ArtFart hefst í annað sinn 27. júlí 2007 06:45 Ásgerður G. Gunnarsdóttir segir aðalmarkmið artFart að skapa vettvang fyrir ungt fólk í sviðslistum. fréttablaðið/hörður Sviðslistahátíðin artFart hefst um helgina, með frumsýningu á dansverkinu Moment Seen í Tjarnarbíói. Samband ungra sviðslistamanna stendur að hátíðinni, sem hóf göngu sína í fyrra. Tilurð artFart er nátengd sumarstarfi Hins hússins. „Í fyrra voru mörg okkar í skapandi sumarstarfi Hins hússins. Við vorum flest að fara að frumsýna verk á svipuðum tíma, og fannst sniðugt að skella þessu saman undir ein regnhlífasamtök, sem eru artFart,“ útskýrði Ásgerður G. Gunnarsdóttir, sem heldur utan um hátíðina í ár ásamt þeim Karli Ágústi Þorbergssyni, Sigurði Arent Jónssyni og Hannesi Óla Ágústsyni. „Okkur langaði að þróa hátíðina áfram og búa til vettvang fyrir ungt fólk í sviðslistum. Um leið virkar hátíðin hvetjandi á fólk,“ sagði Ásgerður. ArtFart vakti mikla athygli í fyrra, þegar hóparnir sem tóku þátt héldu til í húsi Ó. Jónsson og Kaaber verksmiðjunnar við Sæbraut. Í ár hefur Listaháskóli Íslands styrkt hátíðina og lánað þátttakendum húsnæði til æfinga og sýninga, sem allar fara fram í Smiðjunni, gamla nemendaleikhúsi skólans að Sölvhólsgötu. ArtFart hefur jafnframt hlotið styrki frá Reykjavíkurborg og Minningarsjóði Margrétar Björgólfsdóttur. Þátttakendur í hátíðinni eru um sjötíu í ár, en sýningar eru fimmtán. Þar má meðal annars geta frumsýningar á leikritinu Heteróhetjur: Með fullri virðingu fyrir Ashley Cole, og uppsetningu á verkinu Bubbi kóngur. Í ár verður bryddað upp á nýjungum í formi vinnustofu og málfundar. „Erna Ómarsdóttir verður með vinnustofu í byrjun ágúst, og svo aftur í lok mánaðar. Hún er fyrir fólk í sviðslistageiranum, en ekki eingöngu þá sem taka þátt í hátíðinni,“ útskýrði Ásgerður. Þá sér Karl Ágúst Þorbergsson um málfund um tilraunir í listum 12. ágúst næstkomandi. Danshópurinn Samyrkjar ríður á vaðið á artFart og sýnir verkið Moment Seen, við undirleik stórhljómsveitarinnar Tepokans, í Tjarnarbíói klukkan 20 á morgun og sunnudagskvöld. Hópurinn samanstendur af sex dönsurum frá Íslandi, Finnlandi og Svíþjóð og mun hann sýna verkið í Moderna Dansteatern í Stokkhólmi um verslunarmannahelgina. Nánari upplýsingar um dagskrá artFart og miðasölu má nálgast á vefsíðunni www.myspace.com/artfarticeland og í síma 8217987. Mest lesið Tíu ár af ást: „Sennilega ekki auðvelt með mér“ Lífið Skilnaður handan við hornið hjá Kanye og Biöncu Lífið Hafi enn verið hreinn sveinn Lífið Ragnhildur og Hanna Katrín kveðja Búseta Lífið Kemur frá Sýrlandi og syngur á íslensku Tónlist Harry og Meghan séu ekki að skilja Lífið Henti listaverkinu í ruslið Menning Galið að fræðsla um snípinn sé af skornum skammti Lífið Stofnar eigin útgáfu og byrjar í ruslinu Lífið Logi Geirs og Ólafur Ragnar léttir í London Lífið Fleiri fréttir Henti listaverkinu í ruslið Kúltúrkettir landsins létu sig ekki vanta í Portið „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira
Sviðslistahátíðin artFart hefst um helgina, með frumsýningu á dansverkinu Moment Seen í Tjarnarbíói. Samband ungra sviðslistamanna stendur að hátíðinni, sem hóf göngu sína í fyrra. Tilurð artFart er nátengd sumarstarfi Hins hússins. „Í fyrra voru mörg okkar í skapandi sumarstarfi Hins hússins. Við vorum flest að fara að frumsýna verk á svipuðum tíma, og fannst sniðugt að skella þessu saman undir ein regnhlífasamtök, sem eru artFart,“ útskýrði Ásgerður G. Gunnarsdóttir, sem heldur utan um hátíðina í ár ásamt þeim Karli Ágústi Þorbergssyni, Sigurði Arent Jónssyni og Hannesi Óla Ágústsyni. „Okkur langaði að þróa hátíðina áfram og búa til vettvang fyrir ungt fólk í sviðslistum. Um leið virkar hátíðin hvetjandi á fólk,“ sagði Ásgerður. ArtFart vakti mikla athygli í fyrra, þegar hóparnir sem tóku þátt héldu til í húsi Ó. Jónsson og Kaaber verksmiðjunnar við Sæbraut. Í ár hefur Listaháskóli Íslands styrkt hátíðina og lánað þátttakendum húsnæði til æfinga og sýninga, sem allar fara fram í Smiðjunni, gamla nemendaleikhúsi skólans að Sölvhólsgötu. ArtFart hefur jafnframt hlotið styrki frá Reykjavíkurborg og Minningarsjóði Margrétar Björgólfsdóttur. Þátttakendur í hátíðinni eru um sjötíu í ár, en sýningar eru fimmtán. Þar má meðal annars geta frumsýningar á leikritinu Heteróhetjur: Með fullri virðingu fyrir Ashley Cole, og uppsetningu á verkinu Bubbi kóngur. Í ár verður bryddað upp á nýjungum í formi vinnustofu og málfundar. „Erna Ómarsdóttir verður með vinnustofu í byrjun ágúst, og svo aftur í lok mánaðar. Hún er fyrir fólk í sviðslistageiranum, en ekki eingöngu þá sem taka þátt í hátíðinni,“ útskýrði Ásgerður. Þá sér Karl Ágúst Þorbergsson um málfund um tilraunir í listum 12. ágúst næstkomandi. Danshópurinn Samyrkjar ríður á vaðið á artFart og sýnir verkið Moment Seen, við undirleik stórhljómsveitarinnar Tepokans, í Tjarnarbíói klukkan 20 á morgun og sunnudagskvöld. Hópurinn samanstendur af sex dönsurum frá Íslandi, Finnlandi og Svíþjóð og mun hann sýna verkið í Moderna Dansteatern í Stokkhólmi um verslunarmannahelgina. Nánari upplýsingar um dagskrá artFart og miðasölu má nálgast á vefsíðunni www.myspace.com/artfarticeland og í síma 8217987.
Mest lesið Tíu ár af ást: „Sennilega ekki auðvelt með mér“ Lífið Skilnaður handan við hornið hjá Kanye og Biöncu Lífið Hafi enn verið hreinn sveinn Lífið Ragnhildur og Hanna Katrín kveðja Búseta Lífið Kemur frá Sýrlandi og syngur á íslensku Tónlist Harry og Meghan séu ekki að skilja Lífið Henti listaverkinu í ruslið Menning Galið að fræðsla um snípinn sé af skornum skammti Lífið Stofnar eigin útgáfu og byrjar í ruslinu Lífið Logi Geirs og Ólafur Ragnar léttir í London Lífið Fleiri fréttir Henti listaverkinu í ruslið Kúltúrkettir landsins létu sig ekki vanta í Portið „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira