Minning um Þorgeir 6. nóvember 2008 07:30 Þorgeir Rúnar Kjartansson (1955-1998) skáld, saxófónleikari og myndlistarmaður. Í kvöld verður samkoma í Iðnó til minningar um Þorgeir Rúnar Kjartansson (1955-1998) skáld, saxófónleikara og myndlistarmann. Tilefni er útgáfa Óðs eilífðar, heildarsafns ljóða Þorgeirs auk listaverka eftir höfundinn og níu aðra myndlistarmenn. Á samkomunni verða ljóð Þorgeirs flutt með leikrænum lestri, söng og tónlist og fjölmargir listamenn koma fram: þeirra á meðal Ófeigur Sigurðsson, Guðmundur Andri Thorsson, Marta Guðrún Halldórsdóttir, Rúna K. Tetzschner, Rúnar Guðbrandsson og Kór byltingarinnar. Dagskráin verður afar fjölbreytt og nær hámarki með flutningi Veðraspárinnar, heimsósómakvæðis eftir Þorgeir, og tónverks eftir Hópreið lemúranna. Hljómsveitin sem skipuð er nokkrum félögum úr Júpiters flytur þetta kraftmikla sérkennilega verk ásamt Kór byltingarinnar og Rúnari Guðbrandssyni leikara sem fer með hlutverk Veðraspámannsins. Innan Hópreiðar lemúranna starfa margar minni hljómsveitir sem taka fyrir mismunandi kafla hinnar mögnuðu heimsádeilu Þorgeirs. Í Veðraspánni segir: allt finnst oss betra en bleyðunnar kelda/örvænting skárri en skapleysið slétta og fellda/ já örvænting skárri en yfirborðsleikur í logni/samkvæmt fyrirmælum frá æðstaráði smásálna,/tíðarandagift frekra meðalmenna, riddara uppvöðslunnar, tilfinningadoðans, útrásar- og ástarsnobbs, gjamms og gulra hugsana … Tónlistarstjóri kvöldsins er Hörður Bragason og dagskrárstjóri er Rúna K. Tetzschner. Bók og tónleikar - er samstarfsverkefni fjölda listamanna og vina Þorgeirs Rúnars Kjartanssonar, myndað kringum útgáfu á verkum hans. Óður eilífðar felur í sér ljóðlist, myndlist og tónlist og nær hámarki í tónleikunum í Iðnó við útkomu bókarinnar. Þorgeir, oft nefndur Goggi meðal vina, var sagnfræðingur og kennari og fjölhæfur listamaður sem meðal annars lék á saxófón og stofnaði hljómsveitina Júpiters. Hann orti einnig, teiknaði og málaði og hefur ljóðum hans og myndum verið safnað saman í bókinni Óði eilífðar. Megnið af efninu hefur ekki komið út áður. Í ljóðagerð sinni sækir Þorgeir jafnt í hið gamla sem hið nýja af listfengi og hugkvæmni. Ljóð hans spanna sárbeittustu ádeilu, dýpstu trúarinnlifun, óvægnasta níð, innilegustu ástartjáningu, - og allt þar á milli. Þau sýna mikla breidd ljóðskáldsins og eiga brýnt erindi til samtímans. Ljóð Þorgeirs berast íslensku þjóðinni á ögurstundu. Þau hafa sjaldan eða aldrei átt betur við en einmitt á þeim viðsjárverðu tímum sem nú ganga í garð. Ljóðunum er fylgt úr hlaði með inngangi eftir Guðmund Andra Thorsson og Rúnu K. Tetzchner sem jafnframt er ritstjóri bókarinnar. pbb@frettabladid.is Mest lesið Tíu ár af ást: „Sennilega ekki auðvelt með mér“ Lífið Skilnaður handan við hornið hjá Kanye og Biöncu Lífið Hafi enn verið hreinn sveinn Lífið Ragnhildur og Hanna Katrín kveðja Búseta Lífið Kemur frá Sýrlandi og syngur á íslensku Tónlist Harry og Meghan séu ekki að skilja Lífið Stofnar eigin útgáfu og byrjar í ruslinu Lífið Galið að fræðsla um snípinn sé af skornum skammti Lífið Henti listaverkinu í ruslið Menning Logi Geirs og Ólafur Ragnar léttir í London Lífið Fleiri fréttir Henti listaverkinu í ruslið Kúltúrkettir landsins létu sig ekki vanta í Portið „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira
Í kvöld verður samkoma í Iðnó til minningar um Þorgeir Rúnar Kjartansson (1955-1998) skáld, saxófónleikara og myndlistarmann. Tilefni er útgáfa Óðs eilífðar, heildarsafns ljóða Þorgeirs auk listaverka eftir höfundinn og níu aðra myndlistarmenn. Á samkomunni verða ljóð Þorgeirs flutt með leikrænum lestri, söng og tónlist og fjölmargir listamenn koma fram: þeirra á meðal Ófeigur Sigurðsson, Guðmundur Andri Thorsson, Marta Guðrún Halldórsdóttir, Rúna K. Tetzschner, Rúnar Guðbrandsson og Kór byltingarinnar. Dagskráin verður afar fjölbreytt og nær hámarki með flutningi Veðraspárinnar, heimsósómakvæðis eftir Þorgeir, og tónverks eftir Hópreið lemúranna. Hljómsveitin sem skipuð er nokkrum félögum úr Júpiters flytur þetta kraftmikla sérkennilega verk ásamt Kór byltingarinnar og Rúnari Guðbrandssyni leikara sem fer með hlutverk Veðraspámannsins. Innan Hópreiðar lemúranna starfa margar minni hljómsveitir sem taka fyrir mismunandi kafla hinnar mögnuðu heimsádeilu Þorgeirs. Í Veðraspánni segir: allt finnst oss betra en bleyðunnar kelda/örvænting skárri en skapleysið slétta og fellda/ já örvænting skárri en yfirborðsleikur í logni/samkvæmt fyrirmælum frá æðstaráði smásálna,/tíðarandagift frekra meðalmenna, riddara uppvöðslunnar, tilfinningadoðans, útrásar- og ástarsnobbs, gjamms og gulra hugsana … Tónlistarstjóri kvöldsins er Hörður Bragason og dagskrárstjóri er Rúna K. Tetzschner. Bók og tónleikar - er samstarfsverkefni fjölda listamanna og vina Þorgeirs Rúnars Kjartanssonar, myndað kringum útgáfu á verkum hans. Óður eilífðar felur í sér ljóðlist, myndlist og tónlist og nær hámarki í tónleikunum í Iðnó við útkomu bókarinnar. Þorgeir, oft nefndur Goggi meðal vina, var sagnfræðingur og kennari og fjölhæfur listamaður sem meðal annars lék á saxófón og stofnaði hljómsveitina Júpiters. Hann orti einnig, teiknaði og málaði og hefur ljóðum hans og myndum verið safnað saman í bókinni Óði eilífðar. Megnið af efninu hefur ekki komið út áður. Í ljóðagerð sinni sækir Þorgeir jafnt í hið gamla sem hið nýja af listfengi og hugkvæmni. Ljóð hans spanna sárbeittustu ádeilu, dýpstu trúarinnlifun, óvægnasta níð, innilegustu ástartjáningu, - og allt þar á milli. Þau sýna mikla breidd ljóðskáldsins og eiga brýnt erindi til samtímans. Ljóð Þorgeirs berast íslensku þjóðinni á ögurstundu. Þau hafa sjaldan eða aldrei átt betur við en einmitt á þeim viðsjárverðu tímum sem nú ganga í garð. Ljóðunum er fylgt úr hlaði með inngangi eftir Guðmund Andra Thorsson og Rúnu K. Tetzchner sem jafnframt er ritstjóri bókarinnar. pbb@frettabladid.is
Mest lesið Tíu ár af ást: „Sennilega ekki auðvelt með mér“ Lífið Skilnaður handan við hornið hjá Kanye og Biöncu Lífið Hafi enn verið hreinn sveinn Lífið Ragnhildur og Hanna Katrín kveðja Búseta Lífið Kemur frá Sýrlandi og syngur á íslensku Tónlist Harry og Meghan séu ekki að skilja Lífið Stofnar eigin útgáfu og byrjar í ruslinu Lífið Galið að fræðsla um snípinn sé af skornum skammti Lífið Henti listaverkinu í ruslið Menning Logi Geirs og Ólafur Ragnar léttir í London Lífið Fleiri fréttir Henti listaverkinu í ruslið Kúltúrkettir landsins létu sig ekki vanta í Portið „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira