Baron Davis á leið til Cleveland

Cleveland og LA Clippers hafa ákveðið að skipta á leikmönnum þar sem mesta athygli vekur að Baron Davis færir sig yfir til Cleveland.

Cleveland fær einnig valrétt í fyrstu umferð nýliðavalsins á þessu ári. Mo Williams og Jamario Moon fara yfir til Los Angeles.

Þetta er fyrsta skrefið í átt að uppbyggingu Cleveland-liðsins sem hefur hrunið síðan LeBron James yfirgaf skútuna.

Davis hittir fyrir hjá Cleveland fyrrum þjálfara sinn hjá New Orleans, Byron Scott.