræðingar segja að kosningaloforð Framsóknar um að lækka skuldir heimilanna muni velta hér öllu á hliðina. Fólk hefur misst traust á slíkum yfirlýsingum og veit fyrir víst að ástarbréfaviðskipti Seðlabanka til dæmis og endurreisn bankakerfisins kostuðu okkur meira en tillögur Framsóknar eiga að kosta. Litlar líkur eru á að Sigmundi Davíð Gunnlaugssyni fatist flugið á næstu þremur vikum. Við eigum samt eftir að sjá hvernig fylgi hans mun sveiflast á næstu vikum þegar aðrir flokkar byrja að lofa meiru og meiru.
Kominn tími til að laga lýðræðishallann og skapa traust til stjórnmálanna Magnea Marinósdóttir Skoðun
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
Kominn tími til að laga lýðræðishallann og skapa traust til stjórnmálanna Magnea Marinósdóttir Skoðun
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun