Um Scott 24. febrúar 2007 00:01 Ég er ekkert sérstaklega hrifinn af því - svo vægt sé til orða tekið - að stjórnmálaflokkar á Alþingi og í borgarstjórn skuli álykta sérstaklega um það hvaða hópar þeir telji að séu velkomnir til landsins og hverjir ekki, eins og gerðist nú í vikunni í tilviki boðaðrar ráðstefnu fólks í klámiðnaði. Ég sé því ekki betur en að ég, á mínum fyrstu metrum í pólitík, sé þar með ósammála í afmörkuðu máli öllum flokkum á Alþingi, því hér myndaðist jú þverpólitísk samstaða. ÞAÐ er e.t.v. full bratt fyrir ungan mann, en hvað um það. Ég er þeirrar skoðunar að ef klámráðstefnan hefði farið fram hér á landi hefði verið eðlilegt, lýðræðislegt og sjálfsagt að fólk stæði fyrir skipulögðum mótmælum og léti vel í sér heyra. Að sama skapi hefði ég líka haft áhuga á því að heyra málsvörn ráðstefnugesta. Rökræða milli tiltekins Scotts Hjorleifssonar eða Cristinu Pong - þeirra sem einna helst hafa verið í málsvari fyrir ráðstefnugesti - og íslenskra femínista í Kastljósi hefði til dæmis getað farið fram af þessu tilefni. ÉG lít svo á að ég búi í opnu samfélagi. Þannig vil ég hafa það. Það þýðir, að mínu viti, að stofnanir eins og Alþingi og borgarstjórn eiga ekki að láta uppi skoðanir á því hvort þær telji einhverja hópa, umfram aðra, óæskilega sem gesti á hótelum hér á landi. Aðeins lögreglan á að taka afstöðu til slíks, og þá á grundvelli laga. Ég tek undir áhyggjur fólks í ferðamannaiðnaði af þessu tilefni. Það biður nú um lista frá borgaryfirvöldum þar sem tilgreint er hvaða hópar eru óæskilegir og hverjir ekki. VERÐUR hér eftir tekin opinber afstaða til þess hvort hópar sem hingað stefna séu óæskilegir miðað við ákveðnar pólitískar og siðferðislegar röksemdir? Hvað ef hópur eins og National Rifle Association (NRA) boðar komu sína hér í skemmtiferð, þjóðernisflokkur Le Pens eða samtök hvítrar kynþáttahyggju? Hvað gera bændur þá? ANDÚÐ fólks á ráðstefnunni er ákaflega skiljanleg. Klám er sóðalegur iðnaður með margar viðurstyggilegar skuggahliðar. Af mínum sjónarhóli hefur hins vegar háværasta andstaðan við ráðstefnuna byggst á þeirri tegund femínisma sem ég get ekki fyllilega skrifað undir. Ég hef lært um femínisma og skrifað um þá stefnu ritgerðir í heimspekinámi. Ég álít mig gallharðan jafnréttissinna. ÞAÐ verður hins vegar ekki framhjá því litið að femínísk umræða t.d. í Bandaríkjunum er mun margslungnari en hér er boðið upp á. Til að mynda er það heitt deiluefni femínista þar í landi hvaða áhrif kynlífsbyltingin upp úr 1970, með tilheyrandi afþreyingariðnaði, hafði á stöðu kvenna. Atburðarásin í liðinni viku lýsti ekki þeirri yfirvegun sem ég myndi vilja sjá, af hendi grundvallarstofnana landsins, í opnu og frjálsu samfélagi gagnvart þannig viðfangsefni, hvað sem mér og öðrum kann persónulega að finnast um Scott Hjorleifsson og hans iðju. Guðmundur Steingrímsson Viltu birta grein á Vísi? Sendu okkur póst. Senda grein Guðmundur Steingrímsson Mest lesið Halldór 5.10.2024 Jón Þór Stefánsson Halldór Eignafólk græðir mikið á vaxtastefnu Seðlabankans Stefán Ólafsson Skoðun Telur rektor Háskóla Íslands úrskurði alþjóðadómstóla og ályktanir Sameinuðu þjóðanna vera pólitískt álitamál? Elí Hörpu- og Önundarbur Skoðun Spilling á Íslandi: Erum við að missa tökin? Ágústa Árnadóttir Skoðun Sleppum brúnni og förum betri leið framhjá Selfossi Elliði Vignisson Skoðun Af ofurhetjum og störfum þeirra Kristín Björnsdóttir Skoðun Þriðjungur barna af erlendum uppruna tilheyrir ekki skólanum sínum Sara Björg Sigurðardóttir Skoðun Uppeldi frá gamla einmenningar eins-skin-litar viðhorfum Matthildur Björnsdóttir Skoðun Að dansa í regninu Lóa Björk Ólafsdóttir Skoðun Einstakur atburður og viðbúnaður Marinó G. Njálsson Skoðun
Ég er ekkert sérstaklega hrifinn af því - svo vægt sé til orða tekið - að stjórnmálaflokkar á Alþingi og í borgarstjórn skuli álykta sérstaklega um það hvaða hópar þeir telji að séu velkomnir til landsins og hverjir ekki, eins og gerðist nú í vikunni í tilviki boðaðrar ráðstefnu fólks í klámiðnaði. Ég sé því ekki betur en að ég, á mínum fyrstu metrum í pólitík, sé þar með ósammála í afmörkuðu máli öllum flokkum á Alþingi, því hér myndaðist jú þverpólitísk samstaða. ÞAÐ er e.t.v. full bratt fyrir ungan mann, en hvað um það. Ég er þeirrar skoðunar að ef klámráðstefnan hefði farið fram hér á landi hefði verið eðlilegt, lýðræðislegt og sjálfsagt að fólk stæði fyrir skipulögðum mótmælum og léti vel í sér heyra. Að sama skapi hefði ég líka haft áhuga á því að heyra málsvörn ráðstefnugesta. Rökræða milli tiltekins Scotts Hjorleifssonar eða Cristinu Pong - þeirra sem einna helst hafa verið í málsvari fyrir ráðstefnugesti - og íslenskra femínista í Kastljósi hefði til dæmis getað farið fram af þessu tilefni. ÉG lít svo á að ég búi í opnu samfélagi. Þannig vil ég hafa það. Það þýðir, að mínu viti, að stofnanir eins og Alþingi og borgarstjórn eiga ekki að láta uppi skoðanir á því hvort þær telji einhverja hópa, umfram aðra, óæskilega sem gesti á hótelum hér á landi. Aðeins lögreglan á að taka afstöðu til slíks, og þá á grundvelli laga. Ég tek undir áhyggjur fólks í ferðamannaiðnaði af þessu tilefni. Það biður nú um lista frá borgaryfirvöldum þar sem tilgreint er hvaða hópar eru óæskilegir og hverjir ekki. VERÐUR hér eftir tekin opinber afstaða til þess hvort hópar sem hingað stefna séu óæskilegir miðað við ákveðnar pólitískar og siðferðislegar röksemdir? Hvað ef hópur eins og National Rifle Association (NRA) boðar komu sína hér í skemmtiferð, þjóðernisflokkur Le Pens eða samtök hvítrar kynþáttahyggju? Hvað gera bændur þá? ANDÚÐ fólks á ráðstefnunni er ákaflega skiljanleg. Klám er sóðalegur iðnaður með margar viðurstyggilegar skuggahliðar. Af mínum sjónarhóli hefur hins vegar háværasta andstaðan við ráðstefnuna byggst á þeirri tegund femínisma sem ég get ekki fyllilega skrifað undir. Ég hef lært um femínisma og skrifað um þá stefnu ritgerðir í heimspekinámi. Ég álít mig gallharðan jafnréttissinna. ÞAÐ verður hins vegar ekki framhjá því litið að femínísk umræða t.d. í Bandaríkjunum er mun margslungnari en hér er boðið upp á. Til að mynda er það heitt deiluefni femínista þar í landi hvaða áhrif kynlífsbyltingin upp úr 1970, með tilheyrandi afþreyingariðnaði, hafði á stöðu kvenna. Atburðarásin í liðinni viku lýsti ekki þeirri yfirvegun sem ég myndi vilja sjá, af hendi grundvallarstofnana landsins, í opnu og frjálsu samfélagi gagnvart þannig viðfangsefni, hvað sem mér og öðrum kann persónulega að finnast um Scott Hjorleifsson og hans iðju. Guðmundur Steingrímsson
Telur rektor Háskóla Íslands úrskurði alþjóðadómstóla og ályktanir Sameinuðu þjóðanna vera pólitískt álitamál? Elí Hörpu- og Önundarbur Skoðun
Þriðjungur barna af erlendum uppruna tilheyrir ekki skólanum sínum Sara Björg Sigurðardóttir Skoðun
Telur rektor Háskóla Íslands úrskurði alþjóðadómstóla og ályktanir Sameinuðu þjóðanna vera pólitískt álitamál? Elí Hörpu- og Önundarbur Skoðun
Þriðjungur barna af erlendum uppruna tilheyrir ekki skólanum sínum Sara Björg Sigurðardóttir Skoðun