Helgi og Helgi Magnús Halldórsson skrifar 28. apríl 2012 14:35 Helgi Magnússon fjárfestir, og Helgi Magnússon, formaður stjórnar Lífeyrissjóðs verzlunarmanna, hafa báðir notið góðs af uppgangi Marels undanfarið. Markaðsvirði þess fyrirtækis hefur aukist um tæp 300 prósent frá því fjármálakerfið hrundi og krónan með. Rekstur Marels er traustur og er að styrkjast, en innri vöxtur Marels hefur verið mikill og tækifærin fyrir félagið aukist jafnt og þétt á stærsta markaðssvæðinu, Asíu. Ef Marel fær góðar viðtökur á þeim markaði og tekst að ná góðri fótfestu, eins og margt bendir til raunar, þá getur þetta haft miklar jákvæðar afleiðingar og stækkað fyrirtækið hratt. Tækifærin eru bæði stór og mikil. Helgi á, eða tengist persónulega, 5.785.044 hlutum í Marel samkvæmt síðustu tilkynningu Kauphallar Íslands. Hún var birt í tilefni af um 75 milljóna kaupum hans á Marel-bréfum nýlega. Miðað við markaðsverðmæti hluta félagsins í dag nemur verðmæti hlutanna tæplega einum milljarði. Lífeyrissjóður verzlunarmanna á verðmæta eign í Marel, 6,8 prósent hlut, sem er virði ríflega átta milljarða. Sjóðurinn er þriðji stærsti einstaki hluthafi Marels. Helgi Magnússon fjárfestir hefur notið góðs af því hversu þétt Lífeyrissjóður verzlunarmanna hefur staðið á bak við Marel. Ekki síst eftir hrun, hefur sjóðurinn ítrekað tekið þátt í hlutafjáraukningum þegar þrengdi að fjármögnun fyrir félagið. En það sem skiptir mestu máli, og hefur verið einkar gott fyrir Helga Magnússon fjárfesti, er að hann og Helgi Magnússon, stjórnarformaður Lífeyrissjóðs verzlunarmanna, eru óhjákvæmilega samstíga. Enda sami maðurinn. Það eina sem er svolítið óljóst, er hvort það er Helgi Magnússon fjárfestir eða Helgi Magnússon stjórnarformaður Lífeyrissjóðs verzlunarmanna sem á sæti í stjórn Marels. Viltu birta grein á Vísi? Sendu okkur póst. Senda grein Magnús Halldórsson Mest lesið Villtur lax eða villt græðgi – sveitin í skotlínu Jóhann Helgi Stefánsson Skoðun Aðför ríkisstjórnar Kristrúnar Frostadóttur að flóttafólki Hópur stjórnarkvenna í Solaris Skoðun Hanna Katrín og Co, koma til bjargar Björn Ólafsson Skoðun Reykjavíkurborg á flestar félagslegar íbúðir en Garðabær rekur lestina Heimir Már Pétursson Skoðun Sigrar og raunir íslenska hestsins Elín Íris Fanndal Skoðun Fyrst flúðu þau Reykjavíkurborg… Diljá Mist Einarsdóttir Skoðun Góðir grannar Landsvirkjunar og við hin Kjartan Ágústsson Skoðun Vladímír Pútín: Hvað er að marka hann? Steinar Björgvinsson Skoðun Þegar innflutningurinn ræður ríkjum Anton Guðmundsson Skoðun Konur og menntun Sigríður Ingibjörg Ingadóttir,Steinunn Bragadóttir Skoðun
Helgi Magnússon fjárfestir, og Helgi Magnússon, formaður stjórnar Lífeyrissjóðs verzlunarmanna, hafa báðir notið góðs af uppgangi Marels undanfarið. Markaðsvirði þess fyrirtækis hefur aukist um tæp 300 prósent frá því fjármálakerfið hrundi og krónan með. Rekstur Marels er traustur og er að styrkjast, en innri vöxtur Marels hefur verið mikill og tækifærin fyrir félagið aukist jafnt og þétt á stærsta markaðssvæðinu, Asíu. Ef Marel fær góðar viðtökur á þeim markaði og tekst að ná góðri fótfestu, eins og margt bendir til raunar, þá getur þetta haft miklar jákvæðar afleiðingar og stækkað fyrirtækið hratt. Tækifærin eru bæði stór og mikil. Helgi á, eða tengist persónulega, 5.785.044 hlutum í Marel samkvæmt síðustu tilkynningu Kauphallar Íslands. Hún var birt í tilefni af um 75 milljóna kaupum hans á Marel-bréfum nýlega. Miðað við markaðsverðmæti hluta félagsins í dag nemur verðmæti hlutanna tæplega einum milljarði. Lífeyrissjóður verzlunarmanna á verðmæta eign í Marel, 6,8 prósent hlut, sem er virði ríflega átta milljarða. Sjóðurinn er þriðji stærsti einstaki hluthafi Marels. Helgi Magnússon fjárfestir hefur notið góðs af því hversu þétt Lífeyrissjóður verzlunarmanna hefur staðið á bak við Marel. Ekki síst eftir hrun, hefur sjóðurinn ítrekað tekið þátt í hlutafjáraukningum þegar þrengdi að fjármögnun fyrir félagið. En það sem skiptir mestu máli, og hefur verið einkar gott fyrir Helga Magnússon fjárfesti, er að hann og Helgi Magnússon, stjórnarformaður Lífeyrissjóðs verzlunarmanna, eru óhjákvæmilega samstíga. Enda sami maðurinn. Það eina sem er svolítið óljóst, er hvort það er Helgi Magnússon fjárfestir eða Helgi Magnússon stjórnarformaður Lífeyrissjóðs verzlunarmanna sem á sæti í stjórn Marels.
Aðför ríkisstjórnar Kristrúnar Frostadóttur að flóttafólki Hópur stjórnarkvenna í Solaris Skoðun
Reykjavíkurborg á flestar félagslegar íbúðir en Garðabær rekur lestina Heimir Már Pétursson Skoðun
Aðför ríkisstjórnar Kristrúnar Frostadóttur að flóttafólki Hópur stjórnarkvenna í Solaris Skoðun
Reykjavíkurborg á flestar félagslegar íbúðir en Garðabær rekur lestina Heimir Már Pétursson Skoðun