Meiðsli Rose ekki alvarleg

Chicago Bulls hefur saknað leikstjórnandans Derrick Rose í síðustu leikjum en Rose er meiddur í baki og hefur verið í miklum rannsóknum vegna meiðslanna.

Þær rannsóknir hafa leitt í ljós að Rose er ekki alvarlega meiddur en mun engu að síður þurfa áframhaldandi meðhöndlun.

Rose var valinn besti leikmaður deildarinnar í fyrra og er með 22 stig að meðaltali í leik í vetur sem og 7,8 stoðsendingar.

Chicago spilar við Sacramento í nótt og ekki er víst að Rose spili þann leik.