Óútreiknanleg St. Vincent 29. september 2011 09:00 áhugaverð Nýjasta plata St. Vincent hefur fengið mjög góða dóma hjá gagnrýnendum. nordicphotos/getty Þriðja sólóplata bandarísku tónlistarkonunnar St. Vincent kom út fyrir skemmstu. Gagnrýnendur eru flestir sammála um að þar sé á ferðinni mikið meistarastykki. St. Vincent gaf fyrr í mánuðinum út sína þriðju sólóplötu, Strange Mercy. Gagnrýnendur hafa hlaðið hana lofi og telja mikið spunnið í þessa bandarísku tónlistarkonu. St. Vincent heitir réttu nafni Annie Clark og er 29 ára. Hún fæddist í Oklahoma en ólst upp í Dallas. Fljótlega fékk hún mikinn áhuga á tónlist og byrjaði að læra á gítar. Hún stundaði nám við hinn fræga tónlistarskóla Berklee í borginni Boston þangað til hún hætti þremur árum síðar. Þegar heim til Dallas var komið gekk Clark til liðs við hljómsveitina The Polyphonic Spree skömmu fyrir tónleikaferð hennar um Evrópu. Árið 2006 hætti hún í þeirri sveit og fór að spila með Sufjan Stevens. Hún kom einmitt fram með honum á tónleikum í Fríkirkjunni á þessum tíma og hitaði sömuleiðis upp fyrir hann. Sama ár hóf Clark upptökur á sinni fyrstu sólóplötu undir nafninu St. Vincent. Það er tilvísun í kaþólska læknasetrið Saint Vincent þar sem ljóðskáldið Dylan Thomas frá Wales lést árið 1953. Frumburðurinn Marry Me kom út 2007 hjá útgáfunni Beggars Banquet. Gripurinn fékk góða dóma hjá gagnrýnendum og var St. Vincent líkt við Kate Bush og David Bowie. Útsetningarnar þóttu hressilegar og lögin aðgengileg þrátt fyrir ýmis skringileg hljóð og óvenjulega hljóðfæraskipanina en St. Vincent notar fiðlur, selló, flautur, trompet og klarinett iðulega í lögum sínum. Sjálf spilar hún á gítar, bassa, orgel og píanó. Eftir að hafa verið á löngu tónleikaferðalagi hóf St. Vincent upptökur á nýrri plötu 2008. Ári síðar kom Actor út á vegum 4AD Records og fékk platan enn meiri athygli en sú fyrsta. Með nýju plötunni, Strange Mercy, hefur St. Vincent svo stimplað sig rækilega inn því víðast hvar hefur platan fengið frábæra dóma, þar á meðal fullt hús hjá The Observer og The Telegraph, fjórar stjörnur af fimm í Mojo, Q, Clash og The Guardian og 90 af 100 mögulegum hjá Pitchfork. Tónlistin þykir óútreiknanleg og útsetningarnar margbrotnar þar sem ýmsum tónlistarstefnum, svo sem rokki, raftónlist, djassi og fönki, er hrært saman í áhugaverðan tónlistargraut. freyr@frettabladid.is Lífið Tónlist Mest lesið Sigmundur og hvolpurinn gleðjast yfir fylgi Miðflokksins Lífið „Það braut ísinn að við hefðum deitað sama gaurinn“ Lífið Krakkatían: Ber, forsetar og prinsessur Lífið „Ég var heppinn. En ekki hann“ Lífið „Það er önnur hver gella með í vörunum“ Lífið Ólafur Ragnar skellti sér á sæþotu eftir langan dag Lífið Karlmennskuhlaðvarpið heyrir sögunni til Lífið Fréttatía vikunnar: Körfubolti, laxaastmi og stýrivextir Lífið Skrúfaði titrarann í sundur til að forða nágrönnum frá ónæði Lífið Gómsætar haustkökur að hætti Elenoru Lífið Fleiri fréttir Space Odyssey opnar á nýjum stað Dr. Gunni spyr hvort það sé ekki bara búið að vera gaman Afhjúpað á hvaða dögum böndin spila á Airwaves Reyna að eyða minningum um hvort annað í sturluðum dansi Frumsýning á Vísi: Rokkað á miðju gólfi komin sjö mánuði á leið „Þetta er sem betur fer ekki upp á líf og dauða“ Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Sjá meira
Þriðja sólóplata bandarísku tónlistarkonunnar St. Vincent kom út fyrir skemmstu. Gagnrýnendur eru flestir sammála um að þar sé á ferðinni mikið meistarastykki. St. Vincent gaf fyrr í mánuðinum út sína þriðju sólóplötu, Strange Mercy. Gagnrýnendur hafa hlaðið hana lofi og telja mikið spunnið í þessa bandarísku tónlistarkonu. St. Vincent heitir réttu nafni Annie Clark og er 29 ára. Hún fæddist í Oklahoma en ólst upp í Dallas. Fljótlega fékk hún mikinn áhuga á tónlist og byrjaði að læra á gítar. Hún stundaði nám við hinn fræga tónlistarskóla Berklee í borginni Boston þangað til hún hætti þremur árum síðar. Þegar heim til Dallas var komið gekk Clark til liðs við hljómsveitina The Polyphonic Spree skömmu fyrir tónleikaferð hennar um Evrópu. Árið 2006 hætti hún í þeirri sveit og fór að spila með Sufjan Stevens. Hún kom einmitt fram með honum á tónleikum í Fríkirkjunni á þessum tíma og hitaði sömuleiðis upp fyrir hann. Sama ár hóf Clark upptökur á sinni fyrstu sólóplötu undir nafninu St. Vincent. Það er tilvísun í kaþólska læknasetrið Saint Vincent þar sem ljóðskáldið Dylan Thomas frá Wales lést árið 1953. Frumburðurinn Marry Me kom út 2007 hjá útgáfunni Beggars Banquet. Gripurinn fékk góða dóma hjá gagnrýnendum og var St. Vincent líkt við Kate Bush og David Bowie. Útsetningarnar þóttu hressilegar og lögin aðgengileg þrátt fyrir ýmis skringileg hljóð og óvenjulega hljóðfæraskipanina en St. Vincent notar fiðlur, selló, flautur, trompet og klarinett iðulega í lögum sínum. Sjálf spilar hún á gítar, bassa, orgel og píanó. Eftir að hafa verið á löngu tónleikaferðalagi hóf St. Vincent upptökur á nýrri plötu 2008. Ári síðar kom Actor út á vegum 4AD Records og fékk platan enn meiri athygli en sú fyrsta. Með nýju plötunni, Strange Mercy, hefur St. Vincent svo stimplað sig rækilega inn því víðast hvar hefur platan fengið frábæra dóma, þar á meðal fullt hús hjá The Observer og The Telegraph, fjórar stjörnur af fimm í Mojo, Q, Clash og The Guardian og 90 af 100 mögulegum hjá Pitchfork. Tónlistin þykir óútreiknanleg og útsetningarnar margbrotnar þar sem ýmsum tónlistarstefnum, svo sem rokki, raftónlist, djassi og fönki, er hrært saman í áhugaverðan tónlistargraut. freyr@frettabladid.is
Lífið Tónlist Mest lesið Sigmundur og hvolpurinn gleðjast yfir fylgi Miðflokksins Lífið „Það braut ísinn að við hefðum deitað sama gaurinn“ Lífið Krakkatían: Ber, forsetar og prinsessur Lífið „Ég var heppinn. En ekki hann“ Lífið „Það er önnur hver gella með í vörunum“ Lífið Ólafur Ragnar skellti sér á sæþotu eftir langan dag Lífið Karlmennskuhlaðvarpið heyrir sögunni til Lífið Fréttatía vikunnar: Körfubolti, laxaastmi og stýrivextir Lífið Skrúfaði titrarann í sundur til að forða nágrönnum frá ónæði Lífið Gómsætar haustkökur að hætti Elenoru Lífið Fleiri fréttir Space Odyssey opnar á nýjum stað Dr. Gunni spyr hvort það sé ekki bara búið að vera gaman Afhjúpað á hvaða dögum böndin spila á Airwaves Reyna að eyða minningum um hvort annað í sturluðum dansi Frumsýning á Vísi: Rokkað á miðju gólfi komin sjö mánuði á leið „Þetta er sem betur fer ekki upp á líf og dauða“ Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Sjá meira