CCP kynnir nöturlegan heim World of Darkness Kjartan Hreinn Njálsson skrifar 26. apríl 2013 21:35 Það eru ekki aðeins tölvuleikirnir DUST 514 og EVE Online sem skipa heiðursess á Fanfest, árlegri hátíð tölvuleikjaframleiðandans CCP. Fyrirtækið nýtti tækifærið í dag til að fara yfir nýjustu tíðindi af þróun vampíruleiksins World of Darkness. Leiksvið þessa einstaka fjölspilunarleiks er dimm og nöturleg stórborg í gotneskum stíl. Vampírur ganga þar lausar. Þær freista þess að fela tilvist sína, samhliða því að herja á slagæðar borgarbúa. Innbyrðis átök mismunandi hópa vampíra og blóðug barátta fyrir yfirráðum borgarhluta drífa söguþráðinn áfram. Chris McDonough, framleiðandi World of Darkness, steig á svið í Kaldalóni í Hörpu í morgun og fór yfir helstu tíðindi úr herbúðum CCP. Reynir Harðarson, listrænn stjórnandi leiksins, svaraði síðan spurningum úr sal, sem var þéttsetinn. Chris og Reynir tilkynntu að það væri keppikefli CCP að nýta samskiptamiðla í World of Darkness. „Spilarar munu ávallt geta nálgast leikinn,“ sagði Chris. „Sama hvort að það er í gegnum snjallsíma, spjaldtölvu eða borðtölvu.“Fanfest 2013 fer fram í Hörpu um helgina.MYND/CCPJafnframt hefur fyrirtækið lagt gríðarlegu áherslu á þróun leikjavélarinnar sem knýr World of Darkness. Síðustu mánuði hafa um 70 manns unnið að því að þróa hugbúnað til að teikna, lita og lýsa umhverfi leiksins. Það fór síðan kliður um salinn þegar Chris skipaði hátíðargestum að slökkva á farsímum og öðrum raftækjum. „Núna fáið þið að sjá World of Darkness,“ sagði Chris og fyrirskipaði síðan starfsmönnum CCP að ganga úr skugga um að enginn væri með snjallsíma á lofti. Veröld World of Darkness er sannarlega tilkomumikil. Í myndbandinu mátti sjá ófrýnilegt vampírukvendi liðast milli skýjakljúfa, í skjóli nætur og í leit að næstu bráð. Í fjarska mátti sjá hópa af blóðsugum stökkva milli háhýsa og hrifsa til sín grunlausa borgarbúa. Chris ítrekaði að myndbandið væri aðeins sýnishorn af því sem hefur átt sér stað í þróun leiksins og væri aðeins ætlað gestum á Fanfest. Aðspurður hvenær World of Darkness væri væntanlegur sagði Reynir að framleiðslan væri enn stutt á veg komin. Útilokað er að leikurinn verði tilbúin á næsta ári, mögulega 2015.Hér fyrir ofan má sjá myndskeið sem CCP birti á síðasta ári en þar andrúmsloft World of Darkness kynnt. Mest lesið „Það braut ísinn að við hefðum deitað sama gaurinn“ Lífið „Ég var heppinn. En ekki hann“ Lífið „Það er önnur hver gella með í vörunum“ Lífið Karlmennskuhlaðvarpið heyrir sögunni til Lífið Fréttatía vikunnar: Körfubolti, laxaastmi og stýrivextir Lífið Gómsætar haustkökur að hætti Elenoru Lífið Ólafur Ragnar skellti sér á sæþotu eftir langan dag Lífið Simmi Vill og Sunneva Einars létu sig ekki vanta á Jókerinn Lífið Skrúfaði titrarann í sundur til að forða nágrönnum frá ónæði Lífið „Hrátt háþróað krass, langt leitt krot“ Menning Fleiri fréttir Árlegt „Fifa“mót GameTíví GameTíví: Heldur för sinni um Night City áfram God of War Ragnarök á PC: Kratos er enn klikkaður Stiklusúpa: Allt það helsta frá kynningu Sony í gær GameTíví: Íslendingaslagur í Warzone Space Marine 2: Fyrirtaks skemmtun af gamla skólanum Ólympíukvöld hjá GameTíví GameTíví: Plortedo spilar sig gegnum Night City CCP kynnir nýjan leik í söguheimi EVE Online GameTíví: Skúrkur í skýjunum GameTíví: Stefna á þrjá sigra í Warzone Astro Bot: Astro stígur ekki feilspor í nánast fullkomnum leik Star Wars heimurinn skoðaður í GameTíví Star Wars Outlaws: Ekki eins hræðilegur og internetið segir Endurgreiða þeim fáu sem keyptu Concord GameTíví: Snúa hlekkjaðir saman úr sumarfríi Sjá meira
Það eru ekki aðeins tölvuleikirnir DUST 514 og EVE Online sem skipa heiðursess á Fanfest, árlegri hátíð tölvuleikjaframleiðandans CCP. Fyrirtækið nýtti tækifærið í dag til að fara yfir nýjustu tíðindi af þróun vampíruleiksins World of Darkness. Leiksvið þessa einstaka fjölspilunarleiks er dimm og nöturleg stórborg í gotneskum stíl. Vampírur ganga þar lausar. Þær freista þess að fela tilvist sína, samhliða því að herja á slagæðar borgarbúa. Innbyrðis átök mismunandi hópa vampíra og blóðug barátta fyrir yfirráðum borgarhluta drífa söguþráðinn áfram. Chris McDonough, framleiðandi World of Darkness, steig á svið í Kaldalóni í Hörpu í morgun og fór yfir helstu tíðindi úr herbúðum CCP. Reynir Harðarson, listrænn stjórnandi leiksins, svaraði síðan spurningum úr sal, sem var þéttsetinn. Chris og Reynir tilkynntu að það væri keppikefli CCP að nýta samskiptamiðla í World of Darkness. „Spilarar munu ávallt geta nálgast leikinn,“ sagði Chris. „Sama hvort að það er í gegnum snjallsíma, spjaldtölvu eða borðtölvu.“Fanfest 2013 fer fram í Hörpu um helgina.MYND/CCPJafnframt hefur fyrirtækið lagt gríðarlegu áherslu á þróun leikjavélarinnar sem knýr World of Darkness. Síðustu mánuði hafa um 70 manns unnið að því að þróa hugbúnað til að teikna, lita og lýsa umhverfi leiksins. Það fór síðan kliður um salinn þegar Chris skipaði hátíðargestum að slökkva á farsímum og öðrum raftækjum. „Núna fáið þið að sjá World of Darkness,“ sagði Chris og fyrirskipaði síðan starfsmönnum CCP að ganga úr skugga um að enginn væri með snjallsíma á lofti. Veröld World of Darkness er sannarlega tilkomumikil. Í myndbandinu mátti sjá ófrýnilegt vampírukvendi liðast milli skýjakljúfa, í skjóli nætur og í leit að næstu bráð. Í fjarska mátti sjá hópa af blóðsugum stökkva milli háhýsa og hrifsa til sín grunlausa borgarbúa. Chris ítrekaði að myndbandið væri aðeins sýnishorn af því sem hefur átt sér stað í þróun leiksins og væri aðeins ætlað gestum á Fanfest. Aðspurður hvenær World of Darkness væri væntanlegur sagði Reynir að framleiðslan væri enn stutt á veg komin. Útilokað er að leikurinn verði tilbúin á næsta ári, mögulega 2015.Hér fyrir ofan má sjá myndskeið sem CCP birti á síðasta ári en þar andrúmsloft World of Darkness kynnt.
Mest lesið „Það braut ísinn að við hefðum deitað sama gaurinn“ Lífið „Ég var heppinn. En ekki hann“ Lífið „Það er önnur hver gella með í vörunum“ Lífið Karlmennskuhlaðvarpið heyrir sögunni til Lífið Fréttatía vikunnar: Körfubolti, laxaastmi og stýrivextir Lífið Gómsætar haustkökur að hætti Elenoru Lífið Ólafur Ragnar skellti sér á sæþotu eftir langan dag Lífið Simmi Vill og Sunneva Einars létu sig ekki vanta á Jókerinn Lífið Skrúfaði titrarann í sundur til að forða nágrönnum frá ónæði Lífið „Hrátt háþróað krass, langt leitt krot“ Menning Fleiri fréttir Árlegt „Fifa“mót GameTíví GameTíví: Heldur för sinni um Night City áfram God of War Ragnarök á PC: Kratos er enn klikkaður Stiklusúpa: Allt það helsta frá kynningu Sony í gær GameTíví: Íslendingaslagur í Warzone Space Marine 2: Fyrirtaks skemmtun af gamla skólanum Ólympíukvöld hjá GameTíví GameTíví: Plortedo spilar sig gegnum Night City CCP kynnir nýjan leik í söguheimi EVE Online GameTíví: Skúrkur í skýjunum GameTíví: Stefna á þrjá sigra í Warzone Astro Bot: Astro stígur ekki feilspor í nánast fullkomnum leik Star Wars heimurinn skoðaður í GameTíví Star Wars Outlaws: Ekki eins hræðilegur og internetið segir Endurgreiða þeim fáu sem keyptu Concord GameTíví: Snúa hlekkjaðir saman úr sumarfríi Sjá meira