Tveir módernistar 2. október 2008 04:00 Með áhrifameiri íslenskum myndlistarmönnum. Sýning á verkum eftir þá Sigurjón Ólafsson og Þorvald Skúlason verður opnuð í Hafnarborg, menningar- og listastofnun Hafnarfjarðar, nú á laugardag kl. 15. Yfirskrift sýningarinnar er Tveir módernistar. Verkin á sýningunni eru fengin að láni frá Listasafni Háskóla Íslands og Listasafni Sigurjóns Ólafssonar og eru safnstjórar þessara safna, þær Auður A. Ólafsdóttir og Birgitta Spur, jafnframt sýningarstjórar sýningarinnar í Hafnarborg. Að sögn Birgittu var hvatinn að baki sýningunni hundrað ára fæðingarafmæli Sigurjóns nú í ár. „Okkur langaði til að heiðra þessi tímamót með einhverjum hætti. Þeir Sigurjón og Þorvaldur voru svo gott sem jafnaldra og sýndu mikið saman á sínum tíma, bæði hér heima og í Danmörku, og því þótti okkur upplagt að efna til enn einnar samsýningar þeirra." Eins og íslenskt listaáhugafólk veit voru þeir Sigurjón Ólafsson myndhöggvari og Þorvaldur Skúlason listmálari í hópi framsæknustu listamanna sinnar samtíðar og á rúmlega hálfrar aldar starfsferli sínum beindu þeir nýjum módernískum straumum inn í íslenska myndlist á 20. öld. Það kemur því vart á óvart að sýningarstjórarnir höfðu módernískar forsendur að leiðarljósi við val verka á sýninguna. „Það er afar áhugavert að skoða framlag þeirra Sigurjóns og Þorvalds til módernískrar listar hér á landi," segir Birgitta. „Þeir höfðu um margt svipaða nálgun og svipaðan bakgrunn, unnu til að mynda báðir með klassíska myndbyggingu og svipuð minni koma ítrekað fyrir í verkum þeirra, til að mynda sjómennskan. En verk þeirra eru þó jafnframt afar ólík; það er meira sprell í verkum Þorvaldar og hann hreyfir sig frjálslegar á milli efna og mótíva en Sigurjón." Á meðal verka á sýningunni eru sannkölluð lykilverk frá ferlum listamannanna tveggja en jafnframt kennir nýrra grasa. Þannig koma á sýningunni í fyrsta sinn fyrir almenningssjónir um eitt hundrað vinnuteikningar eftir Þorvald. Birgitta segir sérlega ánægjulegt að geta sett saman sýningu sem býður gestum upp á að upplifa samtal á milli verka þeirra Sigurjóns og Þorvalds, ekki síst þar sem áhrifa þeirra gætir enn víða í myndlist í dag. „Ég sé áhrif Sigurjóns enn þann dag í dag, til að mynda þegar listamenn prófa sig áfram með að vinna í við og önnur efni sem hann notaði gjarnan. Það sama mætti segja um Þorvald og verk hans, auk þess sem hann hafði mikla ánægju af því að kenna og útskýra og hefur því vafalaust opnað augu margra fyrir nútímalist." Sýningin Tveir módernistar verður opnuð í Hafnarborg á laugardag kl. 15 og stendur til 9. nóvember. vigdis@frettabladid.is Mest lesið Tíu ár af ást: „Sennilega ekki auðvelt með mér“ Lífið Skilnaður handan við hornið hjá Kanye og Biöncu Lífið Kemur frá Sýrlandi og syngur á íslensku Tónlist Ragnhildur og Hanna Katrín kveðja Búseta Lífið Harry og Meghan séu ekki að skilja Lífið Stofnar eigin útgáfu og byrjar í ruslinu Lífið Hafi enn verið hreinn sveinn Lífið Galið að fræðsla um snípinn sé af skornum skammti Lífið Henti listaverkinu í ruslið Menning Logi Geirs og Ólafur Ragnar léttir í London Lífið Fleiri fréttir Henti listaverkinu í ruslið Kúltúrkettir landsins létu sig ekki vanta í Portið „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira
Sýning á verkum eftir þá Sigurjón Ólafsson og Þorvald Skúlason verður opnuð í Hafnarborg, menningar- og listastofnun Hafnarfjarðar, nú á laugardag kl. 15. Yfirskrift sýningarinnar er Tveir módernistar. Verkin á sýningunni eru fengin að láni frá Listasafni Háskóla Íslands og Listasafni Sigurjóns Ólafssonar og eru safnstjórar þessara safna, þær Auður A. Ólafsdóttir og Birgitta Spur, jafnframt sýningarstjórar sýningarinnar í Hafnarborg. Að sögn Birgittu var hvatinn að baki sýningunni hundrað ára fæðingarafmæli Sigurjóns nú í ár. „Okkur langaði til að heiðra þessi tímamót með einhverjum hætti. Þeir Sigurjón og Þorvaldur voru svo gott sem jafnaldra og sýndu mikið saman á sínum tíma, bæði hér heima og í Danmörku, og því þótti okkur upplagt að efna til enn einnar samsýningar þeirra." Eins og íslenskt listaáhugafólk veit voru þeir Sigurjón Ólafsson myndhöggvari og Þorvaldur Skúlason listmálari í hópi framsæknustu listamanna sinnar samtíðar og á rúmlega hálfrar aldar starfsferli sínum beindu þeir nýjum módernískum straumum inn í íslenska myndlist á 20. öld. Það kemur því vart á óvart að sýningarstjórarnir höfðu módernískar forsendur að leiðarljósi við val verka á sýninguna. „Það er afar áhugavert að skoða framlag þeirra Sigurjóns og Þorvalds til módernískrar listar hér á landi," segir Birgitta. „Þeir höfðu um margt svipaða nálgun og svipaðan bakgrunn, unnu til að mynda báðir með klassíska myndbyggingu og svipuð minni koma ítrekað fyrir í verkum þeirra, til að mynda sjómennskan. En verk þeirra eru þó jafnframt afar ólík; það er meira sprell í verkum Þorvaldar og hann hreyfir sig frjálslegar á milli efna og mótíva en Sigurjón." Á meðal verka á sýningunni eru sannkölluð lykilverk frá ferlum listamannanna tveggja en jafnframt kennir nýrra grasa. Þannig koma á sýningunni í fyrsta sinn fyrir almenningssjónir um eitt hundrað vinnuteikningar eftir Þorvald. Birgitta segir sérlega ánægjulegt að geta sett saman sýningu sem býður gestum upp á að upplifa samtal á milli verka þeirra Sigurjóns og Þorvalds, ekki síst þar sem áhrifa þeirra gætir enn víða í myndlist í dag. „Ég sé áhrif Sigurjóns enn þann dag í dag, til að mynda þegar listamenn prófa sig áfram með að vinna í við og önnur efni sem hann notaði gjarnan. Það sama mætti segja um Þorvald og verk hans, auk þess sem hann hafði mikla ánægju af því að kenna og útskýra og hefur því vafalaust opnað augu margra fyrir nútímalist." Sýningin Tveir módernistar verður opnuð í Hafnarborg á laugardag kl. 15 og stendur til 9. nóvember. vigdis@frettabladid.is
Mest lesið Tíu ár af ást: „Sennilega ekki auðvelt með mér“ Lífið Skilnaður handan við hornið hjá Kanye og Biöncu Lífið Kemur frá Sýrlandi og syngur á íslensku Tónlist Ragnhildur og Hanna Katrín kveðja Búseta Lífið Harry og Meghan séu ekki að skilja Lífið Stofnar eigin útgáfu og byrjar í ruslinu Lífið Hafi enn verið hreinn sveinn Lífið Galið að fræðsla um snípinn sé af skornum skammti Lífið Henti listaverkinu í ruslið Menning Logi Geirs og Ólafur Ragnar léttir í London Lífið Fleiri fréttir Henti listaverkinu í ruslið Kúltúrkettir landsins létu sig ekki vanta í Portið „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira