Neitar að klæða sig eftir aldri

Ítalska leikkonan og lifandi goðsögnin, Sophia Loren, mætti á rauða dregilinn á dögunum og viti menn, hún leit stórkostlega út eins og fyrri daginn orðin sjötíu og sjö ára gömul.

Leikkonan er iðulega spurð út í unglegt útlit sitt og segist hún fyrir löngu hafa ákveðið að klæðast ekki eins og gömul kona né haga sér sem slík.

"Fegurðin snýst um hvernig þér líður og líðanin endurspeglast alltaf í augunum á þér,"sagði Loren.