Ástir í enska boltanum 10. ágúst 2007 05:00 Leiklist Átakasamur heimur ensku knattspyrnunnar er krufinn í Heteróhetjum. Það hefur verið dauflegt yfir leiksviðum landsmanna síðustu vikur. Engar sumarsýningar eru í gangi á stærri sviðum landsins og smærri hópar hafa hægt um sig. Gegn þessari deyfð rísa hinir ungu og efnilegu. Það eru nemendur af öðru og þriðja ári leiklistardeildar Listaháskólans sem hóa saman í frumsýningu á nýju íslensku leikverki sem helgað er hinum heillandi heimi knattspyrnunnar ensku. Er það tímabært nú þegar enski boltinn hvolfist yfir þjóðina eftir dýru óléttuherferðina á sjónvarpsskjáum og víðar. Verkið heitir Heteróhetjur: Með fullri virðingu fyrir Ashley Cole og er tragikómísk leiksýning sem gerist í heimi ensku úrvalsdeildarinnar. Það er dularfull barmey á VIP-svæði skemmtistaðar í London sem leiðir okkur inn í heim hinna ríku og frægu. Þar verðum við vitni að upphafi ástarsambands knattspyrnumannanna Ashleys Cole og Williams Gallas, sem og þróun þess. Í verkinu er tekið á hlutum eins og ástinni, samböndum karlmanna, frægðardýrkun og baráttunni við það að fá að vera maður sjálfur án þess að eiga á hættu að það hafi alvarlegar afleiðingar í för með sér. Inn í þetta blandast ýmsar stórstjörnur enska boltans eins og Thierry Henry, Frank Lampard og José Mourinho. Einnig Girls Aloud, Paris Hilton, Pete Doherty og Kate Moss, ásamt fleiri góðkunningjum lesenda slúðurdálka íslensku pressunnar. Segja aðstandendur verkið vera sýningu fyrir alla sem hafa áhuga á sögum af frægu sem og ekki frægu fólki og vilja láta skemmta sér í dágóða stund en vara við að hún inniheldur kynferðislegt efni og gróft orðbragð. Aðstandendur sýningarinnar eru nemar á 2. og 3. ári við leiklistardeild Listaháskóla Íslands, ásamt því að fá dygga aðstoð frá þremur ungum piltum úr Stúdentaleikhúsinu. Í aðalhlutverkum eru Hilmir Jensson sem Ashley Cole, Hilmar Guðjónsson sem leikur William Gallas, Þórunn Arna Kristjánsdóttir sem barmeyin og Guðmundur Kristinn Oddsson sem José Mourinho. Sýningar eru í Smiðjunni á Sölvhólsgötu 13. Næstu sýningar verða 10. ágúst kl. 20 og 22 (Powersýning), 11. ágúst kl. 20 og 13. ágúst kl 20. Höfundur og leikstjóri er Heiðar Sumarliðason. Áhugasömum er bent á vefsíðuna http://www.myspace.com/heterohetjur. Mest lesið Tíu ár af ást: „Sennilega ekki auðvelt með mér“ Lífið Skilnaður handan við hornið hjá Kanye og Biöncu Lífið Hafi enn verið hreinn sveinn Lífið Ragnhildur og Hanna Katrín kveðja Búseta Lífið Kemur frá Sýrlandi og syngur á íslensku Tónlist Harry og Meghan séu ekki að skilja Lífið Henti listaverkinu í ruslið Menning Galið að fræðsla um snípinn sé af skornum skammti Lífið Stofnar eigin útgáfu og byrjar í ruslinu Lífið Logi Geirs og Ólafur Ragnar léttir í London Lífið Fleiri fréttir Henti listaverkinu í ruslið Kúltúrkettir landsins létu sig ekki vanta í Portið „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira
Það hefur verið dauflegt yfir leiksviðum landsmanna síðustu vikur. Engar sumarsýningar eru í gangi á stærri sviðum landsins og smærri hópar hafa hægt um sig. Gegn þessari deyfð rísa hinir ungu og efnilegu. Það eru nemendur af öðru og þriðja ári leiklistardeildar Listaháskólans sem hóa saman í frumsýningu á nýju íslensku leikverki sem helgað er hinum heillandi heimi knattspyrnunnar ensku. Er það tímabært nú þegar enski boltinn hvolfist yfir þjóðina eftir dýru óléttuherferðina á sjónvarpsskjáum og víðar. Verkið heitir Heteróhetjur: Með fullri virðingu fyrir Ashley Cole og er tragikómísk leiksýning sem gerist í heimi ensku úrvalsdeildarinnar. Það er dularfull barmey á VIP-svæði skemmtistaðar í London sem leiðir okkur inn í heim hinna ríku og frægu. Þar verðum við vitni að upphafi ástarsambands knattspyrnumannanna Ashleys Cole og Williams Gallas, sem og þróun þess. Í verkinu er tekið á hlutum eins og ástinni, samböndum karlmanna, frægðardýrkun og baráttunni við það að fá að vera maður sjálfur án þess að eiga á hættu að það hafi alvarlegar afleiðingar í för með sér. Inn í þetta blandast ýmsar stórstjörnur enska boltans eins og Thierry Henry, Frank Lampard og José Mourinho. Einnig Girls Aloud, Paris Hilton, Pete Doherty og Kate Moss, ásamt fleiri góðkunningjum lesenda slúðurdálka íslensku pressunnar. Segja aðstandendur verkið vera sýningu fyrir alla sem hafa áhuga á sögum af frægu sem og ekki frægu fólki og vilja láta skemmta sér í dágóða stund en vara við að hún inniheldur kynferðislegt efni og gróft orðbragð. Aðstandendur sýningarinnar eru nemar á 2. og 3. ári við leiklistardeild Listaháskóla Íslands, ásamt því að fá dygga aðstoð frá þremur ungum piltum úr Stúdentaleikhúsinu. Í aðalhlutverkum eru Hilmir Jensson sem Ashley Cole, Hilmar Guðjónsson sem leikur William Gallas, Þórunn Arna Kristjánsdóttir sem barmeyin og Guðmundur Kristinn Oddsson sem José Mourinho. Sýningar eru í Smiðjunni á Sölvhólsgötu 13. Næstu sýningar verða 10. ágúst kl. 20 og 22 (Powersýning), 11. ágúst kl. 20 og 13. ágúst kl 20. Höfundur og leikstjóri er Heiðar Sumarliðason. Áhugasömum er bent á vefsíðuna http://www.myspace.com/heterohetjur.
Mest lesið Tíu ár af ást: „Sennilega ekki auðvelt með mér“ Lífið Skilnaður handan við hornið hjá Kanye og Biöncu Lífið Hafi enn verið hreinn sveinn Lífið Ragnhildur og Hanna Katrín kveðja Búseta Lífið Kemur frá Sýrlandi og syngur á íslensku Tónlist Harry og Meghan séu ekki að skilja Lífið Henti listaverkinu í ruslið Menning Galið að fræðsla um snípinn sé af skornum skammti Lífið Stofnar eigin útgáfu og byrjar í ruslinu Lífið Logi Geirs og Ólafur Ragnar léttir í London Lífið Fleiri fréttir Henti listaverkinu í ruslið Kúltúrkettir landsins létu sig ekki vanta í Portið „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira