Hvíldu þig, hvíld er góð? 25. apríl 2007 09:15 Þorvaldur Þorsteinsson ræðir um sjöundu dauðasyndina og misskilning nútímamannsins í Grófarhúsinu í dag. MYND/Anton Iðjusemi hefur löngum verið álitin með mestu dyggðum hér á landi og letin að sama skapi með verstu löstum enda vofir hún ávallt yfir. Þorvaldur Þorsteinsson, rithöfundur og myndlistarmaður, ræðir um þann löst og rekur með því smiðshöggið á fyrirlestraröð um dauðasyndirnar sjö í Grófarhúsinu kl. 17.15 í dag. Fyrirlestraröð þessi var flutt í Amtmannsbókasafninu á Akureyri fyrr í vetur og hefur mælst afar vel fyrir bæði norðan heiða og sunnan. Þorvaldur segist hafa fengið að velja sér synd og því varð letin fyrir valinu. „Ég vildi velja þá sem stendur mér næst og ég tengi mest við. Þetta er syndin sem hrjáir hvað flesta og ætli það verði ekki þar sem maður verður endanlega tekinn í bólinu.“ Þorvaldur segist hafa notað þetta tækifæri til að losna undan eigin ótta við letina og komist að ýmsu þegar hann kafaði dýpra í þær hugmyndir sem við tengjum við þennan löst. „Við erum öll upptekin af því að gera aldrei nóg og vera ekki nógu dugleg. Það er auðvelt að tengja dug- og dáðleysi við það að vera of latur. Í okkar samfélagi skiptir ekki máli hversu mikið menn gera – það er aldrei nóg og letin vofir ávallt yfir. Þegar ég fór að skoða letina út frá forsendum trúarinnar og hinum dauðasyndunum kom í ljós að hugmynd okkar um leti er eiginlega byggð á misskilningi,“ segir Þorvaldur og áréttar að mikilvægt sé að fólk geri sér grein fyrir hvað átt er við með leti. „Við höfum gripið í okkur svolítið skrýtna og skakka mynd af letinni og heimfært upp á hana sitthvað sem ekkert á skylt við dauðasyndina.“ Hann segir að í fyrirlestri sínum kalli hann hlustendur sína til nýrrar ábyrgðar og segist vonast til þess að þeir finni fyrir sama létti og hann sjálfur gagnvart þessari ógnvekjandi synd. „Fyrirlesturinn snýst svolítið um tegund af leti sem við höfum hingað til ekki tekið mjög alvarlega. Ef menn gera það er voðinn vís – maður verður svolítið öðruvísi þenkjandi en ég er mjög spenntur fyrir þeirri breytingu sjálfur.“ Hann lætur ekki meira uppi um erindi sitt að svo stöddu en segir að ef vel takist til muni efni fyrirlestursins að sönnu halda vöku fyrir mönnums. Þorvaldur vinnur einnig að því að eyða annars konar ótta úr sálarkimum fólks því hann hefur um nokkurra ára skeið staðið fyrir námskeiðum í skapandi skrifum á vegum fræðslumiðstöðvarinnar Kennsla.is. Til hans leitar fólk á öllum aldri sem í blunda höfundar, fólk með mismunandi bakgrunn og reynslu en Þorvaldur segir að það gefist mjög vel að vera með blandaða hópa á slíkum námskeiðum. Hann útskýrir síðan að flestir þátttakendanna hafi alls konar skýringar á því af hverju þeir ættu ekki að vera á námskeiði í skapandi skrifum. „Á námskeiðið kemur fólk sem ekki segist geta skrifað eða hafa neitt að skrifa um. Ég hef þó ekki enn verið með nemanda sem ekki hefur orðið að endurskoða þann vanmátt sinn á þessu námskeiði.“ Þorvaldur segir að allir geti skrifað og markmið námskeiðsins sé að eyða hræðslunni og koma fólki af stað. „Ef við umgöngumst skrifin eins og okkar eigin tjáningu á góðum degi, ef við skrifum eins og við spjöllum við ástvini okkar, getum við skrifað hvað sem okkur sýnist.“ Nánari upplýsingar um námskeiðið má finna á heimasíðunni www.kennsla.is Mest lesið Tíu ár af ást: „Sennilega ekki auðvelt með mér“ Lífið Skilnaður handan við hornið hjá Kanye og Biöncu Lífið Hafi enn verið hreinn sveinn Lífið Ragnhildur og Hanna Katrín kveðja Búseta Lífið Kemur frá Sýrlandi og syngur á íslensku Tónlist Harry og Meghan séu ekki að skilja Lífið Henti listaverkinu í ruslið Menning Galið að fræðsla um snípinn sé af skornum skammti Lífið Stofnar eigin útgáfu og byrjar í ruslinu Lífið Logi Geirs og Ólafur Ragnar léttir í London Lífið Fleiri fréttir Henti listaverkinu í ruslið Kúltúrkettir landsins létu sig ekki vanta í Portið „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira
Iðjusemi hefur löngum verið álitin með mestu dyggðum hér á landi og letin að sama skapi með verstu löstum enda vofir hún ávallt yfir. Þorvaldur Þorsteinsson, rithöfundur og myndlistarmaður, ræðir um þann löst og rekur með því smiðshöggið á fyrirlestraröð um dauðasyndirnar sjö í Grófarhúsinu kl. 17.15 í dag. Fyrirlestraröð þessi var flutt í Amtmannsbókasafninu á Akureyri fyrr í vetur og hefur mælst afar vel fyrir bæði norðan heiða og sunnan. Þorvaldur segist hafa fengið að velja sér synd og því varð letin fyrir valinu. „Ég vildi velja þá sem stendur mér næst og ég tengi mest við. Þetta er syndin sem hrjáir hvað flesta og ætli það verði ekki þar sem maður verður endanlega tekinn í bólinu.“ Þorvaldur segist hafa notað þetta tækifæri til að losna undan eigin ótta við letina og komist að ýmsu þegar hann kafaði dýpra í þær hugmyndir sem við tengjum við þennan löst. „Við erum öll upptekin af því að gera aldrei nóg og vera ekki nógu dugleg. Það er auðvelt að tengja dug- og dáðleysi við það að vera of latur. Í okkar samfélagi skiptir ekki máli hversu mikið menn gera – það er aldrei nóg og letin vofir ávallt yfir. Þegar ég fór að skoða letina út frá forsendum trúarinnar og hinum dauðasyndunum kom í ljós að hugmynd okkar um leti er eiginlega byggð á misskilningi,“ segir Þorvaldur og áréttar að mikilvægt sé að fólk geri sér grein fyrir hvað átt er við með leti. „Við höfum gripið í okkur svolítið skrýtna og skakka mynd af letinni og heimfært upp á hana sitthvað sem ekkert á skylt við dauðasyndina.“ Hann segir að í fyrirlestri sínum kalli hann hlustendur sína til nýrrar ábyrgðar og segist vonast til þess að þeir finni fyrir sama létti og hann sjálfur gagnvart þessari ógnvekjandi synd. „Fyrirlesturinn snýst svolítið um tegund af leti sem við höfum hingað til ekki tekið mjög alvarlega. Ef menn gera það er voðinn vís – maður verður svolítið öðruvísi þenkjandi en ég er mjög spenntur fyrir þeirri breytingu sjálfur.“ Hann lætur ekki meira uppi um erindi sitt að svo stöddu en segir að ef vel takist til muni efni fyrirlestursins að sönnu halda vöku fyrir mönnums. Þorvaldur vinnur einnig að því að eyða annars konar ótta úr sálarkimum fólks því hann hefur um nokkurra ára skeið staðið fyrir námskeiðum í skapandi skrifum á vegum fræðslumiðstöðvarinnar Kennsla.is. Til hans leitar fólk á öllum aldri sem í blunda höfundar, fólk með mismunandi bakgrunn og reynslu en Þorvaldur segir að það gefist mjög vel að vera með blandaða hópa á slíkum námskeiðum. Hann útskýrir síðan að flestir þátttakendanna hafi alls konar skýringar á því af hverju þeir ættu ekki að vera á námskeiði í skapandi skrifum. „Á námskeiðið kemur fólk sem ekki segist geta skrifað eða hafa neitt að skrifa um. Ég hef þó ekki enn verið með nemanda sem ekki hefur orðið að endurskoða þann vanmátt sinn á þessu námskeiði.“ Þorvaldur segir að allir geti skrifað og markmið námskeiðsins sé að eyða hræðslunni og koma fólki af stað. „Ef við umgöngumst skrifin eins og okkar eigin tjáningu á góðum degi, ef við skrifum eins og við spjöllum við ástvini okkar, getum við skrifað hvað sem okkur sýnist.“ Nánari upplýsingar um námskeiðið má finna á heimasíðunni www.kennsla.is
Mest lesið Tíu ár af ást: „Sennilega ekki auðvelt með mér“ Lífið Skilnaður handan við hornið hjá Kanye og Biöncu Lífið Hafi enn verið hreinn sveinn Lífið Ragnhildur og Hanna Katrín kveðja Búseta Lífið Kemur frá Sýrlandi og syngur á íslensku Tónlist Harry og Meghan séu ekki að skilja Lífið Henti listaverkinu í ruslið Menning Galið að fræðsla um snípinn sé af skornum skammti Lífið Stofnar eigin útgáfu og byrjar í ruslinu Lífið Logi Geirs og Ólafur Ragnar léttir í London Lífið Fleiri fréttir Henti listaverkinu í ruslið Kúltúrkettir landsins létu sig ekki vanta í Portið „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira