Tölvuþrjótar stálu upplýsingum frá notendum PlayStation

Tölvurisinn Sony hefur varað viðskiptavini sína við því að tölvuþrjótar gætu hafa náð í viðkvæmar upplýsingar um þá sem nota PlayStation leikjatölvuna til þess að tengjast Netinu og spila við aðra tölvuleikjaáhugamenn.

Óljóst er hvaða upplýsingum þrjótarnir náðu en ekki er hægt að útiloka að kreditkortaupplýsingar hafi verið þar á meðal. Lokað hefur verið fyrir þjónustuna tímabundið á meðan Sony skoðar hve útbreitt vandamálið er.