Hrefna Huld í Þrótt

Hrefna Huld Jóhannesdóttir mun ekki spila í Pepsi-deild kvenna næsta sumar því hún er búin að skrifa undir eins árs samning við 1. deildarlið Þróttar.

Tíðindin koma nokkuð á óvart enda hefur Hrefna verið ein helsta markadrottning kvennaboltans síðustu ár og var fastlega búist við því að hún yrði áfram í deild þeirra bestu.

Hún hefur aftur á móti ákveðið að taka nýrri áskorun og mun hjálpa ungu og efnilegu liði Þróttar að komast upp í úrvalsdeild næsta sumar.